人生交叉點...
話說前排細佬坐Greyhound巴士去溫哥華探望朋友,點知返美國之前,
俾人偷左個袋,
唔見哂D證件。
咁樣當然要滯留溫哥華朋友屋企,
去補辦證件,
但係o個時佢就叫我,
唔返一,兩日學,
渣六,七個鐘車去溫哥華接佢,
佢同我講佢唔想搭巴士。
雖然我擔心到就黎傻咁滯,
不過我佢絕左佢既要求:
1.冇理由要咁樣唔返幾日學
2.就算我去左,
我係幫唔上忙,
始終都係要佢自己搞
3.佢會依賴我,
要我幫佢搞掂哂
4.我唔知佢幾時先返到去
我覺得係佢唔小心睇實個袋而俾人偷,
佢係好應該自己付責任。
我係已經從旁協助,
週圍搵人幫手解決問題。
後來佢平安返左黎,
佢就怪我點解唔去接佢,
佢咁諗係情有可原,
但係竟然連父母都好冷淡話我完全唔理全件事,
一聽到真係心都碎哂...
好似我之前一直白擔心咁...
件事過去左,
大家都有左共識,
不過之前父母俾我既評語實在難以忘記...
究竟我係咪應該去接細佬?
究竟我係咪真係完全冇理過?
究竟我應該點做?
我想知道各位既意見。 Joe兄....
件事終於完了嗎?
我覺得你沒有做錯，
接唔接唔係一定要，
尤其係呢一個理由，
我覺得唔太可以接受，
反而係話咩錢都無，
返唔到落美國就應該去接佢。
我覺得你唔係做錯左d乜野，
只係可以在決定左唔接佢之後，
同父母講清楚你的看法，
話俾佢地聽，想佢學下點樣獨立...
有時局外人睇件事都好容易睇得太過片面，
以致所落的判斷都會如此，
唔緊要啦...最緊要自己明白自己做緊咩。
鐘意的話，可以MSN傾... 其實你細佬幾歲呢??
如果佢係比較細既話,
去溫哥華接佢可能比較好...
但如果已經算係大個仔,
咁唔接佢問題都不大,
加上你已經從旁協助喇!!
你既原意都係為佢好,
只係可能你拒絕要求時,言語間表達得唔好...
令你細佬&父母覺得你係嫌麻煩,強搬d借口出黎咁囉...
而且你父母可能唔了解實際情況,自然會緊張d啦!!
既然一家人都有晒共識,
咁之前一d說話都無必要太介懷喇~~
下次處理得好d咪得囉!! 我細佬已經可以拿成人身份證。
其實錢既話,
都唔駛我親身去,
我可以直接寄特快俾佢,
因為要簽收,
所以唔駛驚寄失。
再講佢去補領證件都要錢,
佢同我講佢問朋友暫時借住錢,
咁樣冇理由佢朋友唔肯借錢俾佢搭巴士。
如果真係唔得既,
我就會寄俾佢。
我拒絕左佢之後,
佢就覺得我唔理佢,
佢delay左幾日先返黎又唔同我講,
搞到我發哂顛咁週圍問佢既行縱,
連佢返到黎都係由父母e-mail俾我先知,
實在太過份啦!
擔心左咁耐仲要咁樣俾人話,
叫我點樣收得住?
好彩我既host family同女友一直支持我,
否則我一定已經顛左。
我想知既,
如果咁既情況又再發生,
我應該點做? 你細佬唔即時返黎呢樣野都已經唔係好得，
錢，你可以寄又得，
但係如果佢無錢會有好大的麻煩的，
咁去接佢都唔太過份。
如果再有類似問題，
睇怕你最好都係同屋企communicate都好一點，
知道佢地的想法係咩先啦....
好過俾佢地覺得你不聞不問。 307在 2005-10-26 04:22 PM 發表:
你細佬唔即時返黎呢樣野都已經唔係好得，
錢，你可以寄又得，
但係如果佢無錢會有好大的麻煩的，
咁去接佢都唔太過份。
如果再有類似問題，
睇怕你最好都係同屋企communicate都好一點，
知 ...
我之前同佢地溝通過好多次,
佢地知道我係擔心梗既,
但係我唔明點解佢地又會咁講。 joeli16在 27.10.2005 09:41 發表:
我之前同佢地溝通過好多次,
佢地知道我係擔心梗既,
但係我唔明點解佢地又會咁講。
咁人有時候講野係講得好過份的，
唯有講句唔開響心度啦...
頁:
[1]