(轉載)網上情:曖昧
今次想同大家分享一篇散文，希望大家喜歡，也歡迎大家談談意見。曖昧是， 比好朋友再親一點 ，但比情人遠一點 。
曖昧是，有一點兒兄妹的情誼 ，但卻不敢以兄妹相稱 。
大家都暗暗的明白 ，這段關係不可能簡單如兩兄妹 。
曖昧是 ，你會常常在ICQ等她在線 。你會設定她一在線時 ，系統
會有online alert ，你也會把她的名字floating on 。每當見他幾天沒有
在線，你就會有些擔心。
曖昧是，你會不時去她的Info的日記看看有沒有更新，而且你會留意
字裡行間，她對你有沒有甚麼暗示 ？
曖昧是有感覺 ，然而 ，這種感覺不足以叫你跟對方去發展一段
正式的關係 。
曖昧是明白人生有太多的無奈 ，現實有太多的限制 。你知道沒有
可能， 但又捨不得放手 。
曖昧是有進一步的衝動，卻沒有進一步的勇氣。更怕一旦進一步的話，
便會失去。
曖昧是，她不是你的情人，但她似乎比你的情人更關心你和了解你。
曖昧是，她會送一份心思細密的禮物給你，但大家從沒有開始過
曖昧是，雖然她不是你的情人，但她卻會對你說:「你對我是十分重要的 。」
曖昧是，你有事時在晚上打電話來，向你噓寒問暖，關心你，叫你
蓋好被早點睡的普通朋友。
曖昧是，當你遇到問題解決不了的時候而你找不到你的女朋友/男朋友，
你第一時間會想起她。
曖昧是，每當她提及她的另一半時，你會萬 箭穿心， 卻又默默忍受。
曖昧是為了逃避叛的罪惡感 。
曖昧是甜津津又同時酸溜溜的。往往從未開始，已叫人不安，患得患失。
曖昧是，別人以為你跟對方發展地下情時 ，你會沾沾自喜。
曖昧是，別人問你跟對方是否在戀愛中，你張口結舌 。
曖昧是 ，常常掙扎表不表白。你怕表白之後，你既得不到一位情人，
卻又失去了 一 位摰友 。
曖昧是，見到她時，你會心跳。見不到她時，你會掛念她。
曖昧是，兩個人都會互相猜度。她是不是已經暗示了甚麼？
我是不是自作多情。
曖昧是， 每天大家都會聊ICQ， 間中會互傳手機短訊，
無規律地偶然約會。
曖昧是，除了情人節外，在大時大節和生日，大家都會
交換禮物。在外地的時候你總會記得帶手信給她。
曖昧是，你會留意她喜歡的歌星， 她也會留意你喜歡的
偶爾，儘管大家本來並不太喜歡對方的偶像。
曖昧是， 在唱 K時，你仍會忍不住去點楊千嬅的《有發生過》。 陳奕訊的《兄妹》亦曾在你心中繞樑三日，久久不能釋懷。
曖昧是，你很想多走一步，但又怕會嚇怕了她。你會很小心流露自己的
感情，你忍不住不去著緊她，但又怕她會知道你著緊 。
曖昧是，兩者雙方沒有承諾過甚麼。但雖然如此，你願意付出的，
比有承諾的情侶更多。沒有責任，但你卻很渴望去承擔，不問回報 。
曖昧是一瞬間的disequilibrium (不安定)。當供求曲線還在心猿意馬
地上下移動時，我會細味享受如夢初醒之前錯配的歡愉。
有天，市場的力量會叫雲消煙散。或退或進，在無形之手掌
管下，曖昧最後只會日暮途窮。
節錄自<瘋show快活人~網上情:曖昧 >
今次係貧僧第一次響A13版貼文，請各位多多指教。:)
[ Last edited by grantbus on 2005-9-5 at 21:02 ] 歡迎歡迎....
講得幾好呀....
