從謝霆鋒、房祖名、再到欣宜
近日有關欣宜既話題真係熱爆不過我反而諗起另外兩位藝人第二代謝霆鋒同房祖名
但係點解我地對佢兩個同欣宜既反應會差咁遠?
謝霆鋒既出道應該算係近十年藝人第二代出道既始創者
當年出道時都唔係好多人睇好
唔多唔少同佢老爸謝四哥有關
因為好多人以為佢係靠老豆關係先可以泊大碼頭
但係大家有冇留意佢咁耐以來
有冇真係因為佢老爸而真係拉到關係同多左演出機會?
佢都要靠自己努力捱左幾年
先至令大家接受佢係謝霆鋒，而唔係謝賢個仔
(至於頂包事件純屬個人操守，與演出無關)
房祖名冇錯我覺得佢真係靠成龍大哥先入到娛圈
但對比欣宜我地又比較接受(註: 係比較)
最大原因我覺得係祖名真係做番佢image既野
房祖名以前一直都係迷樣人物
我地對佢所知唔多，所以可以用新人身份接受佢r
而且祖名冇做一d大動作去挑釁大家神經
佢都係做下一d唱作既野(好唔好聽見人見智)
做番一個正常新人應該做既野
就算係佢兩部片"千機變2"同"早熟"
大家喜歡既可以俾錢入去睇，唔鍾意既唔會有人用槍迫你入去
票房自然會反映佢既受歡迎程度
當然成龍可能o係背後做左唔少野
不過佢最聰明既地方係佢做又唔係做出面
所以就算做左都唔太惹人反感
我已經唔去討論欣宜身型合唔合適做白雪公主；
欣宜o係沈澱霞既穿針引線之下經常曝光
由佢出世之後差唔多隔一段時間都會o係公仔箱見到佢r
我未見過一個年輕一輩既藝人(?)可以keep住二十年都超高人氣
我覺得出現反欣宜既原因佢兩母女破壞左娛圈生態有關
娛圈好多當紅明星當年都係由低做起
張學友由十八區歌唱比賽出身
霉左幾年之後先開始拍一d低成本電影(第一套好似叫猛鬼差館)
阿王郭富城由泠氣技工到dancer再到藝人都係慢慢捱出來
劉華當年都要做人肉佈景板
甚至近年吳卓羲、林峰、bosco都係由行行企企既角色開始
欣宜既出現完全破壞左呢個由低做起、汰弱留強既系統
我唔知沈澱霞(俾面先會叫佢聲肥姐)係咪真係從中作梗
但係一個由加拿大番來放假既女仔
可以一開始就擔正拍MV，電視台大show既女主角
甚至連全港期待迪記開幕禮中既焦點白雪公主都有佢份?
而且差唔多有沈澱霞既地方，就一定有欣宜出現
點解佢兩母女一出現就一定要成為焦點?
如果無記真係因為沈澱霞既壓力而俾欣宜出鏡
我認為呢一個係香港電視史上既一個大可悲
相信作為一個大台而且下面有大量女藝人同合約女歌手
當中一定可以搵到一個接近大家心目中snow white形象既演員
但係點解欣宜可以跳過一切基本功r
打佔就可以得到"本來應該"萬千寵愛既公主角色?
咁樣對其他女藝人係公平?
唔通藝人第二代真係可以有特權?
但係點解石修、黃偉、鄧英敏、李影唔可以庇蔭自己子女?
