巴士車廂設備結構、更新及廣告更換多問
有關車廂設備結構及更新方面：1. 在安裝雙扶手的時侯，工程人員是否需要精確地量度扶手柱的安裝位置及位置移動幅度？
2. 各款車型的整個雙扶手安裝過程是怎樣？
3. 在安裝/更換NoShow時又是否需要精確地量度屏幕的安裝位置？
4. 九巴巨龍上層車頭的屏幕位置又是怎樣製造？更換16:10屏幕時又怎麼加大該洞口？
5. 在安裝報站或電視時，上層車頭的下車鐘需要移位，那又是怎樣開洞去接駁電線？電線的改動如何？
6. 部份九巴3+2位巴士曾把包著上層冷氣糟的布料更換，更換過程如何？
7. 那在布上（不論有否更換）安裝波波出風口，過程又如何？
8. 由「辟啪」形冷氣出風口更換作波波出風口的改裝過程是如何？
9. 報站及NoShow的電線是怎樣連接主機/CD機？鋪設電線的過程如何？
10. 有乘客按動下車鐘時，又怎麼立即令司機位的鐘燈亮著？
11. 各款座椅不論使用人造皮或絲絨，都只是表皮，那座椅內部結構如何？
12. 城巴翻新車輛時，上層的扶手全數被更換，如果該扶手附設下車鐘，那又應怎麼更換？
13. 為設有頭枕的車輛換皮時，需要先把頭枕拆下，然後再裝回嗎？
14. 部份九巴ATE椅背由紫色轉作黑色，想問下下層倒頭位的座椅椅背又如何更換？
15. AVW等車款的報站和下層電視是如何嵌入預設位置？
有關廣告更換方面：
16. 在去水口、牌箱等位置，是在製造廣告貼紙時預先遷就，還是後來才撕下來另外張貼？
17. 張貼梯位短T廣告時，需特別注重T字的位置嗎？（部份金巴貼得比較後）
18. 透視廣告跟張貼在車身的是分開製作，還是一同製作？
19. 貼上一整幅廣告需時多久？
20. 車廂廣告（大幅個D）又怎樣遷就扶手的位置？
謝解答 1&2.先會找一部車去度位同設計裝法﹐再做一套Sample出來並安裝﹐沒有問題便按sample的尺度大量生產所需的組件。而設計這些組件時﹐會考慮安裝是否容易的。
視乎車形而定﹐有些根本不用度位﹐無機會偏移﹐例如 "大豬" ﹐把原有的一條向上升﹐中間的T位用另條新直柱插回新加的 "十" 字位﹐無技術可言。
例如 AV, AL 等﹐工序是先拆中間接窗框的扣位 (後面連接條柱無拆的﹐套上膠套)﹐再在正中位於裝上直柱﹐再套上 "十"字扣﹐再裝上上半部的"倒U"組件。在裝新的直柱時﹐大概位便可﹐大家留意一下﹐底座是三角形﹐但我忘記方向﹐一係底邊2隻角對正玻璃角位﹐一係三角尖位對正窗框柱﹐這樣便一定係中間。細心留意多部車﹐係會發現有些車是偏左或偏右的﹐但不明顯的。
3. 同上面的2條差不多﹐有指定位的﹐些少偏差是可以的。而安裝的組件時﹐設計會令安裝的工人不會偏差太多﹐最少乘客是唔會容易發現。
4. 由於每一部巨龍 (除頭批ADS外)﹐車內都是相同的﹐所以只需度一次位﹐做一塊已開洞的版 (即係劃位用的模)﹐拍上車上的位置﹐便可用筆準確地劃上界線﹐之後便可按線界開。換闊MON 時都是相同做法。
5. 外殼及內殼其實有足夠位的﹐藏了預長了的電線﹐拆了原本的燈便可看到。假如電線唔夠長﹐是可以駁長的。之後再在新位開洞﹐用工具 (如長鐵線) 去帶條電線去新位﹐便可在部位裝回燈。舊位會被報站機的組件覆蓋﹐有需要時作修補裝飾。
6. 唔知。不過﹐應該是有暗藏的扣位﹐是可以拆出來﹐便可成條冷氣槽拆下﹐拆出來之後﹐點整都得啦。
7. 講真﹐我個人唔多覺是有換布的。不過﹐做法好簡單﹐在指定位置開一個大洞(即冷氣出口)﹐再套上大家見到的部份﹐再鑽上羅絲上穩。
8. 唔明你講那一種。
9. 拉線工貝其中一種是一條可屈幼長的金屬帶﹐是可帶領(穿扣)電線﹐用推拉方式去把電線穿過指定的管道﹐留意的係所有扶手都是空心的﹐可能在這些扶手穿過的﹐而拉線之前已經預先計好電線的走法。
