紅磡→上水緊急接駁巴士
(本文主要並非分享圖片 - 圖片只作輔助解說，所以貼在 B2)上星期日大集會入面，其中一架參展的港鐵 E500，曾經出過一個 K99 電牌，
俾西鐵線全線癱瘓時用，我心諗：成條線癱瘓？無乜可能掛....
不過意外呢家野真係講唔埋..... 小弟放工時聽見地鐵站內有廣播話東鐵線暫停，
但無講邊個站停，初頭以毀因為小事所以廣播無講，於是繼續出閘~ 點知見到職員
岩岩係大堂貼緊通告.....
第一眼望見真係嚇一嚇！小弟於是決定馬上去紅磡站望一望....
去到紅磡站，成個車站平台一片混亂，車輛大擠塞，緊急巴士同
的士站齊排長龍，大量乘客不斷問職員呢樣果樣....
小弟影完幾張相後，見到有架 MTR E500 車頭仲有好多空位但無人肯上，
於是係問過在場警察後馬上上車。警察叫多幾次都無人上，於是
職員就放車走。(雖然仍然塞車)
小弟係暢運道所見，大量乘客係海隧巴士站等車，應該係等 170/182，
同時亦令到巴士大排長龍，塞返入去隧道口。
之後去旺角東塞車途中，東鐵線通返... 去到旺角東，以為會清客啦，
點知司機話會照去上水！咁於是我就坐埋落去.... 旺角東同九龍塘都有
好多人落車，不過繼續留係巴士上亦唔少...
沿途路線同時間如下：
紅磡→旺角東 (~25min)
暢運道、漆咸道南、公主道、衛理道、染布房街、聯運街 (停前 701 站)
旺角東→九龍塘 (~15min, 累計 ~40min)
聯運街、洗衣街南行、亞皆老街、窩打老道、歌和老街、達之路、又一城總站 (停 203 坑)
九龍塘→大圍 (~20min, 累計 ~60min)
達之路、歌和老街、窩打老道、獅子山隧道公路 (俾現金！)、紅梅谷路、車公廟路、大圍PTI
大圍→沙田 (13min, 累計 73min)
美田路、車公廟路、大涌橋路、沙田鄉事會路、沙田車站路
沙田→火炭 (6min, 累計 79min)
沙田車站路、沙田鄉事會路、大埔公路、樂景街
火炭→大學 (13min, 累計 92min)
樂景街、駿景園掉頭、樂景街、火炭路、源禾路、沙田路、大埔公路、吐露港公路、澤祥街 (停 87K 總站前)
大學→大埔墟 (~10min, 累計 ~102min)
澤祥街、吐露港公路、大埔公路、南運路、大埔墟鐵路站
大埔墟→太和 (~8min, 累計 110min)
南運路、大埔太和路、汀角路
太和→粉嶺 (13min, 累計 123min)
寶雅路、大埔太和路、吐露港公路、粉嶺公路、馬會道、新運路、粉嶺車站路 (停非專利巴士站)
粉嶺→上水 (5min, 累計 128min)
粉嶺車站路、新運路 (停 NR902 站)
落車時，竟然有另外三位非巴迷乘客同我一齊坐左兩個鐘....！
一次坐晒成條東鐵緊急線！不過我諗只此一次，下次真係咪搞....
(最好就無下次啦...)
另外，我見到一部城巴 1 頭蘭都有行緊急線出紅磡~ 批接駁巴士抽晒去行Railway Replacement,
咁平日行開的K線係咪即時真空冇車行? 要收錢嗎...? 原帖由 cn2661_2d32 於 2010-1-22 02:17 發表 http://hkitalk.net/HKiTalk2/images/common/back.gif
批接駁巴士抽晒去行Railway Replacement,
咁平日行開的K線係咪即時真空冇車行?
45分鐘先出到去, 擺明係當一收到通知既時候, 冇載客個D即出九龍, 仲載緊客個D清完一個單客即刻出九龍或係新界起載出九龍.
至於K線, 冇火車到, 繼續行, 仲有咩意思? 原帖由 da54 於 2010-1-22 01:39 發表 http://www.hkitalk.net/HKiTalk2/images/common/back.gif
(本文主要並非分享圖片 - 圖片只作輔助解說，所以貼在 B2)
旺角東→九龍塘 (~15min, 累計 ~40min)www.hkitalk.net+ U2 k) `9 G) v6 \9 M& X4 U
聯運街、洗衣街南行、亞皆老街、窩打老道、歌和老街、達之路、又一城總站 (停 203 坑)
行窩打老道、添福道、停往沙田M線巴總、出沙福道、窩打老道, 唔係方便啲咩?
再唔係行窩打老道、羅福道、多福道、沙福道、停路邊舊巴總都得...... 有車但冇人肯上, 這些人想等甚麼? 如果要咁多分鐘，而一巴士只能接載一列車之乘客...咁班次咪要好多？？一分鐘都要10班...！！！...
哈哈.....最慘又繁忙時間。
每個站用巴士真係慢好多.... 原帖由 lsc04d11 於 2010-1-22 10:36 發表 http://www.hkitalk.net/HKiTalk2/images/common/back.gif
如果要咁多分鐘，而一巴士只能接載一列車之乘客...咁班次咪要好多？？一分鐘都要10班...！！！...
哈哈.....最慘又繁忙時間。
每個站用巴士真係慢好多.... ...
其實唔應該逐個站兜
一部行市區, (紅磡, 旺角東, 九龍塘)
一部直入大圍...再兜沙田, 火炭等等
不過d 乘客見到自己條線爆左又會嘈...
點解唔俾架車我地條線 :Q 原帖由 alex93 於 2010-1-22 10:58 發表 http://www.hkitalk.net/HKiTalk2/images/common/back.gif
其實唔應該逐個站兜
一部行市區, (紅磡, 旺角東, 九龍塘)
一部直入大圍...再兜沙田, 火炭等等
不過d 乘客見到自己條線爆左又會嘈...
點解唔俾架車我地條線 :Q ...
我都同意應該分開
尤其是兩鐵合併後，由紅磡 <=> 九龍塘可以搭返港鐵
(雖然係好轉折，但接駁巴士咁慢的話都唔見得差好遠)
咁就只需要集中做九龍塘以北的路段，再加少量班次服務埋旺角東班客 原帖由 Quanta 於 2010-1-22 11:41 發表 http://www.hkitalk.net/HKiTalk2/images/common/back.gif
我都同意應該分開
尤其是兩鐵合併後，由紅磡九龍塘可以搭返港鐵
(雖然係好轉折，但接駁巴士咁慢的話都唔見得差好遠)
咁就只需要集中做九龍塘以北的路段，再加少量班次服務埋旺角東班客 ...
我其實覺得根本只係要派車去做一些
「無巴士直達」的地方就得。
例如紅磡往九龍塘 / 大圍 / 沙田已有 170 / 182，
可以唔駛開接駁車。九龍塘去大圍 / 沙田 / 火炭
又有四條 M 線，大圍去沙田 / 火炭有 88K 等等，
可以唔駛用接駁車，只需要通知三間巴士公司
加班就得。
反而有Ｄ盲點位，例如紅磡去上水冇直接車，
就好應該派架車由紅磡直達粉嶺上水。