點樣可以打破與上司M既隔閡?
趁自己放成三個禮拜長假, 又有點東西想請教, 希望自己可以有點改善.1. 自己有時可能唔為意衝口而出, 講野詞不達意, 令到上司M對我已有
戒心. 好似有次夜晚係client 度做野, 好累臨走打比上司M時口快快講左
句"我同XXX(client 果邊負責人, 都OK熟既)agree左下星期一會再來",
上司即時變晒聲,我重未知道, 到收線後才知自己說錯說話, 搞到唔開
心左成晚.
2. 有次在同一client 度做 support, 有次唔小心在電話答上司M問題時輕佻
了小小, 即時比上司M責備, 我亦即場道歉, 但之後佢再問我野時佢既態
度已經好似同生保人一樣咁客氣, 比我感覺係佢好記住同好在意果次
不快既經歷.
上司M重有時當眾說一些聽來有骨(好明顯係有意羞辱我而說)的說話, 好
像他有日同他最信任既下屬J說"我並不介意你做埋我果份, 但我好介意
你要我揹鑊". 好明顯係因為之前我lead 個 project 因為經驗問題做得唔好,
又成日同上司M嘈交, 搞到有好多黑鑊要佢揹. 令到佢完全不信任我, 好多
時開會都只會叫佢兩位"親信"J 及 C,不再叫我. 搞到我亦好大壓力, 成日黑
口黑面.
近年尾, 有同事放假, 上司M就借意 claim 唔夠人手, 我又無野做,
不如叫我去第二team 幫手做些好濕碎既野, 直至有新同事接手為止, 我
一聽到唔係好願意(因為將我由AP降格為P), 但無奈接受. 直到同事放完
假, 到我放假既時候, 上司M竟然同佢兩位"親信"J 及 C說, "因為Peter放
成個月假,我會同上司Pa傾可唔可以調個人回來跟Peter做既野, 唔洗你
地做, 等你地可以做得好好地, 之後有更大project 等住你". 我聽到都好
唔開心.
我真係同上司M溝通得好辛苦, 反而同老闆娘(HR)同上司Pa關係 OK, 不
太差. 但可惜既係上司Pa同我之間就是上司M.
真係唔知點樣做好? 一個字：笑。最緊要放要假返去，無論見到咩人，响咩情況都好，一定要微笑。到時你同你同事的關係會更好，同你上司Pa 同老闆娘的關係有可能會好d tim，不過最緊要就係你個上司M，佢有可能會因為怕左你而賣你賬。你同佢的關係已成定局，好難有彎轉，聽你所講佢唔似係一個有氣量的人，如果佢要煮死你的話佢一定會講得出做得到；所似你且家可以做的就係找後台，只要全公司的人認為你有能力的話，就算係佢一個人話要叮你，佢老細都會say no。如果佢留意到你經常地笑，無時無刻都面帶笑容，佢會以為你有什麼秘密武器對付佢，佢就會暫時停止一切對你不利的行動。 看來你的問題係做野唔太小心喎...
試下學點樣易地而處啦...
即係，可能有一d野你覺得無問題，
但係你係佢的話，
都會唔鐘意自己的做法的話，
咁就真係唔好做喇。
至於點樣修補，
我就覺得有一點難度...
因為你之前真係俾佢一個信唔過的印象..
又或者好似樓上DE8779兄咁講啦...
同老闆娘關係好一點，
咁睇下可唔可以幫你transfer去第二度啦...
同埋你去做第二team做野的時候，
真係要俾返多少少信心之餘，
亦都要知道應該做乜同埋點樣做呀，
唔係的話，你想留返響呢間公司都好難呢.. DE8779在 2005-12-13 04:36 AM 發表:
一個字：笑。最緊要放要假返去，無論見到咩人，响咩情況都好，一定要微笑。到時你同你同事的關係會更好，同你上司Pa 同老闆娘的關係有可能會好d tim，不過最緊要就係你個上司M，佢有可能會因為怕左你而賣你 ...
其他人都可以間中微笑下(因為我笑起上來個樣自覺都有點傻氣), 但對著
上司M, 簡直不可能, 一來無理由無里頭對著人微笑吧, 二來除公事上有必
要的溝通外我和他已經互當透明, 不瞅不睬, 連招呼也不想打.
有時我提出問題(BRD define 唔清楚, 要business clarification既), 他好像
不想聽, 有時更出動J 及C去求證及問他們意見, 但由下屬J把口出既
同一樣問題, 他就很願意跟進. 令到我已經無晒心機再比意見.
我想我事業再進一步, 唔想比人看低, 我已盡力去改我很多缺點(除內
向外), 但上司M這樣真的很令我很灰. 307在 2005-12-13 11:21 PM 發表:
看來你的問題係做野唔太小心喎...
試下學點樣易地而處啦...
即係，可能有一d野你覺得無問題，
但係你係佢的話，
都會唔鐘意自己的做法的話，
咁就真係唔好做喇。
至於點樣修補，
我就覺得 ...
係, 係我做野成日粗心大意左. 但有時可能
係佢同我職位上既分別, 我既 focus同佢既
focus 唔同, 而我又無能力用佢既point of view
同方式去諗野. 我咁講唔係逃避, 而係唔識
點學你話齋"易地而處".
我知我俾佢一個信唔過的印象. 亦都曾經
o係年中既 annual appraisal meeting 度, 老
闆娘都有問過我second 去跟上司D既意見,
我當時答她OK既, 但只限 project based, 不
想長註(因為交通費同食野太貴 -- 雖然o係
全公司我係比最少交通費果個, 唔計東涌
果o的). 上司D同我都OK既, 可以談上一兩
句.
