衝紅燈影相問題
小弟剛剛駕車駛經九龍城家計會個十字路口往九龍城方向。綠燈時因有架的士停在路中心等人讓佢切線，所以後面響晒horn，佢切完線後就加速啦。咁我後面有架波子推緊我，我就過白線時剛轉黃燈，咁我剎車前望一望個倒後鏡先剎，點知架波子已經在我左邊抽頭兼衝埋紅燈，被人閃左兩閃，同時亦有架26號巴士行得慢左，未來得切在轉紅燈前駛離黃格，因此亦被攝入鏡頭(但佢絕對唔係衝燈)。而小弟自己就在中線，前轆踩住斑馬線，尾轆就應該仲未過白線，我想問白鴿籠影架衝燈波子時會否影倒我？？會唔會當我衝埋燈？？我在相機閃燈時已經停定左......我覺得裝左白鴿籠會導致更易發生交通意外，尤其是在燈位前既追尾相撞。我自己頭先既心態係，急停前都望一望後面有冇車推緊我，費事人地剎唔切隊埋來，但換來係自己過左白線，隨時畀人屈衝燈。本來好既practice以後都會改變，一見倒轉燈就要盡brake務求要在白線前停下，後面隊埋來就當佢唔好彩......廢事好心做壞事 一般衝燈相機都會O係交通燈轉紅之後兩秒內起動, 但假設你部車係壓住引發相機個"快門掣", 即係兩行四方格, 係唔會影, 除非你駛離果兩個格; 而且每影一次之後, 相機會再O係兩秒之後補影一次, 以免死錯人.
但依照閣下所講既情況, 你已經好有可能上左鏡, 但係交通果邊會睇返張相再分析當時情況, 如果前後兩張相都見到閣下部車O係同一位置, 佢地只會當你過左線, 唔會CHARGE你. 原帖由 4056 於 2008-7-27 01:40 發表 http://hkitalk.net/HKiTalk2/images/common/back.gif
我覺得裝左白鴿籠會導致更易發生交通意外，尤其是在燈位前既追尾相撞。我自己頭先既心態係，急停前都望一望後面有冇車推緊我，費事人地剎唔切隊埋來，但換來係自己過左白線，隨時畀人屈衝燈。本來好既practice以後都會改變，一見倒轉燈就要盡brake務求要在白線前停下，後面隊埋來就當佢唔好彩......廢事好心做壞事
唔洗理後面架噃
我架車如果係吉車一定快過哂你地啲私家車
去到白鴿籠位根本係你醒唔醒，睇下地下啲箭咀就一定死你唔到
你望後車，老實講，多餘…
佢係要衝，你停前幾多都未必避到佢
同埋，你講得盡brake，好多時盡brake係停得慢啲 尤其是佢架係波子(911更甚)係世界上最好BRAKE汽車, 除非佢手車屎, 如果唔係佢永遠都冇可能撞到你. 客觀啲講
人人手車唔同，有好又唔好，顧掂自己先好啦，唔好理太多其他車既事，如果理太多，係自己蝕底！ 我都唔清楚個界線係點先會被罰
有冇版友可可講解下
thx!:L 題外話：
我有次經歷仲搞笑，話說個晚渣車經過土瓜灣道/木廠街
路口，即盲人輔導會對出，我係向九龍城方向行既，而
o個個路口裝左衝燈相機，不過就裝o係對面反方向往紅
磡方向行車線。本來部機同我無關，但由於個日路口有
水管工程，我地o個邊行車線封左，咁我地北行車流被臨
時移往對面線，即佔用左對面條快線，來回都得番一條線
咁樣(原來來回都有兩條線)。咁我同後面架車過左線後綠
轉黃，但過晒路口時於被遷移過左對面線，咁就經過左
對面衝燈機個sensor，亦由於通過路口需時，此時燈號
亦由黃轉紅，咁對面部相機就閃左兩野，應該影到我同
後面部車，不過就影到係迎面駛來而不是絕塵而去。迎
面閃兩野都咪話唔應。
好彩到而家都冇收到信，我當時真係驚佢照charge我衝
對面盞燈，仲要俾佢影埋我個樣等我交人時冇得搵人頂
包(講笑)。:'(
唔知係咪有閞當局發現有多張問題相片出現，過幾日再
經o個度而經微調左改道既位置，避面對頭車駛過sensor
上高。
[ 本帖最後由 fai 於 2008-7-28 10:24 編輯 ] 原帖由 KV9033 於 2008-7-27 22:45 發表 http://www.hkitalk.net/HKiTalk2/images/common/back.gif
我都唔清楚個界線係點先會被罰
有冇版友可可講解下
thx!:L
要前後輪都踩過地下感應器後都有影相就算數, 即係一共會影兩張相; 如果只係前輪踩過感應器, 後輪在停定後仍在感應器方格或未到方格上, 就只會影到一張, 係唔會告你, 只係顯示你停車停過界. 如果你在剛轉紅燈時前輪過咗感應器, 但後輪經過時剛啟動攝影機, 亦只係影到一張, 亦都無事. 即係話要俾人告, 一定要俾人影到兩, 即係閃光燈都要閃兩次, 但如果係三軸車就要閃三次, 貨櫃車就再睇有幾多條軸嚟計! 但如果當時你無論停嘅位置係邊, 阻唔阻人都好, 你都唔好再郁部車, 不論向前定向後都唔好郁, 否則都會影多你一次, 直至交通燈轉綠先好郁!
