TVB新劇酒店風雲每集劇情討論！
#;D TVB新劇酒店風雲每集劇情討論！睇完第一集酒店風雲後，本人覺得此劇會有很多
精彩的事發生，第一集就講王玉廷賣出皇廷酒店
給高峰(馬德鐘)。而王啟傑(吳卓羲)更加踢爆王啟
志及王啟業夾埋鄭永發迫走王玉廷離開皇廷酒店
酒董事局，我諗之後酒店風雲一定相當精彩，如
果第一集或以後會追此劇的板友歡迎在此發表意
見？
就睇下高峰(馬德鐘)有在酒店風雲幾奸。
#:) 歡迎各位板友討論酒店風雲每集劇情 其實我睇左一集
都覺得佢幾吸引
於是我正話我就去tvb既網站睇呢套劇既劇情
不過睇完之後
我打左個突......
如果今次佢既內容介紹係冇錯既
(好多時tvb.com既劇集介紹
往往同實際劇情有好多出入
裡面亦有好多連tvb周刊都冇講既資料)
佢個故事發展都真係有好多地方係估佢唔到
(內容都係唔好響度透露喇
各位有興趣就不妨去番有關網頁度睇啦)
個人認為馬德鐘呢次做既角色
類型同佢以前未擔正做主角時相似
都係演反派居多
不過呢次就主角化左
(以前佢通常係做開類似吳卓羲兩個大佬既角色)
另外我發現原來吳卓羲都幾有做奸角既潛質
同埋佢演技似乎比響《學警雄心》時更進一步 睇完第一集,你會充滿期待同埋好奇心...相信酒店風雲一定會好好睇^.^
姜大偉個角色似奸奸地...劉丹見到間酒店俾2個仔搞到咁都好無奈...... JX9097在 2005-8-16 12:20 AM 發表:
睇完第一集,你會充滿期待同埋好奇心...相信酒店風雲一定會好好睇^.^
姜大偉個角色似奸奸地...劉丹見到間酒店俾2個仔搞到咁都好無奈......
姜大偉唔係好似奸奸
佢直頭係老奸巨滑
我都真係從未見過佢演呢d 角色
(以前佢有冇演過呢d 角色我就唔知啦) 呢套劇共有多少集?
吳卓羲個角色都好似奸奸地咁喎? Ketsu在 2005-8-16 00:40 發表:
姜大偉唔係好似奸奸
佢直頭係老奸巨滑
我都真係從未見過佢演呢d 角色
(以前佢有冇演過呢d 角色我就唔知啦)
－ 聞說連楊婉儀、姚子羚都係奸奸地果隻丫，好似
幾新鮮:P． gk9112在 2005-8-16 12:57 PM 發表:
－ 聞說連楊婉儀、姚子羚都係奸奸地果隻丫，好似
幾新鮮:P．
應該咁講
套劇裡面既要角
都冇乜邊個唔係奸奸地
問題係邊個奸d
(正所謂做衰人要奸
做好人要仲奸
否則都好難同d 衰人抗衡)
不過個人覺得
tvb所講既劇情
都係唔好百分百信哂佢r
真係睇完先知個劇情真正係點發展
(不過照佢咁講
套劇同《情定大飯店》都有d 首尾呼應
兩劇既開始同結局都有d 相似
但中間就差好遠) hsu在 2005-8-16 02:27 PM 發表:
估唔到Elaine都會做奸角
但佢個樣點都唔似做到奸角果種o番
(正~又有得睇elaine咯):D
真係冇諗過劉丹出場咁少~
咁快就話佢過世左~#:-/
根據TVB網既劇情
睇黎後段馬德鐘同吳卓羲都係同一方
套野水 ...
似係馬吳由敵變友..........
因為TVC冇理由叫吳做奸角.........
*仲以為馬係葉榮晉第2 tim....... DK704_3N133在 2005-8-16 05:22 PM 發表:
似係馬吳由敵變友..........
因為TVC冇理由叫吳做奸角.........
*仲以為馬係葉榮晉第2 tim.......
睇個劇情
有兩點我都幾意外
1. 馬德鐘既身份，都唔知佢係好人定係衰人
2. 吳卓羲都會「為求目的，不擇手段」