[遊記+相] 菠茨坦(Potsdam)無憂宮
去年七月跟學校去德國study tour，離開德國前最後一天，朝早有個free morning，之前一晚聽個位帶領我地既德國exchange介紹
話Potsdam既花園好靚，如果無野做不妨一去
於是第二朝就自己搭火車
係柏林鐵路(S-Bahn)S1線，去到終點站Potsdam Hauptbahnhof，落車
響火車站某商店終於搵到我尋找已久的柏林地圖（竟然係最後一日先搵到）
入面也有Potsdam的地圖，於是我就按圖索驥，諗住行過去花園...
其實一出火車站，已經有人企圖制止我這個「瘋狂」的想法，話有單車出租，不過我拒絕了
本來行路都唔係大問題，只不過其實我只有約一個小時的時間可以留在Potsdam
中午要趕返柏林，會合大隊去參觀concentration camp（係S-Bahn S1線的另外一個總站:p）
因此出左火車站之後，已經係急急腳咁行...
行下行下，已經知道出事... 雖然有地圖，我亦都無迷路，不過我無留意個scale...
行左十五分鐘，與目的地都仲有一段距離
就在這時，有一位郵差叔叔迎面而來，見到我拿著地圖，就很熱心地走過來，
跟我一齊「研究」地圖，並指了目的地在那裡，我可以怎樣穿過去...
佢其實係講德文，我亦唔識聽，而佢指既路，最後證實係俾一個建築物block左（其實睇地圖個陣已經懷疑係此路不通的）
但佢既熱心，係令我留下好深印象的（呢個故仔我應該講過唔少次 :p）
急急腳咁行（後來直情係跑），行到身水身汗，終於去到傳說中的花園（皇宮？）...
http://home.netvigator.com/~xero/Potsdam1.jpg
影左幾張相，已經知道時間來不及了，諗住出大路睇下有無巴士搭
一睇，架車已經走左...要等多二十分鐘先有車
我再計下，出到去都未必趕得切匯合佢地，
況且行得咁辛苦黎到，無理由咁快走，索性send SMS俾我地既「領隊」
話我自己行，唔跟佢地去集中營，之後就可以再慢慢行
一路行，發覺原來個花園真係極大，我諗無一個都有半個天水圍咁大
難怪一出火車站有人問我租唔租單車...
http://home.netvigator.com/~xero/Potsdam5.jpg
綠樹流水
http://home.netvigator.com/~xero/Potsdam2.jpg
http://home.netvigator.com/~xero/Potsdam3.jpg
http://home.netvigator.com/~xero/Potsdam4.jpg
離開時，畢直高大的杉樹(?)列隊歡送...
http://home.netvigator.com/~xero/Potsdam6.jpg
仲有D相，未得閒執
如果大家反應好，就會加推... :)
頁:
[1]