[Great Food! 女朋友食經#2 ] 大阪王將外賣篇
Great Food! ^_^ 女朋友食經 vol.2大阪王將外賣篇
正所謂辛苦找來旨在食，民以食為天，不過o係宜家呢個日忙夜忙、家賊難防既香港地，想安安樂樂食個午餐有時都可以話要求奢侈；筆者今日食飯之前要去銅鑼灣，而早前則安排好午飯時間回家拿東西，於是o係時間上面根本唔充裕既情況底下，唯有o係食物質素上面要求高d作補償。
黃底紅字？紅底黃字？牡丹樓乜鬼花雕答幾兩？細細塊龜扒都要用刀一開二既板燒龜腿包？No no no… 買了大阪王將呢！
此乃小弟其中一家喜歡的食肆，之前都有o係第d食經系列寫過介紹過。
之前一直想試下天津飯，見午餐套餐有，45元，即管「豪」一野！
(神秘聲音：銅記四十五蚊食個晏叫「豪」？筆者，你無野丫嘛？七八十閒閒地啦人地~~)
(回應神秘聲音：好啦好啦，我用對引號括住個「豪」字，得未？)
(神秘聲音：呢個世界上，有好多人食米唔知米貴，例如有平車唔搭搭貴車等等；不過都係果句：應駛則駛，應省則省~)
(回應神秘聲音：果d人？就好似同佢地捉棋咁，成日都話乜野將軍抽車，抽到人公頭至得家嘛~)
去相啦去相啦~~ ^^
【大阪王將 午市套餐 天津飯(小) + 餃子6隻 + 麵豉湯 $45】
外賣拿走，急急吃完，又要披挂上陣啦！
天津飯… 好似係唔知邊套卡通裡面的角色來，知道既希望可以答覆一下，謝謝。
http://img.photobucket.com/albums/v414/2ac/osset1.jpg
餃子保持一貫水準，現場不妨睇下職員係點整餃子既~~
http://img.photobucket.com/albums/v414/2ac/osset3.jpg
呢個就係天津飯啦~ 其實係滑蛋蟹肉飯。某程度上都算係日本既芙蓉蛋飯，不過叉燒換左係蟹肉。個啡色醬汁係蠔油^_^ 李x記？
http://img.photobucket.com/albums/v414/2ac/osset4.jpg
特寫^_^#餃子最好味就係脆底薄面，既然用得餃子做生招牌，呢點自然一絲不苟。
http://img.photobucket.com/albums/v414/2ac/osset6.jpg
天津飯味道相當好^^ 天津飯個底係白飯黎，之前食過配炒飯既總係覺得死死實實。講真丫，滑蛋xx飯其實都已經好好食，筆者讀書時期認為一位好朋友，他對滑蛋粟米肉粒飯情有獨鍾的！某次食堂午膳本人排在他的前面，本人點了滑蛋粟米肉粒飯，怎料本人手上的乃最後一碟，好朋友排到之時，該飯款已經售罄，弄得一塊兒吃飯的時候尷尬不已。
蟹肉、蠔油配滑蛋撈飯，口感相當良好，午市套餐裡面的炒飯set售40元，比天津飯平5元，但這5元的確係有價值的。
餃子其實要討論的東西不太多，但記住記住記住，唔咪叫人洗手，係記住要用佢果d餃子汁~~ 頓時令香口餃子生輝的^^
不過，平心而論，45元換來舌頭上的滿足，咁個肚呢？筆者希望如果可以份量再多dd就更加好了。當日下午不得已也要沖點麥片喝喝呢@@
天津飯真係幾好味，如果淨係想試下天津飯，其實都唔咪貴，而且係大碗的！
至於麵豉湯可以轉做其他飲品，不過罐裝飲品就可以要加$
今期的女朋友食經Great Food~ vol.2 告一段落
謝謝觀看啊！
2010年即將到來，預祝大家新一年日日都有食神，經常都有口福^^
(神秘聲音再度出現：後補一句：有食神有口福的同時，唔該有埋一個食極個唔肥既身軀!^_^)
http://img.photobucket.com/albums/v414/2ac/osset5.jpg
創業昭和四十四年... 姐係幾多年? @@ 原帖由 2ac 於 2009-12-29 20:41 發表 http://hkitalk.net/HKiTalk2/images/common/back.gif
創業昭和四十四年... 姐係幾多年? @@
應該係1969年... 原帖由 2ac 於 2009-12-29 08:41 PM 發表 http://www.hkitalk.net/HKiTalk2/images/common/back.gif
天津飯… 好似係唔知邊套卡通裡面的角色來，知道既希望可以答覆一下，謝謝。
天津飯係動／漫畫龍珠內其中一名角色的名字。
頁:
[1]