tomtom2015在 2005-10-15 20:27 發表:
唔知點解我越看呢篇文章
我就越覺，而家某D教育工作者越黎越不知所謂...
但係我只係諗到一句
有乜野學生,就有乜野老師囉
我想講一個都唔係話太算侮辱
但都十分過份既懲罰
記得以前西史堂
有位老師我都唔知佢有冇搞錯
上佢堂既目的
唔係聽佢講書
而係我地譯文俾佢聽
(果時我地仲用緊英文書
佢地要我地譯番做中文)
譯唔到就番去抄書
佢訓人既準則係：
1. 唔記得返屋企準備而譯唔到：抄一次啦
2. 譯錯左：抄一次啦
3. 譯到窒下窒下(或者反應慢d )：抄一次啦
佢好興望都唔望人就叫人抄書
同埋淨係搞呢d 咁既花臣
都已經搞成大半堂
喂大佬呀！
家陣學校請佢返黎係咪教書架？
佢好似係抱個波俾我地做
自己響度睇表現咁
一唔滿意就罰人！
論侮辱
罰抄又唔算係乜野侮辱
但佢就搞到個個上佢堂提心吊膽囉！
最唔抵係果d 真係有備課既同學
只係臨場「表現」失準
就要同一d 完全冇備課而譯唔到文既同學睇齊！
咁係咪仲慘過俾人侮辱先？
CK4013在 2005-10-17 12:53 AM 發表:
但係我只係諗到一句
有乜野學生,就有乜野老師囉
我反而覺得係有乜野老師就有乜野學生...
可能我ge學校生活太正常
如果D老師真係教書ge...我地係唔會發癲...
但係，個老師唔係黎教書/係又罰唔係又罰ge.....我地真係寧願做其它科ge野/發癲...
當然，我係唔讚同咁ge課堂，但係，我地唔做其它野ge，都別會聽到書...
tomtom2015在 2005-10-17 21:35 發表:
我反而覺得係有乜野老師就有乜野學生...
可能我ge學校生活太正常
如果D老師真係教書ge...我地係唔會發癲...
但係，個老師唔係黎教書/係又罰唔係又罰ge.....我地真係寧願做其它科ge野/發癲...
當然，我係唔讚 ...
如果學生係好乖, 你果番說話或許正確, 但如果有學生稍為
唔正常, 有搗亂秩序O既傾向, 係又「發癲」, 唔係又「發癲」
O既話, 老師就未必能控制整個班房O既氣氛。
以前我有個好淋善O既老師, 佢真係有心教書, 可惜基於
本身行為舉止有點怪異, 以致佢未能控制課堂O既秩序。
我上佢O既電腦堂, 有一個同學不時都走O黎走去捉弄佢r
(有次仲躲進一個紙皮箱), 結果課堂不時被斬斷, 上堂氣
氛俾佢攪到亂晒。不過呢堂情況已經唔算嚴重, 果時聽
番同學講, 之前果年佢上數學堂 (中一) 果陣, 成班嘩鬼根
本冇當佢冇到, 捉棋O既捉棋,開餐O既開餐, 開檔O既開檔。
註: 呢班嘩鬼上其他堂係好正常O架
小弟二年級時有位同班同學因為成績差+功課欠佳的關係
個中文老師每堂就藉詞話佢書包阻塞通道
然後一腳踢開佢個書包
tomtom2015在 2005-10-15 04:27 發表:
唔知點解我越看呢篇文章
我就越覺，而家某D教育工作者越黎越不知所謂...
我睇見你呢篇文就真係覺得非常不知所謂！
我唔否定有唔專業既教師，
但係我好肯定呢個世界仲有好多好專業既教師！
dicksonboy在 2005-10-26 10:19 AM 發表:
我睇見你呢篇文就真係覺得非常不知所謂！
我唔否定有唔專業既教師，
但係我好肯定呢個世界仲有好多好專業既教師！
佢話某d o者
都唔係一竹竿打哂成船人
聽我一d 教書既朋友講
佢話家陣呢代既學生
同佢講道理都未必有用
有時候真係俾某d 學生
激到佢地想用d 違反教師操守既方法
黎對付佢地
所以我都認同
除左有咁既老師
就有咁既學生之外
我都認同有咁既學生
亦有咁既老師
不過前者主要係響教學質素黎睇
後者就響學生品行上黎睇