轉貼鄰版搞笑文章---巴士投訴大多是女性！
...............而大部份的投訴大多是女性為主！以下就是一些無理投訴例子！
1:由上層往下層，司機都轉變開車令她撞倒乜司機唔知道佢落緊來嗎？
2:司機經常望車箱後鏡睇女唔專心開車！
3:司機對我淫笑！
4:乘客在總站等司機開門開車當時司機正在車廂煲煙！
5:投訴司機等埋佢正在買早餐的朋友都不肯，司機叫佢坐下班車！
6:投訴司機比平日搭的時間遲七分鐘！（跟本就收了這班車）
7:沒讓十字車先行（當時正塞車）
8:準許其他乘客帶放準袋裡的動物上車！
9:乘客不符車資司機不理（當時乘客有職員或家屬證）
10:在後閘上車司機夾到佢
11:明知我在後面追車司機都唔等（司機有後眼、）
12:司機對其他乘客問路解釋不好，亦沒禮貌（問那個都未投訴）
13:投訴司機將壞車停在巴士站，令空氣不留通（當時已關引擎）
14:司機沒按報站，令她不懂下車
15:揮手後司機沒停在我附近讓我上車，而停在其他乘客前！
16:司機容許其他乘客打尖！
17:問司機路，司機答不認識，還叫問其他乘客！
18:司機容許超戴！
19:司機容許乘客帶大型物件上車或不容許帶！
20:司機開動引擎令巴士發出大量黑煙！
這是真的例証還有很多也沒說，通常公司收到投訴都會無論對錯都會問問司機，咪以為司機壓力唔大，
而且大部份投訴都會是女性，現在真希望巴士乘客在投訴前先想一想自已的責任和自己有沒有錯先！華仔果句不是大曬！
http://www30.跌咳.com.hk/viewthread.php?tid=9537913&extra=page%3D1&page=1
我個人覺得第20項投訴最無理取鬧，司機開動引擎令巴士發出大量黑煙，開車比你都投訴，想點？
[ 本帖最後由 98C 於 2009-4-24 16:30 編輯 ]
回復 1# 的帖子
如果投訴第2,5,6,9,11,13,14,17,18,19項都好離譜(2)司機除左要留意車外情況,仲要留意車箱情況架!:@
(5,11)等你係人情,唔等你係道理,個個黎親都要等,唔洗開車架?司機等埋你,你仲要慢慢行上車,阻住哂
(6)有時有塞車/等埋你堆慢慢行既客,唔準時都好正常啫
(9)有職員/家屬證都要比錢,條友係咪大鄉里出黎大城市呀?:@
(13)香港少左呢d淨係識投訴人既垃圾廢物,空氣仲清新:handshake
(14)報站比你係人情,唔報比你係道理,以前新城無報站(唔計15,15B),咁咪個個都唔識落車
(17)司機奉旨要識哂全香港既路呀?:@
(18)你又知超載?你計哂上下層既客量超過左部車既法定載客量?:@
(19)比你上車又比人話,唔比你上車又比人話,班垃圾廢物究竟想點呀?
香港既投訴文化的確好變態同無聊,港女真係不知所謂！！！:@
我遲早同旅發局投訴呢個廣告累人累物！！！:@
[ 本帖最後由 EU5472 於 2009-4-24 09:28 編輯 ] 樓主將其他討論區既貼文轉貼，但文中內容若有粗口諧音
就唔好照出，唔好以為轉貼唔洗負責任。
投訴內容既野都唔知有幾多係誇大，睇完笑兩聲算數。樓
上果位板友唔洗咁認真咁肉緊。 以下係嶺南巴士公司內部0既投訴回應[假0既]
(小弟做埋客服主任?各位,如有雷同,實屬極大不幸~)
1:由上層往下層，司機都轉變開車令她撞倒乜司機唔知道佢落緊來嗎？
小姐,本公司不建議行車時間上落樓梯(見樓梯/上層安全告示),
如果你認為車長會晌行車時留意你上落樓梯的話...
非常抱歉--本公司對乘客違反安全規定而造成的一切損失,恕不負責~
2:司機經常望車箱後鏡睇女唔專心開車！
請問車長編號(小弟需要了解一下,佢望0既係你本人,
定係某位有需要留意0既乘客--特別係老人家、仲有輪椅使用者...)
如果你講0既係事實的話,小弟要叫派更部「調更」好啦...
3:司機對我淫笑！
同題目2
(順便一講,指控不實的話,投訴人可能會被拒乘車~
參考<公共巴士服務規例>230a章[下稱230a章]10條2e款...)
