港鐵加強打擊入閘後飲食
http://hk.apple.nextmedia.com//images/apple-photos/apple/20100518/large/18la7p3n.jpg港鐵軟硬兼施，除派出大使提醒不應在港鐵飲食，但也加強巡查打擊。
清潔大使提醒乘客
港鐵車務主管蔡德贊昨稱，港鐵附例禁止乘客入閘後飲食，今年首季加強巡查後，已向大批在付車費區或車廂內飲食的乘客發出警告信，較去年同期的 2,070宗多 15.7%，主要發生在上下班及上下課時間，地點多在學校區車站、轉車站等，違例乘客多進食手提式食品如麪包等：「都未見到有人食麪或者榴槤嘅。」
他說已推出不准飲食宣傳，以哈哈笑卡通為主角，口號為「入閘後忍忍口出閘後慢慢歎」，部份車廂貼有宣傳卡通，未來兩周將有 28名保持港鐵清潔大使，提醒入閘後不准飲食，同時職員會加強巡查打擊。
他補充，大部份個案會被警告並記錄在案，但若不聽勸喻繼續進食，或飲食時弄污車廂甚至其他乘客，都可能被檢控，最高罰款 2,000元，去年約有 10多宗。
西鐵線及東鐵線有車廂閉路電視系統，蔡德贊說，職員發現有乘客飲食會透過廣播提醒，其他路線則依賴穿制服職員巡查及市民舉報：「有啲市民會拍車長門，話有人食嘢。」
蔡德贊承認部份如九龍塘站內的商舖售賣燒賣等即食食品，但他稱這只為方便乘客買離車站進食，並已通知商戶提醒顧客注意。
http://hk.apple.nextmedia.com/images/apple-photos/apple/20100518/large/18la7p4.jpg
港鐵站內不時有人吃東西。
http://hk.apple.nextmedia.com/template/apple/art_main.php?iss_id=20100518&sec_id=4104&subsec_id=11867&art_id=14041622
食果個食少少零食,飲下水、果汁我覺得都可以接受ge
只要佢自律少少唔整污糟都無咩所謂
[ 本帖最後由 AL_71 於 2010-5-18 10:43 編輯 ] 入閘後忍忍口出閘後慢慢歎<<<<我唔係鼓吹d人食野
但係唔趕都唔會搭車食野啦 :( 若果有人解釋到入後吾准飲食的理念就好。我食野弄汚車廂你可以告我。
但全車程咁長、食個早餐真係方便嘛。
況且我畀錢搭車連食個包都吾畀。做客都要受氣.
前幾個月，馬鐵已經多左幾個人
係車上走黎走去，捉一些在車上飲食的人
我覺得實屬正常，因為每逢放學時間
馬鐵上一定有好多學生係度食魚蛋、飲思樂冰.............
不過呢，我就覺得有時做得太激
見過有人係車上飲一口豆漿都照出單...
我自己就覺得，咁都唔得?
不過以部分港人的習慣來說，唔出咁既招又唔得... 石門站學生又食杯面又食雪糕又飲汽水，最好每人罰$2000:@ 我覺得佢真係會捉得咁嚴先好...真係罰錢先好...減低要加價的壓力..分分鐘有得減價添..(對於奉公守法的人)
對於不奉公守法的人就成日唔見幾千......
我唔信佢會捉得嚴囉....
我反而覺得討厭的是剪指甲...好像必需要在公共交通才可以剪似的..不可以安坐家中穩穩定定地剪...？？(始終任何交通工具都有d shaking) d 女士咁貪靚唔驚剪崩既咩？？
剪一塊突左出黎或唔好睇既修補番都算喇..(但其實應該一塊都唔可以剪)，剪勻十隻手指甲o個d就真係離譜..又留低垃圾..又唔衛生...又冇必要(你話要食野真係肚餓死都得..)
差在未拎腳指甲出黎剪..................仲有d剪甲聲...哎..學侵權d野咁..每隻指甲(侵權物品)三萬...
仲有，見過超離譜既，o係輕鐵食花生..食到個位花生海..而落車就真係落車走人唔理..o個個仲要係細細個(十多年前)益力多廣告既男主角(小朋友)同埋佢阿媽... 其實飲水當唔當飲食? 原帖由 AP147 於 2010-5-18 01:07 PM 發表 http://hkitalk.net/HKiTalk2/images/common/back.gif
其實飲水當唔當飲食?
如果飲水都唔得既話
咁我寧願搭返巴士/小巴:@ 原帖由 AP147 於 18/5/2010 01:07 PM 發表 http://hkitalk.net/HKiTalk2/images/common/back.gif
其實飲水當唔當飲食?
港鐵高層講過飲水，食藥係可以的，唯喂BB飲奶是當飲食的:)