求助-二人相處問題..
小弟今年15 有一個12歲GE女朋友 關係一直好好..我同佢係由網戀到真人拍拖 見面時都好正當 最多係錫同攬 冇做任何非法行為 我一直都好愛佢一直當佢係一生一世GE對象 而我都覺得 佢都係咁諗 關係一直都好好 直到今日......今日我ON左 msn 佢話佢好煩..家人有問題 跟住話我成日上堂掛住佢係唔好事 話我用粗言罵佢 話我成日怪佢.話我唔夠體貼...話我煩...
而家..佢話佢好耐好耐都唔會見我.. 我好唔開心.. 我自問自己唔係一個差ge男朋友...
佢第2次同我傾電話時..佢月事剛到..痛到傾唔到.我因為佢ge痛而喊左半個鐘.. 佢唔舒服..我仲緊張過佢..日日吹佢睇醫生(但係佢又唔鐘意睇)佢屋企人有d事..佢解決唔到..我主動諗計同佢一齊解決
以前ge我 只係識諗自己 成日要佢就我 搞到佢成日唔開心 仲成日同佢罵交之後我知道錯..我改左.. 依家佢想睇pps同打機我都比..(太耐就會同佢講) 同fd出街都比(唔好出咁夜) 以前同佢日日傾電話ge..佢話煩..變兩日傾一次..依家一星期冇一次... 到底..我同佢感情係咪變淡左...?
我好想改..但係我又唔識點落手去改..我真係好想重新"汁"自己 令自己成為一個識得體晾別人ge男友...
我可以點做呢....?而我有咩方法可以令一個唔多懂事ge女仔識主動少少 關心人呢..?(因為佢先12歲..可能唔多懂事)
如果冇方法我等到佢懂事又得唔得呢..?
如果各版友有意見/方法/感受請回文指導小弟 因為我覺得..我再唔挽救段情ge話...距離分手ge日子將唔會遠..... 師兄都好過小弟呀 小弟就連女朋友都無
(不過其實小弟唔係太支持中學時期拍拖:P因為中學既愛情通常都唔長久)
個人認為 如果個女仔係咁 就惟有盡量遷就
始終人地有心分手的話係阻唔到的
每段情都會有結束既時候
如果真係咁不幸地分左手
就只能祝願師兄早日忘記&搵到新女友
(小弟無經驗 睇完之後可以無視:P)
回復 2# 的帖子
有用 果句''如果個女仔係咁 就惟有盡量遷就''e句好中point..佢話過我.唔識就佢....
我都同意 每一段情都有結束ge時候
但要睇下係幾時.. 可以幾年 可以數年 更加可以一生一世(雖然極小數)
而當中一生一世ge情 結束=其中一方離開人世ge時候..
而閣下ge回文內容 唔覺得你無經驗
比起一d論壇 回文只係=CM 十卜 果d
你ge水準已經好高
隨口問:閣下係咪90後?? "而我有咩方法可以令一個唔多懂事ge女仔識主動少少 關心人呢..?"
若果你真係想體諒到佢既
就唔應該咁諗
一個人有佢本身既個性
你可必要令佢變做主動又要關心人?
若果你認為因為佢唔夠主動而令你覺得唔開心既
一係你就自己調整一下
一係就佢根本唔係你最適合既果杯tea
而你地兩個既關係挽救呢...
小弟就覺得機會就較微
應該女方想fade out走人
亦都力勸樓主
你都仲係細(雖然我唔係大你好多)
世界咁大
冇咩必要為左一個女孩子而令到自己好唔開心
*一個都係冇拍過拖既人上 姐係..?
要希望別人為自己改變前 必須先為對方而改變自己? 樓主要明白
"愛一個人唔等於要改變一個人!"
你可以嘗試遷就佢, 實際係互相遷就, 忍讓
樓主未必要改變自己, 你都要將你既想法同個女仔講
呢個係需要時間 ga!
但兩人相處, 最緊要係互相溝通, 從而互相了解 :)
如果個女仔覺得樓主用粗言罵佢, 成日怪佢
好明顯大家溝通唔夠
其實女仔希望男友體貼 D, 了解佢多 D
(樓主可從生活碎事入手, 如:佢鍾意 D 乜, 唔鍾意 D 乜!, 觀察+溝通)
"體貼唔等於成日都搵佢"
一定要俾D 空間佢, 唔係佢就會覺得你煩 ga la!
你可嘗試問下佢, 佢想几耐同你傾一次電話/msn...
雖然我並唔係愛情專家, 但希望幫到樓主:loveliness:
[ 本帖最後由 LC901 於 2010-4-11 20:16 編輯 ] 原帖由 回憶的呼喚 於 2010-4-11 19:39 發表 http://hkitalk.net/HKiTalk2/images/common/back.gif
姐係..?
要希望別人為自己改變前 必須先為對方而改變自己?
若果兩邊都係真心鐘意對方既
就算幾難都會一定會變到
而當你發現到佢唔肯為你變又或者你唔肯為佢變既時候
咁倒不如放開手好過...
回復 6# 的帖子
佢下唔到主意架問佢想幾耐傾一次 佢答我:唔知.
而且試過好多次 明明佢答應我做ge野 但係又冇做到.. 年輕果時我都有呢啲問題，成日覺得自己女友會同自己一生一世
但係人一路一路咁大就會發現咁諗係好幼稚
我同你講一個故事
有一個中學生同佢女朋友拍左三年拖，男既就中五畢業去左外國讀書，分開兩地呢對情侶都維持到關係，女既終於係一年後等到男朋友返黎，有一日好多大家既朋友都出哂黎食飯，玩到好癲，然後男既竟然同自己女友既一個同班同學上左床，原本呢件事唔會有人知，但係女方竟然有左BB，男同呢個女仔都同自己既伴侶分開左，係朋友間更加係比人話得毫無面目。犯錯既呢兩個人最後係兩家人既要求下住左係一齊等BB出世，呢兩個人係同一間屋入面由一句嘢都唔講，因為呢兩個人只係同學關係，讀書時連嘢都無講過，去到會講早晨、再去到係對方有問題時對為對方解決、去到叫對方一句老公老婆、等BB出世，BB有事一齊去著緊，犯錯兩個人既感情先係呢度一點一滴咁濾積返黎，而家我個仔都四歲，雖然以前既女友仲未原諒我，但係我同而家太太都相處得幾好，總算係真正既夫妻(雖然仲未註冊)，由未拍拖就住埋一齊，慢慢有感情，當中經過係唔會有太多人明白，兩個人講過好多好多發皮氣什至係咒罵對方既說話，中間既問題比你既更多更複雜
呢固故事唔係話叫你去搞三搞四，而係對方有事為佢去解決未必係最好既方法，承擔同分擔先係最好既方法。係接受對方，而唔係忍受對方。或者你仲細同埋經歷過既事未夠多，過幾年你就會明得更多事，有時放開係一個更好既選擇，正如當年我既女友放開左我，對大家都係一件好事。真正愛一個人唔雖然去改變自己，而係令自己同對方慢慢培養出同一價值觀。如果過左一段時間大家都係意見不合，離開只係結果只係時間問題，再苦苦堅持係對方眼中都係一件好煩既事再做咩都係錯
[ 本帖最後由 MEMPHIX 於 2010-4-12 09:53 編輯 ]
回復 1# 的帖子
形容下兩個人的性格同埋相處啦...可能有得答你的。
頁:
[1]
2