爆呔經驗
話說前幾日正載著女友o係Interstate 5返歸途中,初頭相安無事,
只聽到架車行走時,
車輪發出[撻,撻...]聲響,
我地認為係有小石夾在車呔痕中,
所以冇多加理會。
後來那聲響突然停止,
跟住就有好大般撞擊聲發出,
加上有突如其來既震動,
就知道係爆左呔。
之後快手駛入右手面路臂,
不過好彩那路臂較寬闊,
容得下兩架車平排。
落車睇睇完來係左手面車尾爆呔,
自己有士啤太及工具,
就嘗試自行換呔
(之前己經試過成功換呔,不過地點係停車場)
不過最弊係,
小弟同女友合力都無法將螺絲鬆開(太過緊),
最終無法換呔,
身上又冇手機,
而且路臂位置非常危險
(右彎,所有車車速起碼70MPH)
同女友相量一陣之後,
決定沿路臂涯到公路出口附近油站再算。
之後,小弟呢世人最長,最可怕車程就開始,
雖然只係2 miles路程,
但係要用低於15MPH沿路臂行駛,
難度非常高,
用左大約30分鐘先涯到油站。
之後搵左Les Schwab D人黎整先冇事。
於高速公路爆呔實在非常狼狽,
有冇板友有爆呔經驗呢? 小弟無車, 所以未試過換呔,
不過聽朋友講過換呔的心得,
他說拆呔前不要「積」起架車,
因為個轆郁來郁去好難扭鬆d絲帽,
所以先若略扭鬆所有絲帽,
才「積」起架車再完全扭開絲帽。
裝上新呔時, 上絲帽的時候不要順次序裝
(即順時針或順逆時針),
要上完一粒絲帽後在對面位置上第二粒,
(例如上完12點鐘位置的絲帽就上6點鐘的;
跟著上3點鐘再上9點鐘, 如此類推...)
這樣條呔就會裝得平行。
最後把車「積」低番落地後,
緊記要再把每粒絲帽扭緊,
咁就不怕個轆行行下飛出來... #:-*
joeli16在 2005-8-20 05:57 PM 發表:
小弟同女友合力都無法將螺絲鬆開(太過緊),
最終無法換呔,
小弟見過人用成個身踩落的工具度,
利用身體的重量來鬆開螺絲,
唔知樓主有無試過呢?
(應該唔會因此踩壞d工具o卦?) #;oD
[ Last edited by hk4sure on 2005-8-20 at 18:48 ] hk4sure在 2005-8-20 18:35 發表:
小弟見過人用成個身踩落的工具度,
利用身體的重量來鬆開螺絲,
唔知樓主有無試過呢?
(應該唔會因此踩壞d工具o卦?)
應該唔會踩壞既
有一次 我見九巴工程部同架metsec鴨換頭軑都係咁換
成個人企上去支杆度"un" hk4sure在 2005-8-20 02:35 AM 發表:
小弟無車, 所以未試過換呔,
不過聽朋友講過換呔的心得,
他說拆呔前不要「積」起架車,
因為個轆郁來郁去好難扭鬆d絲帽,
所以先若略扭鬆所有絲帽,
才「積」起架車再完全扭開絲帽。
裝上新呔時, 上絲帽的時候 ...
你所講既方法,
全部都試過哂,
冇積起架車,
兩人合力用手想鬆開D絲帽----唔得,
用腳踢想鬆開D絲帽------------唔得,
成個人企上去--------------都係唔得,
不過企上去幾危險,
失重心跌倒實俾車車死,
所以只係試過一次。
不過Les Schwab D人就咁用wrench就鬆開D絲帽,死未~#:-/
(我地只有十字型既六角縲絲批) joeli16在 2005-8-20 05:57 PM 發表:
話說前幾日正載著女友o係Interstate 5返歸途中,
初頭相安無事,
只聽到架車行走時,
車輪發出[撻,撻...]聲響,
我地認為係有小石夾在車呔痕中,
所以冇多加理會。
後來那聲響突然停止,
跟住就有好大般撞擊聲發 ...
上月小弟架車都爆左(應該係比山頂道d鐵板整爆),不過係行車上都唔多覺,行到虎豹別墅洗車時先發覺"扁"左,跟住拎去車房用左$50補返.... lee329在 2005-8-20 07:55 PM 發表:
上月小弟架車都爆左(應該係比山頂道d鐵板整爆),不過係行車上都唔多覺,行到虎豹別墅洗車時先發覺"扁"左,跟住拎去車房用左$50補返....
最慘係小弟架車爆左o個條呔,
一爆就冇左75%氣咁,
而且係路上磨左陣,
條呔滾到可以煎蛋,
唔係咁易換。
條呔上個月爆過補過黎,
(Les Schwab補呔免費)
咁快又爆唔多掂,
最後決定換新呔。
頁:
[1]