shtsang在 2005-6-29 12:58 AM 發表:
我早前既回文都講左,九鐵係要全月通既乘客搭輕鐵要
用八達通作出入站確認.我都質疑過佢地應唔應該要咁
做,因為正常黎講查票機係可以查到邊個用緊全月通,好
可惜'狗'鐵就係set左用全月通既乘客要出入站...... ...
咁不如遊行抗議九鐵轉用八達通全月通之後要拍咭出入站擾民啦:D......
擾民還擾民，但係佢訂左條咁既規例，咁我地都要遵從架......
都係習慣問題only，如果佢一出全月通果陣就已經係八達通就唔使攪到
依家咁煩要人從新適應。
shtsang在 2005-6-29 12:58 AM 發表:
咁閣下可以下個月月中試下唔入站俾人捉查飛囉,俾人罰
錢就唔好怪我冇講過喇....雖然我都好想次次都唔入站
我就唔會唔入站，因為我覺得拍一拍卡入閘上車無乜唔方便，覺得擾民的是你不是我。
但如果唔出站唔會扣錢，繁忙時間又有大量乘客排隊等拍卡出站，阻住閣下的時間，咁閣下不防唔好出閘直入西鐵囉... 應該都無乜問題 ge...
我諗九鐵要求西鐵「全月通」的乘客在乘搭輕鐵時要求在入站及出站確認，應該多數係因為要用來做統計數據，睇下多唔多人用輕鐵來做接駁同埋邊幾條線係多用來接駁....
所以其實都冇咩所謂既，當然開頭半個月就真係有人會唔記得，希望九鐵有關方面可以「高抬貴手」，俾半個月時間乘客去適應新安排，唔好話咁快就話要捉這類乘客冇買飛，而罰佢地差唔多一張「全月通」的價錢啦。
ahbong在 2005-6-29 12:36 發表:
但如果唔出站唔會扣錢，繁忙時間又有大量乘客排隊等拍卡出站，阻住閣下的時間，咁閣下不防唔好出閘直入西鐵囉... 應該都無 ...
其實佢一早已經預設左係唔出站都唔會扣錢.呢幾日已經
試過幾次冇出站,但都冇扣錢.
不過我自己都係搭K76轉西鐵,所以應該少出現呢個情況.
shtsang在 2005-6-28 11:45 PM 發表:
咁就梗係啦,更新既時間非常長,相信大把'臨急抱佛腳'既乘客
到30號先換既時候,天水圍同屯門西鐵站又有一條長長既龍咯~
我估可能要排15-30分鐘先攪掂.所以我第一日就完成左個手續,
唔駛等幾好!!
小弟尋日入屯門
0係南昌站排隊買節日通時
見到前面有兩位婦人買緊全月通
佢0地不停問關於全月通的問題
當小弟買完張節日通,睇吓時間
原來已經等咗十分鐘#:o
所以小弟諗緊今日先去續全月通的人
最少排十幾二十分鐘先得#:-*
superbus在 2005-6-30 16:49 發表:
小弟尋日入屯門
0係南昌站排隊買節日通時
見到前面有兩位婦人買緊全月通
佢0地不停問關於全月通的問題
當小弟買完張節日通,睇時間
原來已經等十分鐘#:o
所以小弟諗緊今日先去續全月通的 ...
我諗都唔會的
反正七一是假日，都唔係咁急既...
今日終於明白到點解持西鐵「全月通」的乘客在搭輕鐵時可以不需出閘了。
相信大家都知道，如果一位普通的乘客在搭輕鐵(假設由田景→市中心)，當佢在入站機確認八達通時，先會扣除全費$5.80；到達市中心站後，在出站機確認八達通時，會減返多收的車資，即$5.80-$3.90=$1.70。咁如果你在兩小時內唔出站的話，當然就唔會俾返錢你，即扣曬$5.80啦。
但持西鐵「全月通」的乘客，在入站機確認入站時，係唔會扣除$5.80的，所以佢有在出站機出站的話，固然係冇扣你錢啦；但就算你在兩小時內冇出站的話，九廣輕鐵都係唔會扣你錢的。
P.S.：今日見到多數人使用西鐵「全月通」時，運作正常；但有關方面卻沒有增加人手協助乘客，估計係因為今日是假日。
GD1570在 2005-7-1 06:37 PM 發表:
今日終於明白到點解持西鐵「全月通」的乘客在搭輕鐵時可以不需出閘了。
相信大家都知道，如果一位普通的乘客在搭輕鐵(假設由田景→市中心)，當佢在入站機確認八達通時，先會扣除全費$5.80；到達市中心站後，在 ...
琴日南昌站有特別廣播，指導乘客用全月通搭接駁巴士。