朋友的煩惱
我有個朋友(應該叫知己至啱:))我呢個知己自小人際關係唔理想
有幸兩年前佢識左個較內向既女仔(下稱V小姐)
並一直暗戀V小姐，並經常觀看V小姐的xanga並且留言
之後佢同V小姐表白左，雙方墮入愛河
但好景不常，係表白後三個月（記得好似係舊年十一月下旬）
V小姐突然對佢態度冷漠
與V小姐反覆的傾談後，佢覺得自己已經俾人飛左（事實上V小姐並無明言）
當時佢好唔開心，但經小弟及其他人開解後，總算能站起身面對會考
但其實佢內心仍耿耿於懷，仍對這段情存有希望
據知佢係呢件事之後只係睇V小姐xanga...但無任何留言
會考後，佢身處既環境變左
佢轉左校，有班新同學，但人際關係仍與舊日相同
上星期，我同佢傾談之間得知
(佢覺得)佢同V小姐之間呢段情有曙光（詳細情形不便透露）
佢於是開始再在V小姐xanga留言
但係，V小姐對佢既留言不置理睬
V小姐只係自己既xanga度留左一句
"最重要心記得要開 來競技角力賽 最終不管輸贏都一般可愛"
之後佢既擔憂又再重現
事實上，佢既煩惱不單只在愛情，還有財政上
而據聞V小姐於第二段所述事件後變得較揮霍
更令佢覺得煩上加煩．．．
小弟覺得，我呢個知己係將煩惱攪到撈埋一舊
連佢自己都分唔開
這一年來，我曾以不同方法開解我呢個知己
但似乎無乜效
究竟仲有咩方法可以開解到佢呢？
各位前輩有無高見？
謝謝
（小弟不諳文筆，敬請見諒，如需更多資料小弟會盡量提供）
頁:
[1]