菲林SLR機鏡頭與DSLR鏡頭分別
小弟打算買400D/450D body,用菲林機支鏡(Canon EF75-300 1:4-5.6 III USM),有朋友講過話冇咁好.亦有朋友講話冇問題小弟想問下菲林SLR機鏡頭與DSLR鏡頭分別.
thanks 原帖由 iczer3 於 2008-6-14 23:00 發表 http://www.hkitalk.net/HKiTalk2/images/common/back.gif
小弟打算買400D/450D body,用菲林機支鏡(Canon EF75-300 1:4-5.6 III USM),有朋友講過話冇咁好.亦有朋友講話冇問題
小弟想問下菲林SLR機鏡頭與DSLR鏡頭分別.
thanks ...
D-SLR鏡頭大致可分成兩種,
一種只可以在APS-C片幅的DSLR上使用...
用響APS-H片幅或全片幅(135菲林機)相機會出現
成像圈...
如..
Canon: EF-S系列鏡頭
Nikon: DX系列鏡頭
Pentax: DA系列鏡頭
SONY / Konica Minolta: DT系列鏡頭
Sigma: DC系列鏡頭
Tokina: DX系列鏡頭
Tamron: Di II系列鏡頭
另一種就可以在全片幅相機上使用...
----
基本上近呢幾年出的鏡頭都已針對數碼攝影而
作出優化 (簡單D理解的, 你就當呢類DSLR鏡叫
"數碼鏡"先)..
但點樣優化呢?
(1) 根據數碼攝影的文化而響鏡頭的光學結構上著手...
以前D人曬相多為4R...E+響數碼年代, 個個1:1
響個mon度"聞相"...色差等光學像差問題都會被
無限放大....故部分入門級鏡頭在數碼年代
"改版"時, 都會加入可以抑制像差, 提升光學質素的
特殊鏡片...呢類鏡片多數都係以低色散/超低色散鏡片居多..
(2) 感光元件表面的反光率遠比菲林的高....
新款鏡頭會針對呢方面, 特別改善鏡片的鍍膜,
增強透光度, 並且抑制光線在感光元件表面
及鏡片之間出現的反射問題, 從而減少相片的
光斑或鬼影...
(3) 因感光元件的感光設計跟菲林完全不同..
撇除本身鏡頭的物理失光現象外...感光元件邊緣
部分因其表面的微型透鏡 (Microlens)位置不佳, 未能完全將
鏡頭的入射光線正確投射在感光元件底部的
光電二極管 (Photo-diode)上....進一部加據數碼相片的
邊緣失光問題...
而數碼鏡頭會在設計時特別加強邊位光線的處理,
以針對感光元件先天性的問題, 令"黑角"問題少d...
---------
當然, 係咪全部新款的數碼鏡頭的表現都不如菲林鏡呢?
情況又唔係一面倒的...部分影友覺得少部分鏡頭
改版後會新不如舊.... 數碼鏡特點維珍兄都講左好多。另外數碼鏡焦距設計上，特別
係變焦鏡，通常會因應數碼機身既crop factor而作出調整，例
如菲林年代好多平價機身鏡頭組合既kit鏡都係28~80，而數碼
機既kit鏡會變成18~55，而Nikon既55~200可以視為數碼版既
70~300等。如果將菲林機年代既鏡頭用在數碼機上，拍照是可
以，但會時常面對唔夠wide既問題。另外sigma就出左支30mm
f/1.4既數碼鏡頭，x1.5或1.6後會同菲林機既50mm標準鏡視野
差唔多。
頁:
[1]