ben2004在 2005-9-28 18:49 發表:
不過冇返 5 年 10 年都唔得 #:P
嘩…咁我都係過左五至十年先去香港迪士尼啦喎…:D
今日同完班深圳既roommate係度傾計,由原本講中國人自己做衰自己個樣講到大陸同香港人素質之別...佢地話內地人覺得香港人賴係係度以為自己比大陸人叻,但其實冇左大陸,香港人連水都唔駛飲...又話香港人唔係靠大陸,經濟都唔知幾時有得翻身.講到大陸人係優勝過香港人咁. (他們自豪中)
小弟聽完之後勁嬲,不過我冇話佢地,我只係比左9月13日明報講迪士尼樂園大陸遊客的盛況,同埋yahoo討論區的內容時;佢地最初反應係啞晒,然後話-->你唔比果個阿媽同個仔係香港人黎ga?....再睇落去.."自稱來自廣州,來港數次"..就轉口風話睇佢地個樣就知到係農村既人,係暴發戶,冇教養,係深圳同樣都會比人話....
如果唔係為左保持和諧氣氛..我真係早就開口嘈了...冇錯,香港而家真係好多生活必需品都要靠中國..正如新加坡也要靠馬來西亞一樣,但是不是代表新加坡要看馬來西亞人的面色吃飯,馬來西亞人去到新加坡就大晒,否則就斷水斷糧?
而家香港既經濟活動還沒有完全依賴中國內地,大陸人就已經咁"寸",隨住政府既政策,中港交流會更多,香港會更依賴於中國,到時香港不是到了一個只供給有錢的大陸人花錢及展示"優良公民意識"的地方?
冇錯,以前香港人到左海外旅遊,都會有比人白眼既話柄,如講野大聲,唔肯執輸等等,但相比起大陸部份同胞來說,已經係小巫見大巫. 不知到要待何時,內地人的平均公民意識素質才會提升至同國際接軌的地步?在香港失禮外人,還可大聲說"香港是中國的領土",但到了海外? 只會令人們笑話....唉
板友嶺南雞飯兄說"希望大陸人慢慢同香港文化同化之時,慢慢捨去大陸人'以我劃線'的生存哲學,而開始向香港人學習啦"..在我接觸了那些深圳人之後,我覺得這只會是一個無法達到的幻想,資本主義及其壞處就行,其他想同香港文化同化?難矣..佢地只會要你跟他們靠攏,如果唔係---內地一聲令下閂晒"水喉",睇下香港人點樣生存落去,反正他們的錢可以花在其他地方,不一定要來香港,問你服未?
在大學我讀過一篇文章，是學者Dr. Thring於1974年在香港大學的公開講課，
他指出自十四世紀（中國明朝）實行八股文的科舉制度，是導致中國科技及
文化水平一直下滑的主要原因。
明末清初的顧炎武，指出八股文之禍，更甚於秦朝之焚書坑儒。
eric278在 2005-10-7 09:47 AM 發表:
在大學我讀過一篇文章，是學者Dr. Thring於1974年在香港大學的公開講課，
他指出自十四世紀（中國明朝）實行八股文的科舉制度，是導致中國科技及
文化水平一直下滑的主要原因。
明末清初的顧炎武，指出八股文 ...
同意
但我覺得影響現代中國人最嚴重既係倫理同道德觀
我唔係話推崇儒家思想
不過儒教植根中國人已經有二千年
儒家思想未必係最好既公民教育
但最少可以規範中國人既行為
中國人道德觀念第一個衝擊應該係五四運動
我係支持將一部份守舊既規條廢除
但問題係打倒孔家店之後
中國應該點重新建立道德標準?
五四運動只係題出德先生同賽先生
對人民教化好似冇點著墨
不過可能係當時國情唔容許俾時間佢地探討
而道德觀念受到大浩劫既一定係文化大革命
廿年多之後，我除左覺得文革俾毛澤東用來肅清異己
我唔覺得文革有正面影響
文革將整個中國大陸既人民既道德觀念一夜間完全摧毀
人民既行為完全係失去方向
直到改革開放依然冇改善(還是政府意整頓)
琴日某左電視台話香港傳媒大字標題話
大陸人隨處小便係歧視大陸人wor
今日，新華網發表了一篇同遊客質素有關既評論。
文中提及到有韓國遊客響旅行期間不忘把垃圾帶走，說實
話，內地旅客真係要好好檢討。人地既公民意識做得咁好
，咁我相信內地應該唔會做唔到。
本身唔係同迪士尼有關係, 不過我都要講下...
話說日前小弟和屋企人去坎培拉花展,
點知當母親大人去完洗手間出黎,
佢話見到入面有一張只寫簡體中文的通告:
請勿將衛生巾隨處拋棄在洗手間及廁格內, 多謝合作
點解堂堂外國地方會貼張這樣的通告,
而更諷刺的就只針對某種語言呢...