香港無線電視有限公司似乎已經變成沈澱霞一人之下
當然觀眾可以選擇唔睇一切有欣宜演出既節目
但係觀眾應唔應該因為一個人既選角問題而放棄自由收睇節目既權力? 其實以為聽d 玩band既朋友講
佢地確係好憎謝霆鋒
尤其係佢無端端掟爛結他果陣
仲話佢冇料扮有料
不過我本身唔識音樂
係咪咁我都無從考究
不過我都覺得
而家人人識佢r
真係唔係佢係四哥個仔
而係佢係謝霆鋒
基本上除左佢個人操守之外
佢都唔係乞我憎
至於房祖明
話時話佢既負面新聞亦唔算太多
都算係乖仔一名(至少我覺得)
至於欣宜
我不嬲係覺得佢阿媽好霸道
同埋有佢講冇人講(連獎門人都冇佢乎！)
佢個「心肝」更加一出黎就已經成個「大小姐」咁
好老實講肥唔係罪
但係乞人憎先係罪 - 惹人犯罪
我覺得欣宜修身前同修身後
俾我既感覺都係頗為裝模作樣
都幾令人反感
我覺得唔多唔少佢阿媽都有責任
(以上純粹個人意見)
其實話破壞左呢個由低做起
汰弱留強既系統既唔止欣宜一個
早兩三年既Juno已經係咁
只不過個人覺得
Juno某d 歌係ok既
佢都唔算係一無事處
而欣宜就......或者我地仲未睇到佢既實力掛 多謝你咁詳細o既分析，
身為「香港仔」o既小弟，
都唔及你呢位已移居外地o既朋友知得多、計咁多……
你搵謝霆鋒同房祖明做例子，
唔錯，
不過睇返呢兩個人o既「後台」，
一個係雄霸本地娛樂事業o既楊受成，
一個係揚威國際o既成龍，
從「性格學」（例如「九型人格」）去睇，
呢兩個「後台」都擁有相同性格：
就係「要話晒事」同埋「唔話得」，
做得呢類人o既朋友，
大多都係順從佢意見o既人，
一有一句說話唔o岩聽，
係可以「反枱就反枱」、朋友都冇得做，
所以睇返呢兩個「後台」，
就算俾人話佢「 SM 王」，
俾人話佢「兩個老婆，兩個仔女」，
大家都好似好接受，
因為佢o地身邊Ｄ朋友係「唔可以」話佢o地唔o岩；
伸延到娛樂報導都冇話佢o地唔o岩，
都係呢個理由……
其實肥姐個性格，
同呢個「後台」都好相似，
又係鍾意話晒事、要人俾面，
數返歷年咁多次大騷，
每當志偉口不擇言、亂開玩笑到就快失控o既時候，
第一個喝住志偉o既，
甚至追住志偉o黎打o既，
十居其九都係肥姐，
同成龍大哥不時「維持記者秩序」o既性格，
本質其實係一樣o既！
另一方面，
欣宜成功減肥，
就算肥姐唔落咀頭「推銷」欣宜，
纖體公司都唔會放過佢，
因為間做到「愚公移山」呀！
欣宜有幾「重磅」，
大家都有眼睇，
真係由佢出世到早兩年，
都一直係「肥胖」狀態，
連呢Ｄ「先天遺傳性肥胖」都有得醫，
間纖體公司仲唔「打鑼咁響」話俾人知，
我呢間纖體公司係「醫神」？
所以今次「欣宜事件」，
欣宜都幾無辜，
縱然可以話欣宜唔入娛樂圈，
但係「鍾意表演」、有表演慾又唔係罪，
只好怪佢有個「要面子」o既阿娘～～ Ketsu在 2005-9-15 09:06 發表:
其實話破壞左呢個由低做起
汰弱留強既系統既唔止欣宜一個
早兩三年既Juno已經係咁
只不過個人覺得
Juno某d 歌係ok既
佢都唔算係一無事處
而欣宜就......或者我地仲未睇到佢既實力掛
咦,好似我剛剛在別的討論區所見到的文章內容
「英雄莫問出處...平心而論,有部份既藝人都會靠關係去起步...其實靠關係無問題,因為決定權都係係觀眾度,好似juno咁,可能真係有好多網友好buy 佢,不過唔buy佢既人都好多,但我好似只係係網上面見過人對佢有一d惡意既批評,而唔會去度真係要去有關機構complain...