如果你衝燈期間亦有超速, 該感應器亦會計到你當時車速, 即係話有機會俾人告兩樣.
印象中有兩個設有衝燈相機的燈位如果有啟動, 在你停紅燈時偷步, 即係著咗紅, 黃燈, 未轉綠而開車, 亦都會被影相, 呢兩個分別係亞皆老街西行與洗衣街交界, 以及亞皆老街東行與露明道交界位, 我試過在對面線睇住有人偷步而被影咗相!
題外話: 大家有無留意到有部份電單車個車牌擺放角度特別斜? 即係個牌幾乎向天咁滯, 你坐車時幾乎係睇唔到佢幾號, 或者故意將行車證放在車牌之上而令人睇唔到, 呢班人就係故意令衝燈相機, 鐳射鎗及警察擺位的相機影唔到佢幾號, 但作為巿民的亦可以記低佢車牌, 日期及時間, 如果知道該電單車牌子的最好亦記下, 然後向警方舉報佢非法改裝, 到時就有信寄俾車主要佢喺指定時間拎部車去驗車中心驗車, 到時就算佢唔俾人罰, 但要將架車還原都要使唔少錢同時間, 唔好等佢地咁得戚, 亦還其他奉公守法的車主一個公道都好!
[ 本帖最後由 牛奶仔 於 2008-7-28 10:30 編輯 ] 原帖由 fai 於 2008-7-28 10:14 發表 http://www.hkitalk.net/HKiTalk2/images/common/back.gif
題外話：
我有次經歷仲搞笑，話說個晚渣車經過土瓜灣道/木廠街
路口，即盲人輔導會對出，我係向九龍城方向行既，而
o個個路口裝左衝燈相機，不過就裝o係對面反方向往紅
磡方向行車線。本來部機同我無關，但由於個日路口有
水管工 ...
都唔係好怕, 因為影相會註明係經由邊條線的感應器而影相的, 即係話你經過時係踩中原本對面方向的右線, 但張相係會影到你嘅方向, 道路工程等, 而且影呢啲相, 除咗要影到架車之外, 亦一定會影到支交通燈當時顯示緊咩色, 但你個case點都影唔到你行車方向嗰盞係咩燈, 明知告你唔入, 梗係唔會告你啦! 就算如果喺一般情形下衝紅燈, 但個相機俾架巴士或者大貨車遮晒而影唔到, 不論係你定係架大車都唔會有事, 一來影你唔到, 二來啟動快門嘅感應器亦唔係架大車行緊嗰條線, 所以亦唔使擔心會冤枉咗人.
其實如果有四十呎貨櫃車由木廠街左轉土瓜灣道, 都有機會因偷位而踩到個感應器, 唔通咁都要告佢咩? 我話驚只係講下笑，我都知佢唔會告我。
不過講開那些在路面上既方格感應器，好多人都有個誤解以
為佢係感應車輪經過既壓力，但其實佢係一個金屬感應器，
原理係一個通電既線圈，當有金屬在感應器上方經過時就會
產生磁場變化，令個感應器感應到有金屬，而基於假設絕大
部份汽車都係用金屬製造既，感應器就用呢個原理運作，同
輪壓力沒有關係，亦不一定要轆過感應器才會感應到。
而停車場既閘機都會用到類似感應器，留意佢地感應器範圍
只係集中條路中央而唔需要伸延到兩邊車輪經過既地方既。
頁:
[1]
2