近期母校新聞特別多
無錯，佢係我母校......我淨係讀左幼稚園同小學，中學聽聞話搞得唔好......
所以無選擇直升上去....
不過我無諗過中學部居然差到爆出D咁既事.......
不過我覺得唔可以怪哂學校，最重要都係學生自己要潔身自愛......
帶眼識人，要分清黑與白，好與壞.......
講到好野，梗唔少得母校校車....
我係無可能唔搭校車既，山長水遠，無校車點得！
介紹下玫瑰崗校車啦.....
學校有自家校車車隊，部門叫"校車部"，英文叫"Bus Department".....
佢地有一個維修坑做廠房
我離校時有22條線，全部行港島，港島每一處都去到
無記錯應該有23-24部車，其中兩部係小巴....
型號我曾見過既係Isuzu，三菱同Toyota....
歷代仲有Ford....
車身就黃明、捷聯同中港......
路線雖然廿幾條，但係未必全部開哂，佢地營運方式同一般公共巴士一樣.....
首先，開學前會有表格填，你要邊度上車，之後逢番學放學都係個條線，果個站....
以前表格仲有得揀"非空調巴士"或"空調巴士"服務，我媽媽永遠同我填"非空調"......
不過，非唔非空調跟本唔係我話事，係調車果個話事.......
以前真係坐黃明Isuzu無冷氣，不過後來，學校有錢，逐架"熱狗"入上水裝冷氣.....
跟住校車部就會按學生居住地區分佈同客量去編每一位學生坐邊架車，同每條線去幾多個站....
如果個區多客既就會有兩架車去到，好太古城咁......
校車車頭個黃低黑字既No.就係路線No.，幼稚園有幼稚園既路線分佈，小學有小學，中學有中學.....
亦有特別班次，就係For課外活動要遲放個D學生，通常特別班次可以去既站好少...
好似番小學下午班，我要朝早番學學課外既電腦班，校車就淨係係百德新街同成和道開出.....
記得有一年我坐架校車No.係6號，沿司徒拔道落山，居然有人截我地車，佢以為係城巴6號出中環......
不過我架6號一樣都係出中環！
以前番學會耐唔耐見到有新校車運到，泊係維修坑等候"投入服務".....
同公共巴士一樣，無車牌，無logo，座椅套未拆等等....
最驚喜個次就係入左部捷聯JL-04 Isuzu，不過就有別以往，居然用湖水藍色座椅......
而全校都最感興趣既就係我接近離校之際入左部中港車身Isuzu，我一睇已經知係重裝車身......
不過個個就最想坐新車.....
我亦曾做過校車"車長"，唔係車，係管車上秩序，呢個職位係由跟車老師係車上揀一個學生黎做.......
"車長"係繼跟車老師之後第二個可以校車行行下離開坐位四圍行既人......
有同學傾計，不論大細聲，我就要離位擇佢名，交比跟車老師去罰佢.......
番學既時候我亦要係每個車站安排上車既同學坐唔同既位.......
我最鐘意就係編佢地同佢唔鐘意既人一齊坐，自己老友就同我坐！！！:lol :lol
離校都9年，估唔到母校依然買咁多靚車，我真係好後悔畢業個日我無照爸爸建議去做....
"仔呀！不如你係D校車面前影張相留念啦，唔影無機會架喇！"
此圖來自校刊
http://i255.photobucket.com/albums/hh136/iswsbus/IMG_5170.jpg
攝於06/05/2008
http://i255.photobucket.com/albums/hh136/iswsbus/hb9613-a.jpg
攝於20/06/20083
http://i255.photobucket.com/albums/hh136/iswsbus/gw2462-a.jpg
攝於08/06/2009
http://i255.photobucket.com/albums/hh136/iswsbus/nl5871-a.jpg http://i255.photobucket.com/albums/hh136/iswsbus/nl5871-b.jpg
我既"車長"章
http://i255.photobucket.com/albums/hh136/iswsbus/IMG_5168.jpg
獻醜........
