電車公司的刊物? 唔錯喎, 幾有見地~
難得係"官方"都會講呢d"人話":loveliness:
原帖由 superay 於 2010-3-8 22:44 發表 http://www.hkitalk.net/HKiTalk2/images/common/back.gif
例如碌車唔好風琴腳，軑盤唔好晃來晃去，起步/剎車唔好咁急(既然要拖時間 ...
講少左一個動作..
就係臨拉手制前都要鬆一下腳制, 令到架車Chok 前一下...
根本呢o的動作無助車速, 係車長的快感自私行為...
睇泥電車公司D管理層幾生性，幾識做生意bo
唔怪得之電車公司有盈利啦:victory:
九巴真係要向電車公司學野啦
人地電車公司高層似乎比九巴高層更為了解一般車長日常既行車情況?
講得幾好
碌得滯唔得
快得滯都唔得
碌既話就會過鐘
而且浪費乘客時間
不過太快的話一來香港人會話唔安全
二來太快又可能影響車務
最好就係按實際情況
自行按經驗調整一下
原帖由 superay 於 2010-3-8 22:44 發表 http://www.hkitalk.net/HKiTalk2/images/common/back.gif
例如碌車唔好風琴腳，軑盤唔好晃來晃去，起步/剎車唔好咁急(既然要拖時間就預多點時間開停啦)
以前日日坐城巴就唔覺, 自從日日坐九巴之後耐唔耐坐返一次城巴覺得呢三句說話似講緊城巴車長既表現多囉
剎車同踩油都係一下下咁黎, 行直路又唔定
原帖由 kd7941 於 2010-3-9 18:01 發表 http://www.hkitalk.net/HKiTalk2/images/common/back.gif
以前日日坐城巴就唔覺, 自從日日坐九巴之後耐唔耐坐返一次城巴覺得呢三句說話似講緊城巴車長既表現多囉
剎車同踩油都係一下下咁黎, 行直路又唔定 ...
老九班人..踩迫力果下先欏命...
一轉黃燈...真係要捉住...
我相信好多司機都唔想碌車
但又驚被公司罰或者監視
所以先咁做姐...
要記得,大企業班管理層大多都唔係紅褲子出身,
佢地永遠唔知前線的苦況,甚至乎有無車牌都成問題.
睇見佢的接受投訴的方法,瞌埋眼都接受,入哂車長數,
叫個車長心口掛個襟章就會服務好.
但永遠唔見車長困難的一面,以致車長唔會同公司搏,
所以睇見佢每次俾VAN仔搶客,真係心都涼埋
渣車慢唔係安全,快唔係危險,在條街死碌爛碌係無用的.
唔該,車就越行越慢,行車時間又唔加,死的係車長,因為休息的係車長,惡性循環,不過九記係唔識lu...
[ 本帖最後由 cmkmichael 於 2010-3-9 22:18 編輯 ]
怕被上層召見，同埋怕安全獎不保，根本唔係碌車既藉口。行一條路，如果路面暢通無阻，盡量行到限速但又唔超速，根本冇咩難度，學神都可以做倒。前面有車，捆慢至到安全距離，跟住同前車保持合理距離同合理速度，亦冇乜難度。好可惜，經常見倒老九車行駛時同前車距離有如旺角去到尖沙咀咁遠(誇張手法)，去到燈位綠燈當紅燈，後面成串車一係響horn一係以為佢壞車係咁cut線搞到危險，就算一條大直路前面無車都可以用單車速度遊車河，我對老九已經冇晒期望，根本出街搭老九就算唔塞車都難預時間，飛又係佢碌又係佢，我搭鐵或者搭小巴起碼車程有得預計，假如唔塞車。
今晚我駕車回家，寶林路遇著MP651，行98C。我一向都好禮讓巴士，但經過今次之後真係唔想再讓老九。我行到馬游塘時，同前車距離較遠，而後面冇車，於是收慢小小示意佢出。佢一腳重油出完之後全程碌25km/h(我睇錶版睇倒)，佢盞brake燈好有節奏咁著下熜下，佢前面係完全冇車，無論平路斜路直路彎路都係咁，好傾向拖住brake來行，都唔知佢brake乜。去到開兩線果段仔，我後面有成串車爬佢頭，我就冇爬，於是佢繼續keep住25km/h左右既速度碌到落康盛，去到燈位剛轉黃燈就一腳重brake剎停。我轉入康盛，我等燈時望下架巴士，載客量10%左右，個司機，見佢個坐姿都唔知點形容，坐到sir左落地下咁，一副不在乎既姿態。如果佢唔係碌車，一早已經過左燈位，駛乜搞到要重brake再加埋後面成串車跟佢重brake，再者，以佢去到燈位既距離夠過有餘，停車後過晒白線，佢特登玩慢車唔知有乜用意，可能佢有心玩乘客同後面d車。一向禮讓巴士既我，可能日後只會禮讓城新鐵巴，九巴唔想讓了，廢事讓完畀佢頂住陪佢遊車河成肚氣。「不樂意」搭佢可以搭其他車，但而家連駕車人士都「不願意」同佢共存，又有乜解救方法，忽然覺得老九真係阻住交通流既其中一個原因。
[ 本帖最後由 4056 於 2010-3-9 23:11 編輯 ]
原帖由 4056 於 2010-3-9 23:07 發表 http://hkitalk.net/HKiTalk2/images/common/back.gif
怕被上層召見，同埋怕安全獎不保，根本唔係碌車既藉口。行一條路，如果路面暢通無阻，盡量行到限速但又唔超速，根本冇咩難度，學神都可以做倒。前面有車，捆慢至到安全距離，跟住同前車保持合理距離同合理速度，亦冇乜難度。好可惜，經常 ...
碌車博攪牌做少d囉 :lol