曖昧的時期係好值得回味，
但係我著實唔喜歡果種捉唔住的感覺，
寧願知道一個清楚的答案，
係好係醜都唔緊要。 唔知點解好多人將曖昧負面咁睇,
往往就係被聯想到三角戀/出去偷食。
老實講,
自己亦曾經有過呢一種關係
(當時係單身)
人地睇會話我地曖昧,
成日問我地係咪拍梗拖,
但係自己同該女仔係好清楚,
係朋友關係。
大家彼此都係知心,
互相了解心中所想,
亦都會互相支持,
關係非常密切,
旁觀者真係好易誤會我地係情侶。
我同佢雖然係咁close,
但係我地從來唔會拖手/互攬既親密行徑,
以保持健康既朋友關係,
並冇超出底線。
自己心裡面既魔鬼係想同佢再進一步,
但係細心諗過同佢係朋友關係係最好,
所以從來冇越軌,
當時感覺真係又愛又恨。
後來佢同我一位好朋友拍拖,
當時要接受現實真係唔易,
過左一排接受左後,
就冇左呢種曖昧關係,
依家大家彼此仍然係知心朋友。 Joe兄的講法唔係話錯，
不過唔係個個人都喜歡要估估下的感覺，
同埋估真係有一定的代價，
可能我自己太唔鐘意，
所以對呢樣野的睇法係比較負面.... 307在 2005-9-6 05:24 PM 發表:
Joe兄的講法唔係話錯，
不過唔係個個人都喜歡要估估下的感覺，
同埋估真係有一定的代價，
可能我自己太唔鐘意，
所以對呢樣野的睇法係比較負面....
其實我係唔駛估既,Jason兄...
呢種親密關係開始冇耐,
我同佢係溝通過好唔好拍拖,
不過當時我同佢都覺得,
雖然拍拖係可以非常親密,
但係之間反而好似少左D野,
少左友情既純真同無拘無束,
覺得如果大家拍拖,
關係反而冇咁長久,
所以我地選擇退一步,
繼續做知心朋友。
或者你會覺得我地好傻,
不過我同佢都係非常重視朋友既人,
大家都想保持呢種無拘束既朋友關係,
做朋友係最好不過。 joeli16在 7.9.2005 16:28 發表:
其實我係唔駛估既,Jason兄...
呢種親密關係開始冇耐,
我同佢係溝通過好唔好拍拖,
不過當時我同佢都覺得,
雖然拍拖係可以非常親密,
但係之間反而好似少左D野,
少左友情既純真同無拘無束,
覺得如果大家拍拖 ...
唏...咁樣就by definition已經唔係曖昧啦...
因為你兩個都知道對方的心意，
亦都清楚你地自己想點樣，
咁又點可以算係曖昧呢?
因為個關係都好清楚喇.... 307在 2005-9-7 12:42 AM 發表:
唏...咁樣就by definition已經唔係曖昧啦...
因為你兩個都知道對方的心意，
亦都清楚你地自己想點樣，
咁又點可以算係曖昧呢?
因為個關係都好清楚喇....
其實呢樣叫法係由他人眼光睇到既...
家人,朋友不繼八掛追問,
有一個鐘意佢既朋友當左我係情敵添...
我同佢大家心知肚明,
又有一種決心,
所以都冇乜理會。 joeli16在 7.9.2005 17:13 發表:
其實呢樣叫法係由他人眼光睇到既...
家人,朋友不繼八掛追問,
有一個鐘意佢既朋友當左我係情敵添...
我同佢大家心知肚明,
又有一種決心,
所以都冇乜理會。
咁都算係.....
始終要兩個唔同性別的人做好朋友，
但係其他人又唔當佢地兩個唔係一齊又真係好難.... 當我第一次睇完呢篇文章之後真係有好大的體會，
好似講緊自己心裡面的感受。
其實我覺得用一段曖昧(又或者疑幻疑真)既感覺去跟對方維繫
一段關係真係好辛苦，自己的心很想跟對方有進一步發展，
但又害怕當對方知道後會避開你，對你有所芥蒂，甚至會失去對方。
連唯一既友誼都失去。所以只好將自己既情感收藏於心內，也許會
令自己好過一點吧。
正如307兄所講，曖昧的時期係好值得回味，因為大家有種似是非是
既感覺，但係捉唔住的感覺真係令人有種失落感，有時真係寧願知道
一個答案，好過自己估估下，甚至令自己想得太多。不過當知道個
答案之後自己要有勇氣承擔結果。 其實處理曖昧係好需要好好的技巧的...
(又或者可以講，感情事從來都係好難處理的....)
我自己就真係唔鐘意曖昧的關係啦...
可能我受過當中的苦處啦...
又或者唔鐘意捉唔住的感覺，
實在的感覺係我需要的野，
可能我個人係無乜安全感俾自己，
反而俾伴侶的安全感真係多過俾自己的好多。
知道答案係好，
不過又少不免有後悔之感....
頁:
[1]
2