鐵巴應該點去應付現有ge客?
E家鐵巴都接近負荷，再加上9月28日，港鐵會提供全面學生優惠，鐵巴都有份。到時相信有一大批學生轉投鐵巴ge懷抱，但已經唔係好夠車ge鐵巴，應唔應付到一大批新的客仔?再加上本人不嬲都認為鐵巴ge車都班次不足。唯一解決ge方法只有係入車，個人認為再入ge話，都係二手車
例如 : 新巴14xx 16xx
但是新老細似乎對巴士營運沒有太大興趣，再加上一去到非rush hour，車都係無咁多供求。
似乎租車較為好d。但唔建議再開S1 S2，反而開一D晨早短線，例如屋邨 <> 西鐵站(特別無輕鐵提供，而多人用GE地區) ，用最少GE車提供頻密ge班次。
eg. K51P 富泰 <> 兆康站
506P新屯門中心 <> 屯門站
當09年新輕鐵黎港時，到時可以cut 506 506P，將d車調去K51P K76，不需要再租車。當然，日後鐵巴應該改變車廂佈局，以企位為主，不好再用長途ge佈局。
[ 本帖最後由 S3BL343@66 於 2008-9-16 20:04 編輯 ] 最麻煩就係朝早繁忙時間, 返學、返工客既出門高峰時間幾乎完全重疊,
攪到絕大多數路線o係朝早七至八點既需求都幾大, 呢段時間迫些少都
無可避免, 最緊要上到車就得喇。
不過呢一年覺得 K51 越做就越唔似樣, 無論平日定假日都係咁。
平日朝早繁忙時間富泰果邊多人, 有兩部特車只係去兆康站,而去大欖
都做到 6 分鐘一班, 而且果邊仲有人睇住, 呢方面我諗問題就唔大。
只不過大欖往富泰方向, 至少置樂班客可以當 K51 冇左大半, 由開學日
開始七點幾次次都係見到 K53 先過部 K51 黎, 不過兩部車都係爆晒
(希望三聖之前既情況冇咁誇張)。結果朝早繁忙時間七點半打後兩班
到置樂既 K58 好大機會打爆 (第二果班坐過係 B10M), 單係置樂一個站
上七十人上車係閒事, 出部 2xx 上八十幾九十人都試過, 之後新都班客
就會靠有人落車先上到車。總之同一班 K58 去到置樂相差 1-2 分鐘,
去到市中心已經可以差 5-7 分鐘。本來置樂去市中心、屯門站既客
仲有條 K52, 不過佢好多時係同 K51、K53 差唔多時間到, 而佢地之間
就係 K58 出現既時間, 搞到 K58 本身應付去屯門西既學生客之餘仲要
載埋去市中心同屯門站既客。唉! 明明有四條 K 線都搞到咁既樣, 真係
激死。
平日朝早繁忙時間車源緊張, 搞唔掂 K51 一個方向都唔出奇, 但係平日
非繁忙時間同假日既 K51 一樣係唔掂, 呢幾個月好多時都係見到第二班
K52 先有 K51 黎, 而 K52 係相隔 12 分鐘以上。兩鐵合併之前, 我記得
平日非繁忙時間 K51 係可以準時逢一個字尾 (例如 x0 分, x = 0-6)
到置樂, 相差時間通常唔會多過 2 分鐘; 但係合併之後就開始唔知做乜,
試過好多次都要等15 分鐘以上、甚至 20 分鐘先會有 K51到, 結果部車
一樣載滿晒人。上車至落車之後都會留意下下一班車係咪好快到
(快既話都可以話平均 10 分鐘一班), 但多數都唔會見到。跟住有幾次
中午時分o係新墟同市中心見到, 原來 K51 有車o係市中心或且屯門站
起載去富泰...
假日既情況就兩鐵合併前已經係咁, 時好時壞, 但係我唔知自己係咪黑仔,
時間表上話最密係 7 分鐘, 但我試過由朝早十一、二點去到夜晚六、七點
等呢條線有超過一半機會係要等 10 分鐘以上, 等 15 分鐘以上都試過
好多次。總之我唔係好覺得佢有開咁密啦。
我宜家只係奢望 K51 既情況唔會再差落去就得。
[ 本帖最後由 fw1321 於 2008-9-16 22:27 編輯 ] 你所講既K51P一直都有做開，K51特別班次。
另外，K52特別班次亦需增加及寫明於時間表上...
