遇上觀塘線延誤
今日（2009年3月14日），大約13:10，我搭緊觀塘線東行去九龍灣，本來一切順利，但差唔多去到彩虹，架車在X渡線位後停低。
廣播一如既往，只係話「列車服務受阻，敬請原諒」，都唔知咩事，
我13:14打第一個電話畀媽咪，幾分鐘後架車終於開返，但對唔正幕門，
要慢行幾次先停正，月台上已經開始多人，上完呢班人之後都未開車，
2號月台（中間路軌）有架車埋站，清客過晒我呢班車，然後我地先開車。
去到九龍灣，人潮洶湧，好彩我就係去九龍灣，睇住架車「頂閘」開出。
此時我打第二次電話，時間係13:26，即係我至少延誤了10分鐘。
落到大堂，出閘去德福，唔知係咪之前塞得太多人，連上電梯都要打蛇餅，我梗係行樓梯啦。
到而家，我都唔知咩事。
頁:
[1]