其實今次粉嶺feeder station火警
可以睇到車務控制中心做得極差
粉嶺至落馬洲/羅湖列車行唔到
咁都應該可以維持大埔墟至尖東的服務吧
之後就由大埔墟開緊急接駁巴士由大埔墟<-->太和<-->粉嶺<-->上水<-->羅湖/落馬洲掛
但今次事實係
單o係紅磡站所見
無論南下同北上列車都停左半個鐘
動也不動
其實正線列車可能太多
造成塞車
可以善用有側線月台o既車站(沙田,火炭,旺角東)
清左部分列車
起碼南邊都可以提供有限度服務
唔駛好似禽日咁
全線停駛
又或者控制中心可能估火警不大
受阻時間不會太多
所以先出此下策?
原帖由 kkt 於 2008-12-21 14:06 發表 http://www.hkitalk.net/HKiTalk2/images/common/back.gif
其實今次粉嶺feeder station火警
可以睇到車務控制中心做得極差
粉嶺至落馬洲/羅湖列車行唔到
咁都應該可以維持大埔墟至尖東的服務吧
之後就由大埔墟開緊急接駁巴士由大埔墟太和粉嶺上水羅湖/落馬洲掛
但今次事實係
...
當日上午話就話回復正常，但實際係死頂囉！
我見o的班次比平時少左好多，架架車埋站，個個站都要等分幾兩分鐘！
我個人感覺係，有事發生時，尤其是近兩次大事件，MTR淨係遮遮掩掩，唔識得即刻應對（只知應對傳媒），
情形就好似大躍進時的中國一樣，報喜不報憂，未摸清件事就諗住自己搞得掂，
結果，喜（回復正常）是假的，憂（列車受阻）則更劣，好似蛀牙咁入到肉先知痛。
再係咁蛀牙法，佢無幾多隻牙畀佢蛀架咋。
估唔到，合併後的壞處，唔係出現在大家最關心的票價方面，
而係一般市民（同MTR）都無諗到的「災難應變」。:L
以前兩鐵分治，九鐵自從田北辰入主後，透明度高好多（而唔係只得個名的「透明列車服務台」），
地鐵都叫做有個假想敵，至少要做好自己個image唔容許大件事發生；
但合併後，人手cut的cut，至於管理層方面也因為沒有競爭就沒有進步，
而疏懶於維持公司image（以實事而不是得把口），真係唔知佢地平時做乜，
有冇自己走去搭下車，感受一下兩鐵合併後係比以前多人搭。
原帖由 DIH 於 2008-12-21 14:56 發表 http://www.hkitalk.net/HKiTalk2/images/common/back.gif
我個人感覺係，有事發生時，尤其是近兩次大事件，MTR淨係遮遮掩掩，唔識得即刻應對（只知應對傳媒），
情形就好似大躍進時的中國一樣，報喜不報憂，未摸清件事就諗住自己搞得掂，
結果，喜（回復正常）是假的，憂（列車受阻）則更劣，好似蛀牙咁入到肉 ...
我頭先正想講呢樣野 :)
兩鐵未合併前, 即使將兩間公司的事故總數加埋
都無今年港鐵公司事故總數咁多
原因何在呢?
就正正係你所講的 "假想敵" concept
有兩間鐵路公司, 市民, 以致政府
第一樣會比較的, 就是事故總數
一比, 就知邊間公司有唔妥
但而家, 地鐵班高層都不知幾放心,
順利吞併, 職位無變,
九鐵全部19位總經理及其中3位總監不被港鐵錄用
(即使是順利過渡的運輸高級總監李殷泰, 新鐵路工程高級總監總李鏡權及法律顧問范義明, 都只係出任副手)
有咩衰野大鑊野, 就叫d副手(前九鐵高層)出黎面對傳媒比人插, (呢排成日都見到李殷泰...)
