7號柯打7B 師傅唔熟路
停完何文田廣場就想調頭出返佛光街
差Dskip何文田總站呢個大站
試過往上水70x 直行吐公唔記得入圍頭村 (早上返工時間)
結果要係返百和路 > 華明路 > 和興路 > 圍頭村 > 林錦迴旋處兜個大圈再入返去....
幾年前中午見過 62X-30 車 order 259D往龍門居方向，好似 62X 咁屯門公路轉落皇珠路，結果司機就駛入南廠，在廠內行一圈 U-turn，上返皇珠路去返市中心。
司機帶各位乘客遊覽左南廠一圈^^
試過坐43B出荃灣轉左入楊屋道;P
又試過坐44返青衣係黃竹街冇轉入汝州街,去到長沙灣道先轉左
有個carlo代702S.唔識行702S,要班細路教行.
搭新記43X往華貴方向
(已經係經堅城o既年代)
出總站後應該係左轉
但有次o係總站上車
開車後右轉樂禮街出左金鐘道
結果經軍器廠街去番夏慤道
返干諾道中原線
PS：其實咁行仲快啦
行紅棉路o個邊鬼咁多車...
原帖由 kendrew6749 於 2009-7-9 02:47 發表 http://www.hkitalk.net/HKiTalk2/images/common/back.gif
幾年前中午見過 62X-30 車 order 259D往龍門居方向，好似 62X 咁屯門公路轉落皇珠路，結果司機就駛入南廠，在廠內行一圈 U-turn，上返皇珠路去返市中心。
司機帶各位乘客遊覽左南廠一圈^^ ...
咁又幾好玩bor
幾年前搭16返廣田邨(我記得係吉蘭)，理應去到將軍澳道近興田應該兜一個圈上連德道。點知個司機早左一個出口轉左上去秀茂坪，最後係曉光街迴旋處調頭落返來，而且唔夠轉要調頭:lol
原帖由 dydx 於 2009-7-9 17:41 發表 http://hkitalk.net/HKiTalk2/images/common/back.gif
搭新記43X往華貴方向
(已經係經堅城o既年代)
出總站後應該係左轉
但有次o係總站上車
開車後右轉樂禮街出左金鐘道
結果經軍器廠街去番夏慤道
返干諾道中原線
PS：其實咁行仲快啦
行紅棉路o個邊鬼咁多車...
呢個可能係師傅見到德立街俾的士塞
住哂，先至咁樣兜出去。 http://img.photobucket.com/albums/v337/1601/wink.gif
同樣情況亦都係 930 出現過。 http://img.photobucket.com/albums/v337/1601/rolleyes.gif
我試過…最經典既都係…
好多年前，藍田村三期（19 座打後果堆，而家平田村既位）岩岩開始做地盤預備拆，
當然仲未有啟田商場，當時既平田街係可以由近聖言中學個位，
一直落到去啟田道近而家行人天橋個位，
而果時 16M 既行法係唔入藍田北巴總，
分站設係聖言中學門口，停完之後就右轉落平田街直落啟田道。
有一次搭 16M（果時仲係 BL 做掛牌），我係聖言個站上左車之後，
部車去到平田街冇右轉，而係直入藍田村三期既地盤…
車上面成班老人家即刻同司機講行錯路，
司機就嘗試後車，點知路面有個壆位，部車後車又唔夠力，
試左幾次都唔得，唯有「硬著頭皮」駛入地盤，
兜左個圈係而家安田街 / 平田街果個 T 字位路口左轉平田街落啟田道。
點知…好戲在後頭，而且更加「精彩」…
停完物華街個站之後，部車就駛入月華街總站，
我真係唔知個司機究竟係唔熟路丫…未操過車丫…定係真係魂遊太虛喇，
過左物華街同協和街交界果個燈位，理應直駛入巴總，
點知司機將部車駛入轉落協和街果一邊既月華街，反方向行車！
又竟然果十幾秒既時間好在冇車沿月華街駛落黎，
最後部車「安然無恙」反方向咁由出口駛入月華街巴總，
全巴總既人即刻嘩然……
我落左車之後，聽到站長指住個司係咁機破口大罵……