飛行報告：PR103 LAX-GUM-MNL; PR300 MNL-HKG
小弟第一次寫飛行報告，請多多指教。去年我去了美國一趟，其中一間旅行社推介我訂菲航的機票來回香港及洛杉磯，
價錢極為吸引，於是我毫不猶豫就買了。
但隨後，我思前想後，越想就越驚，:funk:
一是怕旅行社是黑店，會不會臨到出發前一天才發覺機票有問題；
二是懷疑菲航的服務究竟會不會很差，當然，一分錢一分貨，我不會抱太高的期望。
在這裏跟大家分享一下我回程的經歷及相片。
PR103：
機型：B747-400
出發地：洛杉磯 LAX
經：關島 GUM
目的地：馬尼拉 MNL
原定起飛時間：21:05 28/12
實際起飛時間：21:10 28/12
原定到達時間：06:05 30/12
實際到達時間：06:07 30/12
全程飛行時間：16小時57分
座位：61B
PR300：
機型：B747-400
出發地：馬尼拉 MNL
目的地：香港 HKG
原定起飛時間：08:00 30/12
實際起飛時間：08:20 30/12
原定到達時間：10:00 30/12
實際到達時間：10:01 30/12
全程飛行時間：1小時41分
座位：61B
我提前了五小時到達洛杉磯機場，櫃位唔算多人
http://lrg.zorpia.com/0/4219/27001712.5923a5.jpg
登機證。由於早到，所以地勤人員編了61A,B兩個「靚位」給我和我的朋友，這時我仍未知道「靚位」是指甚麼。
http://lrg.zorpia.com/0/4219/27001769.76a646.jpg
洛杉磯機場的抵港航班資料。留意NZ 21的出發地…:L
http://lrg.zorpia.com/0/4219/27001822.d102e4.jpg
登機的102號閘口
http://lrg.zorpia.com/0/4219/27001829.a340d5.jpg
兩個航班的主角都是同一隻飛機－－B747-400
http://lrg.zorpia.com/0/4219/27001911.f78fb6.jpg
上到機，「靚位」的意思原來是緊急逃生門旁邊，前面有兩米多的空間，雙腳可自由伸展:)
http://lrg.zorpia.com/0/4219/27004794.a933e0.jpg
從洛杉磯起飛後半小時隨即派餐，第一餐我選擇了牛肉炒麵，味道頗佳，不過略嫌油膩。
http://lrg.zorpia.com/0/4219/27001891.6318a4.jpg
十多個小時後，從關島起飛不久，機組人員開始派第二餐。我選擇了雞飯，質素尚可。
http://lrg.zorpia.com/0/4219/27001898.af0fbe.jpg
經過約17小時的航程，客機終於降落馬尼拉機場。
在這裏轉機的經歷十分深刻，由落機開始就有保安人員貼身護送我們，經特別通道從抵港層往離港層，非常「人性化」。:loveliness:
http://lrg.zorpia.com/0/4219/27001915.a526b2.jpg
在馬尼拉的登機口為N6，恰巧電視機壞了。
http://lrg.zorpia.com/0/4219/27005223.87de69.jpg
起飛不久又派餐了，今次是台式臘腸併雞肉飯，味道一流！
http://lrg.zorpia.com/0/4219/27001952.9f49e7.jpg
機艙環境（上座率100%）
http://lrg.zorpia.com/0/3557/22767707.89cda5.jpg
（續下篇） 感想：
雖然菲航的票價平，我事前亦不敢對其服務有太大期望，但最終覺得服務遠勝我的預期。
首先，無論在香港、馬尼拉抑或洛杉磯，地勤人員都很健談，先令我留下頗佳的第一印象。
在機上，機組人員服務態度也相當殷勤有禮及有效率。
機上沒有PTV是我早就料到的，所以我早有準備，帶了書藉解悶。
座位不算特別舒適，但由於我的legroom極大，即使連續坐了17小時也不覺累。
此外，食物質素及升降準時度也令我滿意。
如果下次菲航再有這麼廉宜的機票，我不介意再選乘它的長途機。
後記：
我訂機票的旅行社剛於上個月倒閉了，真慶幸自己避過一劫…:L
多謝瀏覽！:D 可以講講你張機票買0左幾多錢?
你轉機有人護送
係咪因為時間緊逼(例如得番大半個鐘)
加上要先出境又要入番境, 有人護送可以快0的?
