好疲倦......
其實小弟唔係話同女友出左咩大問題,只係小弟升左大學要搬出黎自己住,
要到大假期先可見佢幾日。
(因為渣車去佢屋企來回要六個鐘,
平日根本冇可能咁做)
之前慣左同佢一齊住,
可以日日都見面,
依家咁樣自己真係好孤單...
自己其實有D驚感情會變,
始終大家要隔差唔多三個月先可以見面,
定係係我諗得太多?
如有任何意見,
請賜教。 Joe兄...
我諗你唔係覺得累，
而係好掛住對方，
但又驚感情會變。
其實只要你兩個中間有保持溝通的，
咁就算真係見少左，
問題都唔係咁大。
你諗多左一點矣，
但係呢個多一點亦都係應該，
有一點危機感會讓你做得更多、更好，
而你亦做得到的。 有冇整ｄ ｗｅｂ－ｃａｍ之類既野？好過冇喎。 多謝jason兄及路人兄
Jason兄:
我真係唔知呢種係咪危機感,
只係好自然有種衝動唔想失去佢。
其實我對佢係好有信心,
我知佢係唔會變心既,
只不過驚感情轉淡,
到時問題就會黎啦。
你可以講,
可能我係悲觀主義者。
路人兄:
我係有webcam,
不過佢就冇啦,
因為佢自己冇電腦,
要用host family部機先可以,
平日係有用MSN及電話聯絡,
不過因為電話費貴,
次數唔會太多。
點講都好,
一定唔及親自見面咁有親切感。 Joe兄，
你的想法係好正常...
但係現在亦都只可以係煮到埋黎就食，
根本無野可以做得到。
如果你係間唔中傾下電話的，
咁已經係可以喇...
見面都唔係經常可以的嘛...
自己調節一下啦，
相信你做得到的。 多謝哂Jason兄同hsu兄支持,
對我黎講係打左支強心針咁。
Jason兄講得o岩,
點都係要接受既,
不過我同佢之前一齊住左三年,
突然有咁大轉變,
要接受唔係咁易。
Hsu兄既意見都係好樂觀,
其實依家我都係迫住自己咁諗,
就唔會咁難過。
我地都冇網內無限通話,
依家都係用油站買到既長途電話咭。
其實佢仲o係Olympia,
我就因為要去CWU而去左Ellensburg,
距離約160miles,
一程車要大約三個鐘啦。 Joe兄，
其實唔需要太過擔心啦...
有轉變的時候，
人會擔心係正常的，
始終失去左平日的依靠嘛...
但係只要俾多少少信心自己，
俾多少少信心對方，
相信你地一定做得到的。 其實已經好好了，
小弟同女友分隔悉尼同香港，
要見面都係要我年尾番香港先見到，
雖然有 Webcam 同成日傾電話，
但始終都係隔一段好長距離。
初時感覺絕對唔好受，
自己感到孤單之餘仲要氹 / 安慰女友，
好彩大家有咩事都開心見誠咁攞出黎講，
而大家又識得體諒同協調先可以維持到今時今日。:)
其實只要有足夠溝通，
而且仲要絕對相信對方，
我諗一段感情唔會就咁話變就變嘅 ~ :) 無乜野事的...
要俾心機維繫的方法好多，
但係最緊要都係自己的心....
你知道自己有果份心就可以了。