10. 自古以來﹐都是由一塊電路版所控制﹐一按(通電)便打鐘一下﹐並且即時著燈﹐直至指定的車門打開為止。也因為先經電路版﹐所以唔開有人按鐘後﹐再有人按會再嚮多一次鐘。
11. 入面咪係乳膠同埋鐵製支架。
12. 拆制﹐再拆柱﹐入面條電線唔CUT斷﹐之後換新座位﹐再裝上新柱(入番原有的電線)﹐最後裝制。
13. 係。如果唔係點換有被頭枕覆蓋的背面。
14. 唯一方法﹐成張坐位拆出便可。實際上都只係4-6粒羅絲。
15. 面版是可能拆出來的﹐裝完TV, 報站再上回面版。
16. 貼上之後便「界」番多餘部分。之前都有人影相影到工人忘記CUT 走車牌﹐路線牌位置﹐令到被廣告覆蓋但車照出街做生意。
17. 設計廣告時有預位。如打算在不同款的巴士使用﹐例如AP 及 城巴城市版蠆(中梯)﹐會同時做2套犒出來。其實﹐只有AD 的梯位較後﹐做T形廣告尾後部份唔可太長﹐AP上層頭窗有斜位﹐會被CUT去(所以AP 好少會上T形廣告)。而標準的T形廣告SIZE 已經可供絕大部車使用﹐甚少要做多套廣告犒的。
18當然是一同製作啦﹐但用不用物料﹐接合位有預多的﹐以便靈活改變接合位﹐可高些少或低些少。
19. 全車貼晒都只是數小時﹐上午做完繁忙時間﹐下午繁忙時間出來已經成部車換了另一個樣子了。
20. 基本上上這些廣告的只會是指定車型﹐部部的扶手都是一樣的﹐在設計廣告時由創作者處理便可。講到尾﹐張貼紙已經一早有固定SIZE及形狀﹐貼法只有一個﹐去到扶手便要駁另一張﹐設計圖案的人便在這些固定SIZE及形狀的犒件上自由發揮。
PS. 我不是巴士公司的人﹐工作也同廣告/巴士無關﹐只是用最簡單而又可行的方法去想。
[ 本帖最後由 kei_hk 於 2009-10-30 23:47 編輯 ] 14. 坐椅(不計椅背)正前方鬆開螺絲，就可以拿走坐椅
見到鐵架之後再鬆螺絲，就可以成張椅連椅背拆走
16. 兩者都不會，貼廣告貼到有關位置才即場開孔，所以偶然會見到有巴士被廣告蓋上了車牌或路線牌。
當然design的人醒目的話，唔會把廣告重點放在開孔位置
17. 同上，去到才開孔 原帖由 kei_hk 於 2009-10-30 09:45 PM 發表 http://hkitalk.net/HKiTalk2/images/common/back.gif
1&2.先會找一部去度位同設計裝法﹐再做一套出來並安裝﹐沒有問題便按尺度大量生產所需的組件。而設計這些組件時﹐會考慮安裝是否容易的。
視乎車形而定﹐有些根本不用度位﹐無機會偏移﹐例如 "大豬" ﹐把原有的一條向上升﹐中間的 ...
6. 我相信一些亞記車身(AV, 3AV)係無足夠的線位比報站器和roadshow用，以往我見報站機係走明線去上層(當時報站器數目唔多)，在車頭右邊近潛望鏡可以見到有條線
後期加入roadshow後，這個線位有膠條幅蓋而以，而且膠條整得幾好，但留心看會發覺左邊無裝線的同一位置和右邊有裝線的位置有別
8 樓主所講的「辟啪」冷氣掣，即是都普車身由GR牌AD開始用，亞記車身由ATR1開始用那款，直到被舊款(圓型一粒o的，同豐田小巴一樣)取代那種
[ 本帖最後由 superay 於 2009-10-30 22:12 編輯 ] 原帖由 superay 於 2009-10-30 10:07 PM 發表 http://www.hkitalk.net/HKiTalk2/images/common/back.gif
6. 我相信一些亞記車身(AV, 3AV)係無足夠的線位比報站器和roadshow用，以往我見報站機係走明線去上層(當時報站器數目唔多)，在車頭右邊近潛望鏡可以見到有條線
後期加入roadshow後，這個線位有膠條幅蓋而以，而且膠條整得 ...