因為我試過0係巴黎CDG轉機
得半個鐘左右, 一行出飛機就有地勤帶乘客不停打尖, 穿過重重關卡
再去唔同terminal分別轉機 你就好彩啦，我上兩星期就係去 CDG 轉，由 2E 去 2D，首先 2E 個閘已經唔係 main E building 入面，要搭捷運去，然後去到 main E 要先過 immigration，以法國人既效率大家估到條隊幾長喇 (不過都好過美國式審犯多多聲)；然後由 2E 過 2D 係要行三個字既，冇捷運，冇巴士，去到 2D 再要排過 security check (又係法國人效率啦...)
我同果度個職員講，我班機十五分鐘後 depart，佢話成條隊都係趕時間... (又真係全世界都係咁上下情況... :L )。最後？miss 左班機，去 customer service 度見返晒頭先 security check 條隊 d 人 :lol
我已經預左個幾鐘轉呢程機，點知原來至少預一個鐘零九個字先夠... :L 原帖由 av455hk 於 2008-4-2 01:49 發表 http://www.hkitalk.net/HKiTalk2/images/common/back.gif
可以講講你張機票買0左幾多錢?
你轉機有人護送
係咪因為時間緊逼(例如得番大半個鐘)
加上要先出境又要入番境, 有人護送可以快0的?
機票連稅及雜費後六千餘元，180天內來回，不退不改。
（我曾經打算將回程機票改前兩天，但菲航話要補$12000差額:Q ，我即刻縮沙…）
在馬尼拉轉機不需要辦出入境手續，也不用提行李，而我有兩小時轉機，時間可謂非常充裕。
不過，由於馬尼拉機場沒有專為轉機旅客而設的通道，
所以就會有保安人員一對一的護送我們「闖關」離開禁區範圍，
經特別通道往離境層，然後又再「闖關」進入候機大堂禁區。
途中我們的登機證和護照都被保安保管著，
整個過程連安檢只需約十分鐘。
雖然講到好似好嚴苛咁，但其實保安人員都很nice的，
而且有人帶路，保證唔會在機場蕩失路～:victory:
我同果度個職員講，我班機十五分鐘後 depart，佢話成條隊都係趕時間... (又真係全世界都係咁上下情況... :L )。最後？miss 左班機，去 customer service 度見返晒頭先 security check 條隊 d 人 :lol
我已經預左個幾鐘轉呢程機，點知原來至少預一個鐘零九個字先夠... :L
咁恐怖?
你咁講搞到我以後唔敢坐AF 0係CDG轉去第0的歐洲地方....
上兩個星期? 我係9月0既事, 我好似係2F去2D
有兩個去巴西0既一齊
個保安帶我地狂打尖, 睇passport, 過security
係咁打尖都行左三四個字
如果自己行, miss左班機都唔知點死 我諗 AF 已經見怪不怪，我一同佢地講我 miss 左班機，佢問都唔問即刻 print 張下班機既 boarding pass 俾我，我一仙都唔使俾~
不過去 CDG 轉機真係預得有咁鬆得咁鬆好，尤其係朝早繁忙時間。
2F 去 2D 已經算近喇，最麻煩都係 2E。我估係因為 2E 之前 lum 樓之後，成個 terminal 斷開幾截，d internal transportation 又做得差，所以特別惡頂。 我醒起喇, 我班機原本係落2E
不過臨降落先話我0地知變0左2F
可能因為轉0左TERMINAL先有特別待遇
如果班機照落2E
我諗我要delay一日先有得再上機...
呢0的係咪死好命? 原帖由 av455hk 於 2008-4-3 01:55 發表 http://hkitalk.net/HKiTalk2/images/common/back.gif
我醒起喇, 我班機原本係落2E
不過臨降落先話我0地知變0左2F
可能因為轉0左TERMINAL先有特別待遇
如果班機照落2E
我諗我要delay一日先有得再上機...
呢0的係咪死好命? ...
哈，咁你又真係幾好彩喎~
印象中 2F 大部份閘都係俾內陸航班用既，通常國際航班都停 2E，所以入境設施都好似係集中晒o係 2E...
但 2F 自己有冇 immigrations 就請高人指點喇。
你上次要轉機去邊度？點解下班機就要一日後咁耐？ 記憶所及, 2F係有自己immigrations, 不過細0的
我要出0左2F再上上落落, 穿0左過去2D再入去
去雅典呀~~
1730到CDG
轉1815班機去ATH(不過0個日DELAY到成1905先push back)
已經係最夜0個班
之後0個班要第朝7點幾:L
轉唔到機我就要訓CDG兼0徙一晚雅典酒店
[ 本帖最後由 av455hk 於 2008-4-4 17:00 編輯 ]
頁:
[1]