拍攝技巧問題(一大堆)
各位師兄你好，一直習慣乜都影一餐亂玩但其實相機到我手我唔太識用佢既功能，一D技巧我都唔清唔楚
所以想係度問下問題開下眼界學學野咁，唔想搞到影到一pat野
我的相機:CANON IXUS 120IS
-----------------------------------------------------------------------------------------------------------
對焦問題
http://i287.photobucket.com/albums/ll121/hothotdogdog/IMG_0710.jpg
^如果放大得太盡係咪就會咁樣矇晒?
http://i287.photobucket.com/albums/ll121/hothotdogdog/IMG_0722.jpg
^呢張比較清
http://i287.photobucket.com/albums/ll121/hothotdogdog/IMG_0724.jpg
^咁樣係咪就係對錯焦，如果想影靚佢要點做?
-----------------------------------------------------------------------------------------------------------
夜景問題
http://i287.photobucket.com/albums/ll121/hothotdogdog/IMG_0617.jpg
^影到一點點，但又冇落雨，係咪代表我鏡頭污糟左
同埋好多時你地影相都影得好清好突出，我點影都唔得，我邊度出問題?
http://i287.photobucket.com/albums/ll121/hothotdogdog/IMG_0615.jpg
^ 影成咁樣一粒粒，係咪代表冇腳架就係咁/機仔冇得同專業(?)那些相機比
http://i287.photobucket.com/albums/ll121/hothotdogdog/IMG_0479.jpg
^呢張想學人地影成一條條線咁，我亂用相機入面慢快門既功能，不過...
-----------------------------------------------------------------------------------------------------------
正光/背光問題
總是聽人說某些位置/某些地方某段時間正光，影相會比較好
正光是指太陽從頭殼頂對正曬落黎還是對正所影既野?
如果一早想計畫去邊D位影野玩
我點樣先可以知道幾點鐘會正光幾點會影出黎黑晒?
使唔使計?
http://i287.photobucket.com/albums/ll121/hothotdogdog/IMG_0744.jpg
^ 咁樣係咪叫黑頭?
http://i287.photobucket.com/albums/ll121/hothotdogdog/IMG_0760.jpg
^同埋我影親野都唔會好似你地咁顏色咁鮮咁清，好多時我都矇左層野上去咁
-----------------------------------------------------------------------------------------------------------
其實我每次影相都用Auto或者相機入面預設既場景(人像/花/日落/室內)
入面部相機既可以較既ISO/白平衡/測光/慢快門等等
我不清楚邊樣打邊樣或幾時要用到，即使我已經睇緊說明書教點用
-----------------------------------------------------------------------------------------------------------
或者可能問得凌亂左D...而且有種想未學行先學飛的感覺
有否一些技術的東西可以練回來的?
或者可能再有更多低能問題會逐樣問，希望各位唔好介意
[ 本帖最後由 請勿下車 於 2009-12-13 19:17 編輯 ] 如果放大得太盡係咪就會咁樣矇晒?
試下用微距
咁樣係咪就係對錯焦，如果想影靚佢要點做?
焦點對準d
影成咁樣一粒粒，係咪代表冇腳架就係咁/機仔冇得同專業(?)那些相機比
高iso出黎既noise黎..夜景用低iso+腳架就冇事
呢張想學人地影成一條條線咁，我亂用相機入面慢快門既功能，不過...
快門速度唔夠慢...仲有下次記得拎腳架影喇:lol
同埋我影親野都唔會好似你地咁顏色咁鮮咁清，好多時我都矇左層野上去咁
開左數碼變焦或色散問題
有否一些技術的東西可以練回來的?
熟能生巧....先決係摸熟部機再慢慢玩吧
[ 本帖最後由 LRT1070 於 2009-12-13 19:39 編輯 ] 關於對焦問題，請查看相機說明書，會說明那些距離要用到微距模式，留意最短對焦距離限制
另外對焦時若果對焦景物對比不足，請用手動微距功能
影到一點點，但又冇落雨，係咪代表我鏡頭污糟左--> 好大機會係
夜景拍攝時，請用曝光補償把快門時間拉長一點，試在同一個位置用不同設定影多幾次
影夜景最好用腳架，另外由於按快會會震到相機，可以的話請用倒數2秒模式拍攝
留意長曝光時，相機極微震動都會破壞張相。
另外關於正光問題，真係識少少而以，但大致上，要有光才可以照亮物體(廢話)
若果該位置影相時，剛好有光源(太陽)能夠令物件被照亮，影相效果便會較好
留意影相唔止係影巴士，景物都要影埋，因此景物亦要適當地照亮.....
