[求救]我個fd玩到我架車殘，會唔會有問題？
今晚我個fd借左我架車駕左一陣，我坐在隔離睇住佢，佢唔識吊極力子，眼見都不下十二三次死火，終於去到將軍澳工業村一個燈位死左兩次火後奶野。佢再撻車(應該係今晚第十五十六次)，發覺starter冇力撻唔著，嚇到我即刻再試下撻，發覺starter冇力到就快轉唔郁咁，好辛苦先「爬」返上去正常轉數，跟住我即刻在馬路中心同佢調位，我自己渣返，我係咁畀油用低波谷高轉數，想快d差返舊電。我想問好似咁既情況下，係咪電池因頻密撻車導致耗盡？係既話，要行幾多里路/行幾耐先差得返滿？我之後由工業村渣返黃大仙，大概十公里路鬆d，夠唔夠差返起電池？ 我中途去到彩雲試過熄車再撻，回復正常，但我驚舊電仲未差滿。我下次開車係星期六，我果朝趕時間，一定要一撻即開，有冇機會因為今晚而撻唔著？
重點係我由工業村返黃大仙已經盡量谷高轉數... 撻車係用電最多的電器，一旦電池電壓低過12V，已經可以撻唔著，所以如果電力不足，最好先將所有電器，尤其係冷氣、燈之類全部關掉，才再次起動。就算平日使用，最好習慣將所有電器關掉才離開，以備下次開車時不會同時開動其他電器，這會令電池、打喃磨的壽命得以延長。
其實撻著車後，只要保持引擎怠轉（不開任何電器）十五分鐘以上，電池便已經充滿，如果有行車、俾油等，即使沿途有開燈、音響、冷氣等，由將軍澳出黃大仙已足夠有餘了。
不過最重要還是你要知你架車舊電用o左幾耐，如果已經用了近三年，那就差不多夠期，如果電池屬可加水的款式，可以睇睇電池水是否足夠，如不足可以加返，可以令電力減少流失。 你最好搞清楚你舊電池用左幾耐，如果好似板友所講已經用左
三年以上可以考慮換左佢，人工包料一般四百蚊左右。
另外你部係棍波車，如果緊急情況撻唔到可以試下用推車既方
法chok著佢，不過最好計埋你有三個人(最少都要有兩個人，其
中一個好大力可以一個人推郁部車)，同埋要有一定技考。方法
如下：
盡可能確定部車當時係o係一個安全平坦而有一段空間既地方，
唔會失控溜前/溜後，你坐o係司機位，將車匙扭去平時著左車既
位置(即係再扭就會撻車)，入定個二波，踩實極力子鬆手掣，後
面最好兩個人，最少一個人推部車向前，部車行到大約5km/h以
上開始慢慢鬆極力子，技巧好既話副引擎就會俾部車既動力帶住
轉，如果成功既話就會著番。著左之後立即踩極力子入番空波同
停車(著到車應該有番brake)拉手掣，等部引擎行一陣差番電。
以上方法當舊電只係唔夠力推start，但係仲有電去著火咀時最大
機會成功，不過如果電池已經死到一滴電都冇，又或者打藍磨打
柴，咁就有可能唔成功。
[ 本帖最後由 fai 於 2008-4-29 09:36 編輯 ] 原帖由 fai 於 2008-4-29 09:33 發表 http://www.hkitalk.net/HKiTalk2/images/common/back.gif
你最好搞清楚你舊電池用左幾耐，如果好似板友所講已經用左
三年以上可以考慮換左佢，人工包料一般四百蚊左右。
另外你部係棍波車，如果緊急情況撻唔到可以試下用推車既方
法chok著佢，不過最好計埋你有三個人(最少都要有兩 ...
我舊電只係用左五個月，11月中新換落去，咁唔駛換la~我驚緊畀我個fd玩殘之後，行返一段路都差唔返，而家見你地咁講，咁放心晒喇，尋日坑口去黃大仙都行左約15分鐘，谷住高轉，咁應該冇問題~。:lol :victory: :victory:
你講果個方法，我之前有個同事返工時忘記熄細燈，到放工時(約九個鐘)已經撻唔著車，用推車返法都撻唔著，之後過江龍就扯到人地部車都死埋火，最後call車先得，就係見佢咁所以先驚...
另外我想問，電池係咪加pure water就得？？我舊電而家係顯示綠色~~ 我老豆未買車之前，問過佢朋友借左架棍波私家車搬屋，
佢朋友借左車俾我老豆之後就飛左去旅行，
而第一轉就渣左去觀塘既月華街，然後熄偈等佢阿哥拎野俾佢。
拎完野之後，老豆就諗住撻番部車行，點知撻極都撻唔到，
又打唔到俾佢朋友問下部車之前係咪有咩事，
好辛苦搵到個車房電話，已經諗住打去求救。
打去之後，個車房仔就問佢果段路可唔可以流前 / 後，
咁岩果段月華街係斜上路段，個車房仔就教佢…
鬆 hand brake，等部車慢慢流後（當然要響住桉），
當流後果陣，就試下撻車，撻到既話就可以渣去車房換電，
結果我老豆真係做到，慳番一舊 call 車房黎救車既錢。 原帖由 4056 於 2008-4-29 20:12 發表 http://www.hkitalk.net/HKiTalk2/images/common/back.gif
我舊電只係用左五個月，11月中新換落去，咁唔駛換la~我驚緊畀我個fd玩殘之後，行返一段路都差唔返，而家見你地咁講，咁放心晒喇，尋日坑口去黃大仙都行左約15分鐘，谷住高轉，咁應該冇問題~。:lol :victory: :victory:
你講果 ...
行車15分鐘只需用平常的駕駛方式便可以，行車時引擎轉速已比怠速快，刻意高轉只會浪費燃油。
電池可以用蒸餾水，但一般汽車零件舖也有電池專用的電解液，一般是粉紅色的，效果會比用蒸餾水好。
電燈耗電量比開收音機還要大，別小看只是細燈，一開細燈，尾燈也同時亮著，同時間最少也有四盞燈，連同錶板燈也一齊開著，九個鐘不扯乾電才怪；我都試過尾箱蓋關唔實，入面盞燈著足一日，結果都係無電。
另外用過江龍救車，建議在試撻部無電車時，拯救車要一邊俾油，同埋最好差一陣電先好試撻車，以防人地舊電都被扯乾埋。
頁:
[1]