點解可以忍受juno,而唔可以容忍欣兒呢?......」
或許現在的批評已到過份偏激的程度! 小弟早前搭車就聽到有人批評欣宜,
除左靠亞媽之外(那人話佢"唔係有個咁既亞媽佢有得撈?"),
至於佢修身成功, 那人就話佢"有錢大晒, 鍾意整乜都得"
所以就算佢減晒肥, 都給人只靠纖體公司的感覺~ OtisLeung在 2005-9-15 10:37 AM 發表:
小弟早前搭車就聽到有人批評欣宜,
除左靠亞媽之外(那人話佢"唔係有個咁既亞媽佢有得撈?"),
至於佢修身成功, 那人就話佢"有錢大晒, 鍾意整乜都得"
所以就算佢減晒肥, 都給人只靠纖體公司 ...
恐怕佢想靠都冇得比佢靠，因為連張玉珊都飛起佢，佢自己keep
唔到就會打回原形…… 其實我覺得係佢一次又一次係台上面與男藝人有吻既鏡頭
令不少人反感，而且她的作狀，攝入鏡頭爭取暴光率等等的事.....
反觀房祖名一直硬銷歌曲創作，保持低調，保持乖乖仔形象 想起有三樣野可以形容佢地三對父子、母女既關係
謝老四係謝霆鋒既負資產；
成龍大哥係房祖名既入場票；
沈殿霞係欣宜既信用卡
謝霆鋒出道時一直被老爸"盛名"所累
就算自己點努力永遠唔會得到認同
而且謝四哥真正係負債先要佢出道還債
同一個負資產人士俾層樓綁死冇分別
謝霆鋒之後捱出來既成績完全同謝賢無關
我好少見到成龍父子同台演出
成龍既做法好似一張門票左佢入行之後
就等佢自己靠本事打天下
呢度不得不讚林鳳嬌家教好
當年毅然放棄一切跟左成龍
廿年來只係相父教子，完全絕跡娛圈
我諗如果唔係咁今日個仔都唔會有咁好既image
至少我地睇唔到房祖名煲煙，或者當街當巷攬住個女仔
背後祖名有冇做過我唔知
但至少有家教既祖名冇o係幕前show俾我地睇
欣宜出世後沈殿霞就離婚
變左自小就冇左老豆(鄭少秋呢個責任推唔甩)
而沈殿霞又一直活躍於娛圈
移民之後更加係香港加拿大兩邊飛
沈殿霞究竟有幾多時間真係停低陪個女番學放學?
欣宜既成長過程好似缺少左父母一環
而沈殿霞可能為左討好個女
一直以物質去滿足佢，例如俾佢食鮑魚當小食
而沈殿霞o係欣宜既心目中
可能已經變左做一張信用卡
想得到咩只要碌一碌卡就可以得到
細個可能只係想食鮑魚龍蝦做早餐
大個左就想得到更多
好似要成為香港版britney spears
要纖體阿媽即刻搵到人幫佢仲有得代言
不過就算係一張簽帳額勁高既信用卡
都總有一日要交卡數
無止境咁碌卡只會高築債台
觀眾既反應好似銀行咁提醒你張卡就爆
如果佢兩母女唔理銀行信既話
唔使好快就會碌爆卡
[ Last edited by camoran on 2005-9-16 at 15:02 ] camoran在 2005-9-16 03:00 PM 發表:
想起有三樣野可以形容佢地三對父子、母女既關係
謝老四係謝霆鋒既負資產；
成龍大哥係房祖名既入場票；
沈殿霞係欣宜既信用卡
謝霆鋒出道時一直被老爸"盛名"所累
就算自己點努力永 ...
問心，以房祖名本身的力量，要打出名堂其實都唔係易，
甚至而家都唔見佢好紅。以佢乖仔程度而言，唔通真係
100% 乖仔難紅 D？
房祖名比謝霆鋒的優勝之處可能係老豆衰格佢唔會衰埋
一份都唔定...... 當然，呢個係基於某數字週刊對房謝二
人的報導所得，未必準確。
頁:
[1]
2