大陸遊客入人民幣落錢箱
今日等 66 出九龍時，見到有幾個大陸遊客拎住疊人民幣散紙係度等 66M
一上車，一行四人入左廿零蚊人民幣紙幣入錢箱就有傾有講咁上樓
見到司機望下個錢箱又望下班客，擰下個頭就開車走人，似乎見怪不怪
有無見過類似情況？司機又會點處理？ 其實，
人民幣同港幣都係咁上下比率（１：１．ｘｘ），
我諗九記應該都無咩所謂啊？
加上，
九記九部分銀機，
人民幣應該都隔到出黎啦～～:lol
老實講，
入人民幣，
九記仲多左錢賺添啦！ 原帖由 asv2 於 2008-12-21 01:29 發表 http://hkitalk.net/HKiTalk2/images/common/back.gif
今日等 66 出九龍時，
見到有幾個大陸遊客拎住疊人民幣散紙係度等 66M
一上車，一行四人入左廿零蚊人民幣紙幣入錢箱就有傾有講咁上樓
見到司機望下個錢箱又望下班客，擰下個頭就開車走人，似乎見怪不怪
有無見過類似情況？司 ...
對九巴黎講都無壞，反正人民幣比港幣值錢，
而且4個人都係$29.2，入廿零蚊人仔都唔太離譜，
司機算數都無可口非。
如果我係九記會貼埋港幣1:1人民幣添，歡迎使用人民幣。
[ 本帖最後由 on11358 於 2008-12-21 01:39 編輯 ] 人民幣紙幣可是很多假東西... 幾年前我搭95，有個阿婆入人民幣，司機話「我地唔收人民幣架婆婆，你入返港幣啦」。跟住個阿婆就坐在導航位拎佢個散紙包出來數神沙，個個都係一兩毫子，司機見狀就話「算啦阿婆，見你咁麻煩，算數啦」。話口未完，「plain」一聲，成地都係毫子，司機要停低架車慢慢同佢執，搞左成幾分鐘(d毫子碌到周圍都係，要同佢周圍昅)。搞掂之後，司機同阿婆講「早知你咁論盡就唔同你講啦」:lol :lol :lol
有時出聲會變左自己畀麻煩自己...:( 原帖由 4056 於 2008-12-21 02:18 發表 http://www.hkitalk.net/HKiTalk2/images/common/back.gif
幾年前我搭95，有個阿婆入人民幣，司機話「我地唔收人民幣架婆婆，你入返港幣啦」。跟住個阿婆就坐在導航位拎佢個散紙包出來數神沙，個個都係一兩毫子，司機見狀就話「算啦阿婆，見你咁麻煩，算數啦」。話口未完，「plain」一聲，成地 ...
「成地神沙」，都好過「滿天器官」。:P
通常呢ｄ情況，都係多一事不如少一事架喇。
佢入同等面值的日本円就唔同講法。;P n年前搭87K，有個男人冇哂港幣，想入人仔，司機唔比，見咁既情況我同佢暢左d人仔佢(當年人仔對港幣係1.0X對1)，都係果幾蚊，算啦！ 好多年前坐5號的3BL 錢箱旁有張告示寫到明唔收其他貨幣
不過執行起上來又如何
現在時勢不同, 開了邊境路線, 回程時, 乘客好可能未暢番港幣就上左車
響呢個情況下, 我覺得收人仔亦都有其道理
但市區路線我就唔支持收人仔
因為收得人仔, 下次好可能有人學樓上講, 連日本円都比埋
想限制的話問題也多了 好多年前搭91M，
有個男人入咗一蚊人仔落去，
個司機就話唔收人仔要佢入番1蚊港幣，
個男人就同個司機講人民幣都係錢，
又話好多地方都收人民幣，
最後個男人就話要去到總站報警(定搵站長)理論。
當然最後有無咁做我就唔知。 我諗應該唔會接受人民幣付款...
但司機係好難o係乘客入之前就睇到係人民幣，都係之後多...
而佢又俾左錢呀...你又吹佢唔漲....
(好多香港接受人民幣既商戶都只接受50元及100元紙幣)....
所以其實應該係叫佢地，「買番張八達通啦」...
頁:
[1]