小學六年級美勞作品之一
用火柴支砌任何一樣野，我就"砌佢"
側跟"95"唔係95號車，係我份作品有95分！:victory:
倒後鏡早前比我跌爛左:Q
車頭
http://i255.photobucket.com/albums/hh136/iswsbus/IMG_5171.jpg
車尾
http://i255.photobucket.com/albums/hh136/iswsbus/IMG_5172.jpg
多謝觀看！ 幫你加埋呢架落去，60年代Ford D600．
http://www.pbase.com/anubis_photo/image/25855753 原帖由 3asv6 於 2009-6-8 17:42 發表 http://www.hkitalk.net/HKiTalk2/images/common/back.gif
幫你加埋呢架落去，60年代Ford D600．
http://www.pbase.com/anubis_photo/image/25855753
嘩！謝謝你，呢幅我一定要收藏:handshake 原帖由 isws 於 2009-6-8 18:46 發表
嘩！謝謝你，呢幅我一定要收藏:handshake
你講起車長呢兩個字．去到宜家我都係覺
車長呢兩個字係解校車上糾察而唔係巴士
司機．巴士司機我會叫反做巴士司機而覺
叫車長有0的怪．．． http://i304.photobucket.com/albums/nn163/LJ9155/DSC00241.jpg
http://i304.photobucket.com/albums/nn163/LJ9155/DSC00243.jpg
http://i304.photobucket.com/albums/nn163/LJ9155/SL270640.jpg 玫記校車，真係少影......
http://flyto.twbbs.org/images/200801/1244472784.jpg
http://flyto.twbbs.org/images/200801/1244472860.jpg
http://flyto.twbbs.org/images/200801/1244472977.jpg 呢間學校係1994年先引入冷氣車，第一部冷氣車係FY8746(已被Rebody)，接著係95/96年幫部份熱狗加冷氣，等師生坐得舒服D。以下車輛是曾經被Rebody:
三菱
DJ 9095(已退), DL 1165(已退), DY 8777(已退?), EG1097, EM4208, EW 7880, EW 6634, EW 8037, FB 1436,
FD 9375, FY 8746, GP 7386
五十鈴
GH 2744, GW 706, GW 2462
NL5871係呢間學校最新的大巴，對一次買新大巴已是1998年(HN 9775, HR 5896, HR 962)。
咁NL 5871係取代邊部舊車?
車輛保養唔錯，意外極低，接近0意外比例。 原帖由 DC5 於 2009-6-9 01:43 發表 http://www.hkitalk.net/HKiTalk2/images/common/back.gif
呢間學校係1994年先引入冷氣車，第一部冷氣車係FY8746(已被Rebody)，接著係95/96年幫部份熱狗加冷氣，等師生坐得舒服D。以下車輛是曾經被Rebody:
三菱
DJ 9095(已退), DL 1165(已退), DY 8777(已退?), EG1097, EM4208, EW ...
HB9613應該Rebody緊:] 原帖由 2200`Hn1822' 於 2009-6-9 06:52 發表 http://www.hkitalk.net/HKiTalk2/images/common/back.gif
HB9613應該Rebody緊:]
請問係搵捷聯定中港 rebody ?? 原帖由 DC5 於 2009-6-9 01:43 發表 http://www.hkitalk.net/HKiTalk2/images/common/back.gif
車輛保養唔錯，意外極低，接近0意外比例。
試過一年，副校長係台上話有架校車同架旅遊巴係摩利臣山撞左，第二日都有新聞賣.....
但整體真係無乜意外
講多樣野比大家知，我唔知而家仲係咪咁.....
玫瑰崗校車日日一出車就廿二架一齊"衝落山"，場面你都咪話唔壯觀....
但最"威水"既係......
因為由玫瑰崗落斜轉出司徒拔道(即係新巴15號車站個度)，車流都幾多下.....
而且跟本係唔會有車讓我地出，咁點算呢？廿二架車堆哂係山上轉唔到出大路.....
於是，每逢一出車，校車部調車果個人就會跟第一架車落山，去到司徒拔道落車....
然後，一個人叫停哂兩邊來回既車，跟住我地廿二架車就一次過就落到山喇......
當然，絕對有其他司機不滿......
"大佬，你落咁多架都仲未落得哂，究竟你仲有幾多架車要落？我幾時先行得！？"
佢地都通常都係一邊對住我地調車果個人勁講粗口，一邊狂嚮鞍發泄。:lol
頁:
[1]