迪士尼樂園巴士
即日去完迪士尼，咁我係睇埋煙花先走...返屯門就理所當然想到R33啦
(反正去得迪士尼就預左車費貴，無所謂啦，俾多$0.9唔駛轉車)
去到巴士總站(約19:15)，R33同R42各只得一部車
心諗：唔係只係得一班車嘛
結果兩條線都係19:45先開車走...
問題來喇：
根據九巴的網頁資料顯示
兩條路線返屯門及沙田的時間為煙花表演後15分鐘開出頭車，而尾班車則於煙花表演後45分鐘開出
我等車咁耐就真係只係見到每條線得一部車在
開車時間就係19:45，連站頭的電子牌都係打這個時間
而開車後我睇到去青嶼幹線都唔見有私牌車入迪士尼樂園
如果網頁講係岩的話，咁頭班車咪遲左開，尾班車咪早左開囉？
咁叫個乘客點樣預時間呢？
雖然部車就真係唔爆，仲有大把空位，
但個問題係究竟九巴點樣定出開車時間啦？還是係迪士尼樂園每天報人數俾巴士公司
等佢安排幾多班巴士去迪士尼樂園呢？
但我見隔離城巴的三條R線(R11、R21同R22)，又真係開到兩班車
雖然只係單層MAN，咁城巴又點樣定出開車時間呢？
頁:
[1]