原帖由 AVW56 於 2007-12-28 17:14 發表 http://www.hkitalk.net/HKiTalk2/images/common/back.gif
未合併之前, 都係咁直接叫屯門站架喇
而家無端端加個 "西鐵線" 落去......
佢點加都無用, 因為西鐵線呢個名本身就有問題
又鐵, 又線, 鐵咪等如線, 又rail又line, 意思完全重疊囉
又唔順口wo, 好多街坊都反映, 話唔明做咩要加多個線字囉
再加上, 居民早已叫慣晒西鐵西鐵, 而家亦都係叫西鐵
如果港鐵改名的目的真係如你所說般
我諗港鐵廣該唔能夠成功
"西鐵線" 相信都好難深入民心囉
我同意 "鐵線" 難聽, 不過唔同意 鐵=線, 因為 "鐵" 比 "線" 高一個層次。
"地下鐵路荃灣線", 不能等如 "地下線路荃灣鐵", 對吧。
唔深入民心一件事, 宣傳的事點都要做。西鐵唔改名其實我都唔反對,
不過唔改名又可能畀人話唔夠統一, "不公平" 啦。
其實我最想知點解九龍區前九鐵站會用地鐵風格指示牌，
新界區就沿用九鐵風格....
呢樣野對乘客影響不大，不過如果作為企業形象的一個
研究題目就幾有趣~
原帖由 da54 於 2007-12-28 17:48 發表 http://www.hkitalk.net/HKiTalk2/images/common/back.gif
其實我最想知點解九龍區前九鐵站會用地鐵風格指示牌，
新界區就沿用九鐵風格....
呢樣野對乘客影響不大，不過如果作為企業形象的一個
研究題目就幾有趣~ ...
似乎只係跟原地鐵有轉車安排的車站才轉地鐵風格,
例如旺角東站即使改名都沒有改變藍色底色燈箱設計。
可能其他站沒急切需要統一風格, 所以即使換新顯示都
沿用原有九鐵風格, 以免換o的唔換o的令人覺得混亂,
完全換晒又o徙錢。
原帖由 virus 於 2007-12-28 19:31 發表 http://www.hkitalk.net/HKiTalk2/images/common/back.gif
屯門輕鐵站個度有巴士站
屯門港鐵站巴士總站又有巴士站
"屯門港鐵站" 也是有問題的寫法, 因為屯門輕鐵站也是一個 "屯門港鐵站" (輕鐵也是港鐵)。
所以要區分二者, 只能寫 "西鐵線屯門站"
(或 "屯門西鐵線站", 但此寫法較混亂, 看成 "屯門西" "鐵線站" 都幾搞笑)。
以我所見, 其實只是凡出現 "東鐵" 及 "西鐵" 的地方都改成 "東鐵線" 及 "西鐵線", 似乎沒有甚麼實際目的可言. 如果有得話, 說不定只是 "去九鐵化" 而已.
原帖由 mmlcs36 於 2007-12-28 20:37 發表 http://www.hkitalk.net/HKiTalk2/images/common/back.gif
鐵同線其實係包含兩種不同意味
鐵 是指 路線名, 只要有任何列車經過X鐵, 亦可叫"那是X鐵列車"
線 是指 系統名, 需要列車種別一樣才能有同樣的稱呼
我覺得可以咁講：
「鐵」與「線」是兩個層次的概念，鐵比線大。
鐵路 包含一切路軌、系統、列車、人員，是一個獨立運作的個體，而行駛的列車有不同種類，
例如工程車屬於港鐵但不屬於任何一條線。
以香港及附近普遍情況來說，鐵路可以組合成一間公司或一個部門，
例如地鐵、九鐵及港鐵，還有廣深鐵路。
線路 包含某幾個車站串連成的鐵路路段，是一個地理概念，沒有行政意味，線要由鐵路公司／部門營運。
在香港，大多數情況下，一條線只有一個營運者（鐵路公司／部門），但亦有例外，
東鐵線有港鐵、廣深鐵路及中國鐵路局列車，歐洲更經常出現一線多鐵的現象。
或者用香港以外的例子較易明白。
中國大陸的大部分列車係由中國鐵路局營運，簡稱中鐵。
中鐵運作的路線，有京九線京廣線京哈線隴海線蘭新線等等。
日本的列車由不同的JR（前國鐵）及私鐵營運，
例如JR East（注意JR個「R」）有山手線崎京線中央線總武線成田線等等，
京成電鐵有東成田線押上線等等。
即使某鐵只有一條線，都可以用「ｘ鐵本線」來表達。
而列車種別是否一樣，又是另一個概念，比「線」再低一層，香港幾乎全部車都係站站停就好難講，
我識得少，都係用返日本啦，例如JR East中央線上面有中央特快及中央總武緩行，
某列車種別未必一定只在某一條線上，中央總武緩行已經是最佳例子。
鐵、線、種別是互相連繫但又不同的概念。
所以「九廣東鐵／九廣西鐵」係奇怪的，
應該叫「九廣鐵路東線（九鐵東線／東線）」及「九廣鐵路西線（九鐵西線／西線）」。
因為假如以當年規劃，西鐵以羅湖連接內地鐵路的話，
亦正正是「連接九龍及廣州的鐵路 （香港境內）西邊走線」。
又或者，要維持呢個名的話，
「九廣東鐵」＝紅磡至廣州東 ＝ 九龍至廣州 東面的鐵路
「九廣西鐵」＝九龍西至新廣州＝ 九龍至廣州 西面的鐵路
九鐵自己將旗下路線叫做「東鐵／西鐵」係好古怪的「創舉」，
亦造成今時今日叫東鐵線西鐵線咁怪上加怪。
純粹個人抒發，我表明我係吹毛求疵:lol～
直到架陣... 我相信大把人係嗌緊 "西鐵" 同 "火車" & "地鐵"
MTR方面真係要係新界區做多D PROMOTION...
而家約等人大家仍會講喺「火車」、「地鐵」及「西鐵」站等，
當加價嘅時候大家自動自覺地話港鐵冇良心云云:lol
好快jei，唔使等幾耐