搭巴士習慣一問
唔知大家有冇發現，一般既乘客搭巴士(特別係上層)都好鍾意先揀車門果邊既位坐?!?除非冇晒窗口位啦...我試過見過明明另一邊一個人都冇，車門果邊就差唔多坐滿d窗口位，但係跟著上黎果個人都要搵車門果邊既位坐?!??
我就係好唔明.....唔通邊另一邊真係好鬼咩:lol ....
希望各位巴迷解答下~~ 1)梯位果邊有透視車身廣告,影響景觀
2)尤其男性係夏天特別鐘意揀門位窗口(最佳位置係上層第二排):$ 原帖由 2500 於 2010-4-20 02:22 PM 發表 http://hkitalk.net/HKiTalk2/images/common/back.gif
1)梯位果邊有透視車身廣告,影響景觀
2)尤其男性係夏天特別鐘意揀門位窗口(最佳位置係上層第二排):$
我身高6尺﹐只會用2個原則去選擇坐位(當然無的選擇的話﹐都會有位照坐啦)
1. 車窗唔好有廣告﹐因為會令到好眼花﹐長途車有時會頭暈。
2. 坐位空間較闊的位。以av /al 為例﹐上層的位是左邊闊過右邊的﹐頭3行係最明顯看到分別的。2+2位ad﹐一定係右邊闊過左邊﹐對比仲要好大。atr 梯位前的2排﹐我真係唔會坐的﹐因為太窄﹐連腳都放唔到入去﹐除非幾分鐘後會下車。 但如果有猛猛的太陽曬..我諗都會揀唔曬O個邊先..(就算司機O個邊有廣告花碌碌) 小弟冇乜特別喜好,但慣性會坐左邊
若果左邊冇連續三行都冇人的話,小弟會坐右邊 上層的話我通常會坐左邊
但大銀幕位同樓梯前果幾排，我會揀右邊 我諗到一個解釋係坐近門位可以睇清楚巴士上落情況
從而估計車程的快慢，以及。。。自己隔離個位有幾大機會有其他人坐:lol 又可能因為有d巴士旁邊有條槽阻住隻腳，所以我最喜歡就係NC豪既設計，兩邊都無槽~ 我個人習慣就會坐右邊，因為可以睇對面線d車:lol
我見開就通常d人2邊都會坐，冇乜見過特別坐邊邊 小弟會坐右邊 , 因為方便睇對面線嘅特見 :lol
頁:
[1]
2