但若果光照了在物件背後，光線只能在物體四周通過，物體便會顯得很黑
正光時間係可以計，按日出東方，日落西方，再配合天文台的日出日落時間去計大約會計到那個時間陽光會從什麼角度射過去。但香港因為高樓大廈多，計到都未必有用，因為有o野會擋住.....或者根本唔埋得去(例如馬路)
樓主不仿細心再看多幾次相機說明書，甚至看埋其它牌子的說明書，連DSLR機都可以看，比看攝影書籍更能學到更多o野。
特別係Canon的說明書真的寫得好有心機，看多幾次真係學到o野。(看過好多牌子，發現Canon的說明書特別好！)
識少少，有錯請指 夜景一張一點點, 是否閣下開左閃光燈...?D 點點好似D 塵反光而造成wor
另外如果用腳架, 記得關左IS 去....先唔會震..
[ 本帖最後由 3ASV196 於 2009-12-13 21:55 編輯 ] 唔該晒各位先，得閒用心刨刨本說明書先
腳架我得玩具咁細個種...
原帖由 3ASV196 於 13/12/2009 21:53 發表
夜景一張一點點, 是否閣下開左閃光燈...?D 點點好似D 塵反光而造成wor
另外如果用腳架, 記得關左IS 去....先唔會震..
係，有開閃光燈，其實係咪唔使用架?
唔好意思...IS係，本書入面有架呵?
[ 本帖最後由 請勿下車 於 2009-12-13 22:03 編輯 ] 原帖由 請勿下車 於 2009-12-13 09:57 PM 發表 http://hkitalk.net/HKiTalk2/images/common/back.gif
唔該晒各位先，得閒用心刨刨本說明書先
係，有開閃光燈，其實係咪唔使用架?
唔好意思...IS係，本書入面有架呵?
若果只影夜景而沒有任何近距離的景物(例如有個人)需要補光，不需要用。
DC的閃光燈的火力一般只有1m左右，對處物沒有幫助。
IS係相機的防手震系統，原理是透過高速移動鏡片或鏡頭鏡片去補償手震
但當使用穩固的腳架時，相機即使無震都會自己無o野搵o野做，反而會令相片震左，所以要關IS
[ 本帖最後由 superay 於 2009-12-13 22:16 編輯 ] 原帖由 請勿下車 於 2009-12-13 21:57 發表 http://hkitalk.net/HKiTalk2/images/common/back.gif
唔該晒各位先，得閒用心刨刨本說明書先
腳架我得玩具咁細個種...
係，有開閃光燈，其實係咪唔使用架?
唔好意思...IS係，本書入面有架呵?
IS係防震 原帖由 請勿下車 於 2009-12-13 21:57 發表 http://www.hkitalk.net/HKiTalk2/images/common/back.gif
唔該晒各位先，得閒用心刨刨本說明書先
腳架我得玩具咁細個種...
係，有開閃光燈，其實係咪唔使用架?
唔好意思...IS係，本書入面有架呵?
yes 唔駛用, 用左都無用....因為景物太遠..
影夜景, 除左要影人, 否則大部分情況都唔駛閃光燈....
而咁那d 點點其實係d 塵反左閃光燈d光, 你鏡頭本身無事,
大塵的地方就有, 或是外國落雪都有... 原帖由 CPY 於 2009-12-15 11:44 發表 http://www.hkitalk.net/HKiTalk2/images/common/back.gif
據小弟所知，拍攝條狀的行車光線，曝光時間最少需要8-10秒，而且光圈要非常之小(F8或以下)。
一般情況下係公路旁邊影夜相，光圈收到 F8 o個陣，快門應
該都唔使咁慢個播...... http://img.photobucket.com/albums/v337/1601/rolleyes.gif
下面幅相我都係開 F8，但快門只係較到去 4 秒就搞掂...... http://img.photobucket.com/albums/v337/1601/cool.gif
http://i206.photobucket.com/albums/bb21/KCRC_701/GloucesterRoad_mid.jpg
頁:
[1]