小弟因為長牛及雞而鍾意巴士
CX5062曾掛36,可能掛蛇車,間中會坐CX5062,後來甩36
原帖由 cktse 於 2010-4-1 00:09 發表 http://hkitalk.net/HKiTalk2/images/common/back.gif
細個行出街總會見到雞車
某段時間仲成日見到同一部車
雖然我而家記唔起佢掛咩線
但佢車尾果個高度岩岩響我視線水平既車牌就到而家都記得-CT144
71k掛牌車, 由丹拿E轉雞車行到退役
我都很有印象呢部車
由一位譚姓車長渣既
請問有無人知 九巴雞車退役前行邊條線.
Any brother has 雞車 (CB2605 and CB2606) pics? I always take those 60 掛牌車 at Tuen Mun. Thanks!!
聽到雞車把聲,突然真係有種好感動的感覺.合上眼真係好有回到小時候的感覺.
以前住大埔,10幾20年前的大埔,70 70x同火車係我出九龍唯一會用的途徑
以前,好記得上左車,司機位側邊大舊黑色軟氈,我以為係司機夜晚係車訓覺的床
果陣雞車內裝係好厚的油,把聲,轉波的頻率,吹疏,手制聲真係記得好熟.
我仲記得佢上大埔公路果陣係拋到飛起.坐佢後軸之後的位好似搖搖板.係大埔以前冇咁繁忙.
吹入來的涼風同清脆而大聲高音的引擎聲,果種風味唔係文字可形容.
同埋,停車打冷震係雞車特點.打冷震每架雞的頻率大約都係達達達...達達達...達達...轟.....
小弟喜歡巴士,曾經迷上巴士.就係因雞車起.亦好記得佢車尾兩隻田字窗
燒腳毛雖同雞好似,但坐感係好有分別,聲亦有微妙分別,就係冇左雞車的吸引力同磁性.
之後我就留意到,火車穿梭巴士(大埔堆K線),用的冷氣車,個logo同雞車係一樣的.
從此迷上利蘭.好細個已識扮晒成套鐵蘭/雞車同鐵都城的車聲.年代久遠,開始有少少淡忘了.
仲好記得果個年代 不准企立 標貼個不字寫法同先生教的有出入,一度以為佢寫錯字:lol
同時,亦覺得佢落車門用4頁門好得意.但開門好冇效率,成日kick住,亦關得好慢.
都係往事喇.雞車就係有好微妙的化學反應.唔可以話佢係最特別的巴士.但佢係最有自己性格的巴士.
廿幾年喇...咁就廿幾年喇.
*睇片佢係市內街度行得咁慢都好似扯盡左同高轉.原來雞車極速真係低成咁.:D
我住紅磡,, 以前2E, 12A, 41, 45, 85, 85C......全部雞車
由細坐到大, 睇住佢地比三軸巴士取代, 不知幾心痛.....
for me, it ws the 'Tiger S3BL' in 81 that put me into interest to buses
呢款車唔係巴迷都知個型號名真係唔係個個車型都會係
0甘，前幾排聽網上電台鬼故節目又聽到勝利二型呢個
名．．．:lol