[討論]你認為那一個樂壇頒獎典禮是具有公信力的？
臨近年尾，多個樂壇頒獎典禮即將舉行。各個頒獎典禮的公信力再度成為茶餘飯後的話題，我們又不妨討論下。新城就不用多說，分豬肉而且人人皆有獎，永不落空，早已沒有公信力可言。
商台則好些，不過不知為何，每年一定會有些爆冷場面，或有些大熱歌手會大熱倒灶
無線都尚算可以，雖則是分豬肉，原則上每位歌手在該年度有一定表現無線才會頒獎的，所以獎項都尚算有代表性
港台則最具代表性，頒獎的分數、計分方法是公開的，也是最客觀的 嚴格來說，四大樂壇頒獎禮都不是公正的。
雖然港台以公開公正的評分方法見稱，但由為受到其餘3個商營電台/電視台樂壇頒獎禮獎果影響，
對其評分機制有一定的壓力。
至於RoadShow 的「頒獎禮」，只是以唱片公司旗下歌手的形象及商業行銷的表現而頒獎，故不能作準。
總括來說，香港的樂壇頒獎禮，「商業行銷表現」早已壓倒「歌手、音樂創作人的實力」。 我就覺得商台地位無人代替,試問樂壇頒獎禮為何不
表揚幕後人員既努力,唔通首歌無人作無人填歌手會
自動識唱
以播放率計算,話爆冷都預o左點爆法(因為有人每期
都計住),都預計到邊個歌手真係hit,有邊o的要繼續努力
當然我最欣賞係商台話有幾多獎就幾多獎,唔會多唔
會少,同埋歌手可以任你講唱足全首,呢o的其他台根
本做唔到 原帖由 orange 於 2005-12-26 14:32 發表
我就覺得商台地位無人代替,試問樂壇頒獎禮為何不
表揚幕後人員既努力,唔通首歌無人作無人填歌手會
自動識唱
以播放率計算,話爆冷都預o左點爆法(因為有人每期
都計住),都預計到邊個歌手真係hit,有邊o的要繼續 ...
其實講公平就一定無一個公平, 不過的確, 往往最令觀眾同
歌手感動的, 都係商台.....因為始終算做得"較有心"...
雖然我昨日無睇, 但新城頒成121個獎, 雖然人人有獎, 但
相信都未必人人好開心了...
[ 本帖最後由 3ASV196 於 2005-12-26 15:25 編輯 ] 新城：完全係一個分聖誕禮物既party
完全冇公信力可言
(但今年我都數到好多歌手響勁爆係冇獎拎
不過就經常出現同一隻歌得超過兩個獎)
叱吒：佢係睇你有幾多歌響四大傳媒(定淨係商台呢？)播過
而唔係睇歌既質素
所以歌手只要同電台同電視台關係搞得好
多d 歌播出黎就搞掂
公信力？真係唔知點講
因為有好多都不知名既歌手同樂隊
都有機會得獎
勁歌：歌手要記住
你邊個頒獎禮唔出席都唔緊要
但如果想響「勁歌」得獎
你幾唔得閒都要出席
否則話知你唱得幾好
唔出席都咪使旨意得獎
仲有既係如果果排有幫電視台做野
或者本身同時係該台合約藝員
得獎既機會亦較高
不過公信力似乎較勁爆同叱吒高
而「歌手獎」亦較其他三台「值錢」
我覺得最具公信力都係港台
至少佢唔係分豬肉
唔係玩鬥多歌播既遊戲
亦唔係要take attendance先有獎 其實如果想樂壇頒獎典禮具公信力,
最好就係把四個台的頒獎典禮合併為一個. 原帖由 Ketsu 於 2005-12-26 20:30 發表
叱吒：佢係睇你有幾多歌響四大傳媒(定淨係商台呢？)播過
而唔係睇歌既質素
所以歌手只要同電台同電視台關係搞得好
多d 歌播出黎就搞掂
公信力？真係唔知點講
因為有好多都不知名既歌手同樂隊
都有機會得獎
叱吒十大係計 叱吒903 的播放率,
但叱吒係最支持建構本地樂壇的一個平台 wor~ 心都淡了,做呢d頒獎典禮都係年頭d歌,年尾宣傳多一次,
四個台做都係果d歌星羅果d獎 講真~ 我真係唔知邊個台係最有公信力~
但係我覺得始終有一班人係好撐叱吒呢個頒獎禮~
同埋我覺得d歌手都好似比較看重叱吒的...
睇下每年總會有人o係台上喊就知...
仲有商台每年都堅持1月1日就攪..... 我就好欣賞!
同埋每年都有一個主題~ 阿jan每年出黎講野~ 呢part 係最正o既!
so... 本人自從有聽收音機之後, 就勁撐叱吒!!! 原帖由 Ketsu 於 2005-12-26 20:30 發表
新城：完全係一個分聖誕禮物既party
完全冇公信力可言
(但今年我都數到好多歌手響勁爆係冇獎拎
不過就經常出現同一隻歌得超過兩個獎)
新城不嬲都係按照出席"歌手"名單,
才去"創作"各獎項的銜頭架啦~