有咩功就地鐵班高層就爭住出黎見記者
所以地鐵班高層都未驚過, 反正有人 (前九鐵高層) 幫佢地背黑鑊
遲早有一日輪到立法會議員要佢搵「大佬」出0黎解話
有咩理由0下0下都係「細佬」出0黎硬食
仲有一樣0野 港鐵自己應該好清楚自己有「大件事」0既時候
受影響人數無一次唔係數以萬計
咁係咪應該要做得好過合併前呢
原帖由 DIH 於 2008-12-21 14:56 發表 http://hkitalk.net/HKiTalk2/images/common/back.gif
以前兩鐵分治，九鐵自從田北辰入主後，透明度高好多（而唔係只得個名的「透明列車服務台」），
地鐵都叫做有個假想敵，至少要做好自己個image唔容許大件事發生；
但合併後，人手cut的cut，至於管理層方面也因為沒有競爭就沒有進步，
而疏懶於維持公司image（以實事而不是得把口），真係唔知佢地平時做乜，
有冇自己走去搭下車，感受一下兩鐵合併後係比以前多人搭。
其實就要多得田生果種作風先搞到今時今日咁既款。
冇錯, 佢提倡高透明度, 但係佢既手法好有問題, 搞到高層士氣
差到死, 最後仲搞到迫宮。出面班人主要仲o係度鬧果班人, 田生
反而拎到分, 雖然話外行人不知者不罪, 但偏偏所有輿論壓力都
搞到田生以為自己冇問題。你估果時地鐵班人點諗? 咪就係
覺得你死你賤。
九鐵裏面班人有 d 係守舊 d, 但衰極都係專業人士, 做野都係從
鐵路既角度出發, 但田生入到黎就破壞晒一直以黎既方向, 唔理
大家需要幾多時間去改, 總之佢話一你唔淮話二, 佢最衰果樣野
係佢開會果陣唔會走去鬧你, 而係出到傳媒朋友訪問果陣鍾意
講乜就乜, 完全唔顧自己主席身分。不過香港人偏偏鍾意佢咁講,
仲覺得佢敢言, 好有風範。坦白講, 果陣時好多九鐵既高層都唔想
做落去啦, 如果唔係為頭家, 晨早食左肥雞餐算啦, 駛鬼等地鐵
果班人吞併左佢。
至於宜家點解搞到咁, 港鐵既焦點項目都唔只係香港咁簡單,
而係「放眼國際」。
係咪同「綑綁式」招標有關呢?:lol
早前港鐵的扶梯和升降機輪流故障困人
宜家就輪到電纜輪流故障......:Q :L :@
保養縮水，安全無保障......
原帖由 OTIS401 於 2008-12-21 20:03 發表 http://www.hkitalk.net/HKiTalk2/images/common/back.gif
係咪同「綑綁式」招標有關呢?:lol
早前港鐵的扶梯和升降機輪流故障困人
宜家就輪到電纜輪流故障......:Q :L :@
保養縮水，安全無保障......
東鐵線的高壓電纜同軌道應該仲係MTR員工負責
應該無外判出去(有錯請指出)
不過可能o係成本下
檢查同維修可能只係僅僅達到最低標準及次數就算
點似得以前人手咁"充裕"
可以成日check丫
都係o個句啦
公司點對員工
員工就點公司
有因必有果
原帖由 OTIS401 於 2008-12-21 20:03 發表 http://hkitalk.net/HKiTalk2/images/common/back.gif
係咪同「綑綁式」招標有關呢?:lol
早前港鐵的扶梯和升降機輪流故障困人
宜家就輪到電纜輪流故障......:Q :L :@
保養縮水，安全無保障......
未必關「綑綁式招標」事
反而我有0的懷疑佢係咪同坊間招標一樣「價低者得」
而唔似TD招標小巴線咁「評分制」
兩鐵合併後，東鐵這年的平均意外次數比九鐵時代還多了，那為什麼要合併？而前地鐵網絡的意外也多了，那為何要合併去換取較便宜的車費呢？相信市民寧可付較貴的車費去換取較可靠安全的服務。