4:乘客在總站等司機開門開車當時司機正在車廂煲煙！
你可以提供呢幾位車長0既資料嘛?
(無證據的投訴,本公司恕難查證處理...
另外,上述情況與230a章11條所列0既情況不同,
故此本公司只可以提醒各員工「吸煙有害各位健康」而已...非常抱歉)
5:投訴司機等埋佢正在買早餐的朋友都不肯，司機叫佢坐下班車！
根據<巴士規例>(230a章13a條1c(I))規定,企圖妨礙巴士正常運作
可以處以罰款$3000及監禁6個月!切勿以身試法!
(小姐,小弟認為你有違法之嫌..等裁判官先生指責幾句...)
6:投訴司機比平日搭的時間遲七分鐘！（跟本就收了這班車）
本公司可以就路面情況、車站內乘客0既需求等等
加開/刪除/更改行車路線0既班次等等...而無需任何特別通告...
(又:本公司採用同南韓巴士系統一樣0既GPS系統...
用手機上一上LNBC.com/byphone再輸入巴士路線編號就可以查最近0既車現時位置...)
7:沒讓十字車先行（當時正塞車）
本公司無奈地承認,交通擠塞之下未能讓救護車先行...
(唔通讓到衝上行人路先可以?)
不過,就此方面已經向車長說明:救護車輛在路面安全上容許的話
一定讓路~(車上0既病人都係本公司0既乘客之一...)
8:準許其他乘客帶放準袋裡的動物上車！
務請與車長合作,提供有關違反法例乘客0既詳細資料....
(車長先生需要小姐你0既舉報,本公司先可以將上述乘客檢控...)
[230a章10條2(c)已經講明,除導盲犬外,任何動物不準上車!
瞞得過車長而瞞唔過小姐雙眼的話,不妨舉報...]
9:乘客不符車資司機不理（當時乘客有職員或家屬證）
請向該名乘客要求查閱一下乘車證/職員證...
(本公司向有關已獲得免費乘車資格者要求,遇有其他乘客懷疑之時
需要向車長及提出懷疑者展示有效的乘車證明...)
(過0左5000字,又要再貼過...) (繼續上文)
10:在後閘上車司機夾到佢
乘客不可以在未有本公司人員批准之下,由中門上車
(逃票可處以成人車費50倍之罰款(<<注意,輕鐵0既罰則,小弟借來一用)及/或接受檢控)
11:明知我在後面追車司機都唔等（司機有後眼、）
同題目5,請不要製造機會讓本公司拒絕向你提供服務...
12:司機對其他乘客問路解釋不好，亦沒禮貌（問那個都未投訴）
本公司只可以從車長訓練方面著手
處理上述問題...多謝乘客a小姐0既提點~(不了了之)
13:投訴司機將壞車停在巴士站，令空氣不留通（當時已關引擎）
230a章9a、9b、9c及12e條規定上述情況之下關閉引擎...
(車長黑仔到要搵公共電話port壞車...真係非常不幸)
如有不便者,小弟只可以代本公司講一句「敬請見諒」
14:司機沒按報站，令她不懂下車
如對停站方面有不明白之處,敬請參閱車上張貼的路線行車資料...
報站機損壞/未能提供相關路線之報站,而未能提供報站者...
煩請記下車隊編號,以便工程人員修理之用...特此致歉
15:揮手後司機沒停在我附近讓我上車，而停在其他乘客前！
16:司機容許其他乘客打尖！
(兩問同一答案)巴士站上0既秩序問題,可以向附近的警察先生提出...
[注意:巴士停唔正站牌的話,站內乘客需要由龍頭起開始上車...
(老弱孕婦、殘障人士可獲優先...)]
車長有權對無秩序候車0既乘客,作出拒載0既決定...先致不便之歉...
17:問司機路，司機答不認識，還叫問其他乘客！
同問12...另外,本公司鼓勵乘客間互相幫助0既行為...
18:司機容許超戴！
19:司機容許乘客帶大型物件上車或不容許帶！
(又係兩問一答)車長如在不能阻止乘客登車(強行乘車)0既情況下超載者...
強行上車0既乘客將有可能處以成人車費50倍之罰款(<<注意,輕鐵0既罰則又借0左去啦)
及/或接受檢控(LNBC咁好50倍成人車費罰則0既??)
故此,客滿時請勿繼續登車...
另外,大件物品(大過0.1m^3?機場巴士?!)只要行車時不帶危險性及安全包裹之下
車長有權自行決定是否容許乘客與相關行李上車...(參230a章14條...)
20:司機開動引擎令巴士發出大量黑煙！
請記下車隊編號,之後向本公司投訴(工程部0既問題...)
