做得返朋友喇...
今日終於可以同佢online傾返計...講真，去到呢一刻，
乜野都放低晒，
又講起大家的近況...
而且之前同佢散的人，
做得返朋友的只係得其中一個，
可以做到另外果個，
對我來說已經係好好的交代喇...
所以，真係輕鬆左好多，
在此多謝大家對我的支持... hsu在 13.8.2005 01:15 發表:
恭喜哂307兄喎~
始終過去既已過去
經歷咁多樣野仲可以做番朋友
的確好難
難得佢仲可以當番你朋友
呢D係好事黎~好過成日面阻阻喇
謝謝你~
咁我諗無人想少一個知心的朋友的...
況且，我覺得可以退到我同佢之間的起步點已經係相當唔錯了...
尤其係見過之前的失敗例子~~~ hsu在 13.8.2005 07:48 發表:
有時係其他forum睇到d case
十宗著九宗都係「再見不是朋友」果隻
好少會出現好既結果
回到原地好過冇得回喇~:)
咁呢層又真...
講真，最緊要係識得點樣去處理兩個人之間的關係啦...
唔通無端端爆句傻豬出黎就掂喇咩? 都唔係廢話來的...#:D
做唔做得返朋友，
係好睇因乜野而散。
如果係因了解而分開、
因為感情轉淡的，
咁要做朋友又真係無咁難啦...
相反，如果係嘈餐勁、
或者因為其中一方成日都想死纏難打，
諗住仲有得救返段感情的一種，
但另一方根本明言係無可能的，
咁真係想唔反面都唔得...
係唔係不成熟?
我又唔會一刀切咁講，
始終呢樣野都要睇對手，
同埋兩個人的處理方式係真... hsu在 13.8.2005 09:08 發表:
但有時有d人會一講分手即刻冇情講~
真係唔見就唔見~真係連朋友都冇得做
未免有少少小器
但因了解而分開果隻~
呢樣野好睇人~除非雙方都睇得好開
否則~呢隻情況而分開既~都未必可以做得番朋友#;)
拿...呢隻又真係差少少...
但係有時候，仲有聯絡都係有麻煩的...
無得解，尤其係你自己經歷完有麻煩之後，
你可能會更相信呢一回事，
係一定唔可以再見的。
嗯...因了解而分開，
應該係話其中一方/雙方都要大方一點，
同埋真係唔好咁計較前事得失，
計較的話，
只會令到已經唔係太好的關係雪上加霜，
咁就真係一定無得救喇....
頁:
[1]