6. 第一批AV,3AV 裝報站時﹐可能當時只作試驗﹐唔想做太大工程﹐拉太長的線或全程走暗線﹐所以上層一段行明線再加條COVER去裝飾保護。(當時係未有ROADSHOW的)
在裝ROADSHOW 時﹐是用車頂的扶手槽位 (即座位上的柱﹐去到車頂便套上的一條槽) 內的空間走線﹐你會發現左右2條都有後期加長的﹐右邊一條加長去到樓梯位的MON(近樓梯後第一排位有駁口)﹐左邊一條加長去到車頭玻璃(近第一排位有駁口)﹐2處都只是駁長幾寸。
而裝ROADSHOW 時﹐又唔係每一部都有報站的﹐但拉線時會同時拉埋﹐走線方法同ROADSHOW 一樣。當時﹐間中見到有ROADSHOW﹐但個MON 上面有一個空間﹐唔貼車頂的。
8. 我估是拆走2塊出風扉位﹐直接放球形面版(即大家見到的部份)﹐再上羅絲便完成。
[ 本帖最後由 kei_hk 於 2009-10-30 23:04 編輯 ] 那即是九巴豪既直柱係分開兩截？
至於ATR，係已設有報站機既亞記dent裝電視時，我見S廠同U廠既車將套住個報站機既白色殼移除左，但L同K廠既就冇。咁呢兩款既裝電視方法有D乜野分別？
另外ATR裝孖柱時需要鋸短電視個條柱，想問下鋸既過程係點（需唔需要度晒位係邊度鋸）？同埋會否影響上面既承托？而城巴市區dent（#2201、2262-2301、2700）個安裝過程又係點樣遷就電視柱？
至於先有NoShow後有報站既九巴豪，裝報站時係咪係電視上面既預留位開洞插電線？
至於九巴亞記膠dent換風口，我坐過U廠既HX8815，發現佢裝得比S廠車入，想問下兩者既裝法又有乜分別？
而3+2位車裝左波波風口之後，原本既長條形風口，係鬆羅絲拿出來搵布塞住，定係要鑽入冷氣糟用布塞住？
回復 6# 的帖子
1. 係。因為原本條橫柱係一條過﹐沒有改動過。2. 可能第一批裝同後期裝作出些少微調﹐而且這個殼也不影響安裝及穩固。
3. 2條直孖柱要鋸短﹐要準確些少度位﹐因為太短同太長都fit 唔到位。做法估計先拆mon﹐再度位鋸2條直柱﹐改裝2條橫孖柱﹐再上穩2條直柱﹐上番mon。
我是九龍人﹐無坐過城巴。
4. 在裝roadshow 時﹐已經一同拉線﹐條線已經收在個架入面﹐到裝報站時再抽出線便可。
5. 換風口位﹐有時手工都會有少少不同的。
6. 原本的出風位﹐正如你所講﹐但唔係用布去封位﹐而係拆個黑色出風位﹐攝一塊膠片入去﹐再上番黑色出風位。只有極少數的al﹐成個冷氣槽重新包過布。 16. 車尾冷氣欄柵咁多行都係逐行"界"? 而且佢唔係一個平面,
"界"完又要逐行貼返實佢嗎? 原帖由 JZ3968 於 2009-11-2 11:01 PM 發表 http://www.hkitalk.net/HKiTalk2/images/common/back.gif
16. 車尾冷氣欄柵咁多行都係逐行"界"? 而且佢唔係一個平面,
"界"完又要逐行貼返實佢嗎?
無錯﹐你逐行界。
但實際上唔難﹐先好似平面方法貼上﹐再由上至下﹐在每一條底界一刀﹐便可貼到對下的一塊。貼了再在底界一刀﹐又可貼多一塊﹐重覆此步驟便可好快貼晒每一條。 我又想請教一下, 近年的亞歷山大/E500車身,
窗框中間有條野(如下圖紅箭咀所示), 點解有時會無左或者換左第二種色?
此外, 大部份巴士車身窗框對下都有條凸出的東西(如下圖紫色箭咀所示),
其實入面有無野呢?
Thks.
http://i307.photobucket.com/albums/nn307/victorloky/IMG_0395.jpg
頁:
[1]
2