(^^除50倍成人車費罰款、GPS搜尋巴士位置之外...
其他0既都係有相關法例0既根據...)
[ 本帖最後由 LNChickenRice 於 2009-4-24 17:33 編輯 ] 原帖由 wilsonli321 於 2009-4-24 20:48 發表 http://www.hkitalk.net/HKiTalk2/images/common/back.gif
香港服務業就係咁..........
我成日覺得劉德華個「今時今日」廣告真係累死人,
個廣告裡面好多內容,根本已經係刁蠻或者不切實際!
本來拍呢個廣告原意係好; 但係好可惜比人完完全全濫用曬.:L
搞到好多人都有恃無恐; 小弟試過上個月因為一個小問題比人
投訴過; 結果我上司同我解決問題, 問我發生什麼事; 我從實招
來, 跟住佢再打返比當事人; 我上司結論係: 投訴者係存心留難.
所以投訴不成立.
我自己就抱住一個將心比己的態度; 只要唔係太過份; 我唔會投訴;
當無件事發生過; 我唔想因為一些少少的問題影響到個司機.
要解決呢個問題就先要解決做客人的抱著: 「顧客永遠是對的」的心態. 我以前有家屬證時，父母都叫我show證要大動作兼大聲講唔該，費事個司機畀人投訴。
我阿爸駕九巴廿幾年，咩人都見過，早年佢會因為有人（不合理）投訴而失眠，
後來臨退休先睇淡囉，不過即使公司只係循例問下，都好煩要搞好多嘢，
如果個客係狼戾嘅真係翳住翳住幾日。
與其投訴司機望你，不如投訴前後左右的士小巴貨車泥頭車貨櫃車左穿右插妄顧百幾人生命安全先啦。:@
我而家學緊車，在大路上，就算你自己守法忍讓，其他車同你「玩遊戲」都係會出事。
And......呢篇文辛一尐都唔搞笑，講緊的係幾千個巴士司機的壓力問題，同埋香港點解越來越沉淪！
董太講得最啱聽嘅一句，香港人淨係識complain complain complain，
都唔知咩叫設身處地，咩叫將心比己，乜都係自己大晒，投訴當玩電話，
知唔知你一句說話可以令到對方精神病發自殺？
[ 本帖最後由 DIH 於 2009-4-24 23:06 編輯 ] 原帖由 wilsonli321 於 2009-4-24 20:48 發表 http://hkitalk.net/HKiTalk2/images/common/back.gif
香港服務業就係咁..........
我成日覺得劉德華個「今時今日」廣告真係累死人,
個廣告裡面好多內容,根本已經係刁蠻或者不切實際!
我上次都想在另一篇文章回應呢點........
香港人自從富有起來之後, 開始對樣樣野都多左 "要求" (i.e. "挑剔"左)
加上教育水平高左, 投訴機制改善左, 同埋社會日益緊張起來, 慢慢造成呢個現象.
所以, 歸咎晒個廣告, 係不公道的.
今日既謾罵文化同投訴風氣都是必然發生的, (無論有冇呢個廣告), 因為係社會既環境所造成的.
"有兩個臭錢就巴巴閉", "識多兩隻字就也文也武", 這都是人的天性.
至於照肺, 我覺得無外乎深入了解事件真相, 收到投訴就要馬上了解.
正如法庭上比口供, 讓受害的你都有個機會申辯一下, 與投訴人的版本參照.
想想, 當你係主管, 你收到投訴信後係應該了解件事先, 然後決定賞罰.
所以照肺就係為左"先了解整件事情", 係必需既程序.............
只係唔知點解會變左質, 冇做錯既人都怕左佢 >.< 原帖由 av220 於 2009-4-25 03:22 發表 http://www.hkitalk.net/HKiTalk2/images/common/back.gif
香港人自從富有起來之後, 開始對樣樣野都多左 "要求" (i.e. "挑剔"左)
加上教育水平高左, 投訴機制改善左, 同埋社會日益緊張起來, 慢慢造成呢個現象.
所以, 歸咎晒個廣告, 係不公道的.
今日既謾罵文化同投訴風氣都是必然發生的, (無論有冇呢個廣告), 因為係社會既環境所造成的.
"有兩個臭錢就巴巴閉", "識多兩隻字就也文也武", 這都是人的天性.
咁點解西方國家冇出現香港情況，
連出名挑剔鍾意投訴嘅英國人都冇香港咁嚴重
如果唔係香港同西方國家語言不通，
否則香港人一定取代英國人成為西方國家眼中嘅挑剔民族