K51特別班次 富泰至兆康站(南)
K52特別班次 西鐵綫屯門站至輕鐵蝴蝶站/輕鐵蝴蝶站至龍鼓灘
K58特別班次 田景/新圍往青山灣
(雖說K58都有輕鐵服務，但輕鐵都會爆，所以仍有需要加推，最好加埋青山灣往屯天既特別班次，因為市中心58M/X,260X客會被搶走) 原帖由 lsc04d11 於 2008-9-17 08:49 發表 http://www.hkitalk.net/HKiTalk2/images/common/back.gif
(雖說K58都有輕鐵服務，但輕鐵都會爆，所以仍有需要加推，最好加埋青山灣往屯天既特別班次，因為市中心58M/X,260X客會被搶走)
K58去屯天太「快」，我覺得K53 K58 可以重組，K53經市中心 紅橘 建生 良田 。唯一問題係同K58重疊左D，一係K58落埋碼頭，但又將大興 / 山景 <> 置樂ge客推番落505:L
K58 好大機會打爆 (第二果班坐過係 B10M)
部4XX一至五朝頭早都有一部，番去富泰。K58好心早上就唔好用4XX，下午同星期六用咪好好law
[ 本帖最後由 S3BL343@66 於 2008-9-17 18:16 編輯 ] 原帖由 lsc04d11 於 2008-9-17 08:49 發表 http://www.hkitalk.net/HKiTalk2/images/common/back.gif
你所講既K51P一直都有做開，K51特別班次。
另外，K52特別班次亦需增加及寫明於時間表上...
K51特別班次 富泰至兆康站(南)
K52特別班次 西鐵綫屯門站至輕鐵蝴蝶站/輕鐵蝴蝶站至龍鼓灘
K58特別班次 田景/新圍往青山 ...
特別班次未必固定, 我諗當佢做額外班次會好 d, 如果列出黎跟唔足
又盞搞。K58 果兩班特車唔知係取消左, 加密富泰開出既班次,
定係變左做不定期加班車...
另外, K52 有特別班次由屯門站去輕鐵蝴蝶站咩? 原帖由 fw1321 於 2008-9-17 20:47 發表 http://www.hkitalk.net/HKiTalk2/images/common/back.gif
又盞搞。K58 果兩班特車唔知係取消左, 加密富泰開出既班次,
上個禮拜係 ~7:48山景見到兩部2xx 拖住，應該未cut，前爆後空，最憎:@ 。
K58睇 time table好似密左，有8 ge出現:victory: ，之前最密好似10分一班:L
ot一問 : 富泰 > 兆康站K51 定 K58快 ? 原帖由 S3BL343@66 於 2008-9-17 20:59 發表 http://www.hkitalk.net/HKiTalk2/images/common/back.gif
上個禮拜係 ~7:48山景見到兩部2xx 拖住，應該未cut，前爆後空，最憎:@ 。
K58睇 time table好似密左，有8 ge出現:victory: ，之前最密好似10分一班:L
ot一問 : 富泰 > 兆康站K51 定 K58快 ? ...
係咪加密我就唔知, 總之以前星期六 K58 明明開 15 分鐘佢都話
10-12 分鐘一班真係激死, 我覺得宜家果張時間表某程度上只係將
以前行開既時間表更正, 至於其他班次有冇作出輕微改動就唔知。
另外, 呢張時間話 1 月 27 日生效, 實際上好似 5 月先見到佢換
(總之 K53 列入中午班次換晒時間表之後, K58 先至換時間表),
所以如果呢個新學期 K58 班次再有修改, 我都唔知果張時間幾時
先至搵到人出黎更換。時間表呢家野再講落去又係火滾, 好似
A73 呢 d 咁疏既路線整得好好睇睇唔得咩, 列個 16-18 出黎都算,
實際時間表又係有出入。
富泰去兆康站 K51 同 K58 都係差唔多, 由總站開車計大約 5-6 分鐘
(繁忙時間要 7-8 分鐘都唔奇), 不過我諗有時 K58 會快少少。
[ 本帖最後由 fw1321 於 2008-9-17 21:49 編輯 ]
頁:
[1]