eric278在 2005-8-26 02:16 PM 發表:
唯一希望只有王菀之(Ivana)一人.....
這個曾為不少歌手寫歌，現時成為唱作人的女歌手，在HMV的銷量多次超過
其他本地歌手。
她的CD更是一手包辦曲詞編，是香港樂壇少有的。
ivana係好,但唔洗講到係唯一希望掛?!
如果齋講今年新人,阿Kay謝安琪都唔錯嫁.
歌手自己一手包辦曲詞編監係好,
但代價就係慢工出細貨.
隨時一兩年先出到一隻碟.
除非歌手本身視音樂為理想, 不求名利,
否則靠呢種出碟方式喺香港好難生存,
幾個月唔曝光已經人氣不再,
甚至會被人揣測係咪俾唱片公司雪藏.
不過另一方面如果唱片公司見唱作歌手隻碟賣得,
就會當唱作歌手係搖錢樹,
要一年出兩隻甚至更多,
又或者有其他歌手邀請作歌,
結果又作埋晒啲行貨 K 歌, 拖低質素.
bustop在 2005-8-26 16:42 發表:
歌手自己一手包辦曲詞編監係好,
但代價就係慢工出細貨.
隨時一兩年先出到一隻碟.
除非歌手本身視音樂為理想, 不求名利,
否則靠呢種出碟方式香港好難生存,
幾個月唔曝光已經人氣不再,
甚至會被人揣測 ...
可能需要政府大力推廣才行...
eric278在 2005-8-26 10:16 PM 發表:
可能需要政府大力推廣才行...
原創歌曲呢家野唔使政府推廣,你唔見kellyjackie都
係靠一首自家創作歌曲<他約我去迪士尼>,將佢放
上網而走紅,只要唱片公司肯投資更多落歌曲製作
(自由度,人材選用,曲式,製作時間等)已經足夠
鄭笑在 2005-8-27 01:07 發表:
其實香港樂壇跟本上先天上有問題，廿年前可以獨領東南亞，因為整個亞州，除左日本，台灣之外，最「潮」只有香港，但隨各地既娛樂界發展，香港的優勢漸失。
本已經先天上有問題已經死了一大半，最最最致命既就係，香港既傳媒極度極度落後！
一台獨大，壟斷全部歌手，還要不太支持本地樂壇，做的只是歌手應分的現場演唱，這不是支持樂壇，或唱好或做好樂壇，幾乎幫助不到樂壇甚麼！！
其實香港人已經極度接受新事物，包括歌曲，但此終很地下！
還有，真正建立一個健康的娛樂圈，就是各表演單位只專門自己，而只做一面也會生存得到，例如：唱歌就唱歌，拍戲就拍戲，甚至電視主持就電視主持。
可惜，香港樂壇史上唯一可以達到這個健康樂壇表准的，只有王非一人！！
好同意你的講法,記得曾有人講過香港樂壇的致命傷就是歌手並不太專業,又唱歌又拍戲,想有好音樂作品都好難,特別這一兩年出道的新人,十個有六個都係得個樣,要唱歌就唔掂,故此令人覺得香港樂壇無得救
我亦相信今年個市場有機會差過2003年
香港樂壇史上唯一可以達到這個健康樂壇表准的，不只王菲一人,還有林憶連、葉德嫻及關心妍......(十隻手指數得哂)
今年有很多人都說是出產較多實力派新人的一年。相比起早幾年，其實
一點都不差。想想早幾年的新人奬，例如打生打死那三個男新人--蕭正楠、
余文樂、麥浚龍，現在只得juno一個勉強成材。今年的，又怎會差得過他
們？除非班樂迷不聽側田聽王浩信........
香港樂壇史上唯一可以達到這個健康樂壇標准的，何只這麼少？
王菲都不是拍戲/劇拍得少，如壹號皇庭、原振俠、重慶森林等等
也不只林憶連、葉德嫻及關心妍......
隨便想想還有關淑治、慧嫻、黎瑞恩等........
orange在 2005-8-26 23:59 發表:
原創歌曲呢家野唔使政府推廣,你唔見kellyjackie都
係靠一首自家創作歌曲<他約我去迪士尼>,將佢放
上網而走紅,只要唱片公司肯投資更多落歌曲製作
(自由度,人材選用,曲式,製作時間等)已經足夠
問題是有沒有人肯投資，這需要投資推廣署協助才行。
（即是都要政府推動）
d2sky在 2005-8-26 15:16 發表:
ivana係好,但唔洗講到係唯一希望掛?!
如果齋講今年新人,阿Kay謝安琪都唔錯嫁.
ivana亦是一個推動唱作人的機構「綠咖啡」的成員之一，成員包括馮穎祺，
藍奕邦等等。
bustop在 2005-8-26 04:42 PM 發表:
不過另一方面如果唱片公司見唱作歌手隻碟賣得,
就會當唱作歌手係搖錢樹,
要一年出兩隻甚至更多,
又或者有其他歌手邀請作歌,
結果又作埋晒啲行貨 K 歌, 拖低質素.
K歌呢個問題，又係唔知係雞先定蛋先。唱片公司想谷非K歌有用
嗎？班樂迷一樣只說K歌好聽。
舊年部份新人已經係證明：
1. PING PUNG--"我話事"、"殺他死"都係好歌，但大部份人呢？卻只識"
"愛是最大權利"
2.官恩娜--第一、二PLUG"可以幾愛"、"上岸"都係冇人聽，又係只HIT
"地平線"
我始終都係覺得樂迷口味係一個好大問題