【分享】我係咪好衰？
話說禮拜六下晝同亞爸亞媽細佬渣部車落紅磡食晏，由我渣車，去到民泰街等咪錶位，例牌成條街泊滿晒+double park，咁我地
靠左排o係double park既龍尾度等位，等左成兩個字開始唔耐煩
時候我忽然見到街中近扒皇對出右邊有部貨van抽左出黎準備
走，我前既既車又冇郁，咁我就迅雷不及掩耳入波駛前埋去個
位度。埋到去既時候個位對面有部又係double park緊既jeep打斜
抽左出黎，睇佢個款係準備駛前然後倒後入呢個位，咁我就乜
都唔理扮睇唔到佢，駛部車頭入個位，剷埋上路邊石壆再抽番
出黎(因為據我經驗泊路邊位用車頭入一定要頭輪上壆先泊得入)
當我已經泊到八成，準備tun後tun番正時，jeep仔個司機已經落
左車拍我玻璃，我搞低玻璃，佢就破口大罵話我死肥仔冇野嘛，
佢o係前面準備tun入黎，我就一野插埋黎搶左佢個位，我細佬
o係隔籬就話唔駛理佢，邊個泊到就係邊個既，我就繼續tun好，
落車入八達通咪，佢就一路係側邊鬧我，我就應左句你等位我
又係等位即，大家都泊得。之後我地冇再理個個人，走左去椰
林閣。
各位有冇試過同人搶泊位既經驗？ fai在 2005-12-5 17:25 發表:
話說禮拜六下晝同亞爸亞媽細佬渣部車落紅磡食晏，由我渣車，
去到民泰街等咪錶位，例牌成條街泊滿晒+double park，咁我地
靠左排o係double park既龍尾度等位，等左成兩個字開始唔耐煩
時候我忽然見到街中近扒皇 ...
咁你就衰d既....:P
呢d事響香港好難避免既... 都係果句, 讓到人就讓吧, 少 D 戾氣, 多 D 和平.
泊完提心吊膽, 驚部車比人尋仇就唔好啦. 講真...我覺得你有少少唔岩。
泊街位用尾入就基本上係一定架啦，
上壆上得多，咪都係要早d去度呔尺。 arhang2001在 2005-12-5 22:56 發表:
講真...我覺得你有少少唔岩。
泊街位用尾入就基本上係一定架啦，
上壆上得多，咪都係要早d去度呔尺。
車尾入..
如果埋得濟可能會刮花條鈴#:P 6008-JU1220在 2005-12-5 23:56 發表:
車尾入..
如果埋得濟可能會刮花條鈴#:P
呢d就要自己小心啦...小弟都試過.....有次係西貢為左避部大車又係咁整花條軨.
不過S位我就視乎情況用尾用還是用頭入的....一時時啦..夠位就用頭,
唔夠就用尾...但就盡可能都唔會上行人路....
上年小弟第一次有牌後返香港, 泊部車入城安個露天場....
泊好左, 人地D車泊得衰, 攪到我部車旁的一個位好窄..
返完教會拎部車, 隔離有部VAN迫左入來, 我部車車頭有被人用鎖匙劃過的
花痕...真係...
:mad:幾想即時上演"王子復仇記"...不過最後都冇...
而家我地就仲記得個部VAN的車牌, 仲成日見到佢係那個停車場出現.... hkbw在 2005-12-6 12:29 AM 發表:
呢d就要自己小心啦...小弟都試過.....有次係西貢為左避部大車又係咁整花條軨.
不過S位我就視乎情況用尾用還是用頭入的....一時時啦..夠位就用頭,
唔夠就用尾...但就盡可能都唔會上行人路....
上年小弟 ...
劃花算你好彩...
入到圍村就唔只劃花咁簡單
我屋企人以前有部121因為錯人地個位
比人用冰插插穿四條胎 fai在 2005-12-5 05:25 PM 發表:
話說禮拜六下晝同亞爸亞媽細佬渣部車落紅磡食晏，由我渣車，
去到民泰街等咪錶位，例牌成條街泊滿晒+double park，咁我地
靠左排o係double park既龍尾度等位，等左成兩個字開始唔耐煩
時候我忽然見到街中近扒皇 ...
嘩...唔怕比人同你架車"拉花"咩?? CZ_6686在 2005-12-6 03:43 PM 發表:
劃花算你好彩...
入到圍村就唔只劃花咁簡單
我屋企人以前有部121因為錯人地個位
比人用冰插插穿四條胎
我有個住圍村既朋友都講過同樣既情況..... lee329在 2005-12-6 04:01 PM 發表:
我有個住圍村既朋友都講過同樣既情況.....
最有趣係...原居民都照插