係第二 team 做既真係好 tedious, 好悶, 一
次生兩次熟果隻. 不過我都有比心機去做,
到現時為止都無出錯 (根本出錯機會係 0). peterkwan在 2005-12-13 11:57 PM 發表:
其他人都可以間中微笑下(因為我笑起上來個樣自覺都有點傻氣), 但對著
上司M, 簡直不可能, 一來無理由無里頭對著人微笑吧, 二來除公事上有必
要的溝通外我和他已經互當透明, 不瞅不睬, 連招呼也不想打.
有時我提出問題(BRD define 唔清楚, 要business clarification既), 他好像
不想聽, 有時更出動J 及C去求證及問他們意見, 但由下屬J把口出既
同一樣問題, 他就很願意跟進. 令到我已經無晒心機再比意見.
我想我事業再進一步, 唔想比人看低, 我已盡力去改我很多缺點(除內
向外), 但上司M這樣真的很令我很灰
咁你一定要笑，傻笑geh人係令人最冇戒心，見人微笑可以話係一種禮貌，又
或者係一種社交手法，e樣野你可以參考谷德昭先生，佢就可以做到e樣野，所
以佢geh社交圈子甚廣。當你對住你個上司M 微笑而佢又黑口黑面geh話，俾第
個見到你估你地會點諗？如果俾我見到geh 話我會覺得黑面果個道行未夠高，
唔識大體，唔識處世做人，返而微笑果個有大將之風，容人之量(如果你笑得
唔係奸的話，笑得奸的就係黃蜂尾後針)，這人無論在哪個位置都必定係可造
之才，相反黑面果個俾佢今日上到e個位都算係人地同佢積下來的福了。
我知要面帶笑容的確係好難，我到且家都重練習更，因為我一返到屋企或者一
個人出街就唔識笑，我要練到任何時候無時無刻都要微笑(好似唐財爺咁)。你
會發覺所有成功的CEO好少會話唔笑，因為笑係肯定左佢geh自信心，肯定左佢r
geh人緣，肯定左佢geh 權力。當然，你且家係冇乜權力，但係你要話人知，
尤其是你個上司M，你係有自信，好人緣，可以化危為機geh人，做事能處變
不驚，常常保持樂觀心情。你要用你geh笑容話俾人地同你自己知你係可以叻
過你個上司M，你遲早可以坐到佢個位或者在佢之上。
佢俾面色你睇只係想打沉你，要你出錯，然後再踢走你。如果你真係灰心geh
話，你就中晒佢計啦。你老闆都會覺得你geh AQ 低，唔炒你都唔會升你。只
要你唔放棄，繼續努力改好你geh缺點，我就唔信冇人會見到你geh進步。
[ Last edited by DE8779 on 2005-12-14 at 05:28 ] peterkwan在 14.12.2005 00:24 發表:
係, 係我做野成日粗心大意左. 但有時可能
係佢同我職位上既分別, 我既 focus同佢既
focus 唔同, 而我又無能力用佢既point of view
同方式去諗野. 我咁講唔係逃避, 而係唔識
點學你話齋"易地而處".
我知我俾佢一個信唔過的印象. 亦都曾經
o係年中既 annual appraisal meeting 度, 老
闆娘都有問過我second 去跟上司D既意見,
我當時答她OK既, 但只限 project based, 不
想長註(因為交通費同食野太貴 -- 雖然o係
全公司我係比最少交通費果個, 唔計東涌
果o的). 上司D同我都OK既, 可以談上一兩
句.
係第二 team 做既真係好 tedious, 好悶, 一
次生兩次熟果隻. 不過我都有比心機去做,
到現時為止都無出錯 (根本出錯機會係 0).
我明白你有你的苦處，
但係如果用交通費俾一個原因自己，
個人又覺得，
其實係唔係咁無出路呢?
講真，如果佢已經offer過你呢個option的話，
咁就真係有少少只怪你無珍惜到呢個走到的機會喇...
依家，我唔敢講有無呢個機會，
但係如果有的話，
希望你放低交通費呢個問題，
最少你自己會做得開心一點之餘，
亦都有機會俾你重建信任及自信呀... 呢個世界其實好公平o既，你有能力其他人一定知
如果你頂唔順你上司其實你不如搵個份新工。
人地出offer之後你將封offer letter放o係佢檯面。如果佢知你對佢最要o既話佢一
定會留你或者對你好o的。唔留大了咪走.... hr8473在 14.12.2005 12:42 發表:
呢個世界其實好公平o既，你有能力其他人一定知
如果你頂唔順你上司其實你不如搵個份新工。
人地出offer之後你將封offer letter放o係佢檯面。如果佢知你對佢最要o既話佢一
定會留你或者對你好o的。唔留大了咪走 ...
唔太建議呢個做法...
如果樓主個款係一時三刻先係咁樣的，
或許都唔係太大問題，
又或者佢做事係無問題，
只係個老闆有問題的話，
咁呢個方法都得...
但現時樓主自己亦都知道自己有咩不足之處，
再咁樣做，
只係驚做reference的時候，
佢一個唔該整鑊你，
到時真係整死自己。
最緊要都仲係，山水有相逢嘛... hr8473在 2005-12-14 12:42 PM 發表:
呢個世界其實好公平o既，你有能力其他人一定知
如果你頂唔順你上司其實你不如搵個份新工。
人地出offer之後你將封offer letter放o係佢檯面。如果佢知你對佢最要o既話佢一
定會留你或者對你好o的。唔留大了咪走 ...
開頭都有想過一走了之, 但係諗深一層,
自己都有不足之處, 亦唔甘心, 而且
正如上司Pa話齋, 唔係好多公司可以
留一個好多缺失既人.
況且上司M係無生殺大權既(雖然可以
比意見), 所有都要經上司Pa同埋老闆/
老闆娘決定.
頁:
[1]