幾年前搭 3N @ 38，漏低左部菲林相機係車上。
結果師傅返到藍田時將佢交俾站長，最後係搵得返。:)
原帖由 deep3@italk 於 2010-6-5 15:59 發表 http://hkitalk.net/HKiTalk2/images/common/back.gif
遮呢d 太濕碎啦, 我都冇計算在內, 最慘我係唔見左部DSLR...... 咁就冇左五千 :'(
咁大部DSLR 都可以遺留.....:L
雖然我都漏過比DSLR 還大的遮...
幾年前(可能6, 7年前)坐269M返阿媽屋企食飯, 當時269M重係荔景北做總站.
剛返到屋企時發覺唔見銀包. 我即刻跑返總站. 當時架車未開, 同站長一齊上
樓上揾, 當然失望而回. 最後去葵涌警署備案, 又要打去card centre報失, 又要
補領會所証. 重有用$400補領身份証, 總之煩到暈:Q .
我最記得當時架AP係LCD Mon同扶手貼咗Roadshow貼紙.
想當年A會周年大會, 小弟抽到個平治三角o麥(ME車頭o個隻), 但係漏o左o係部接車度(好似係428), 之後當然搵唔番啦:'(
幾年前, K58仲未經置樂時, 放學搭到一部躉(706), 漏左銀包喺架車度
番到屋企打去九鐵試下搵唔搵到
最後竟然搵得番, 不過要去洪水橋攞番, 好在裡面D野都齊
[ 本帖最後由 FX9426 於 2010-6-6 19:25 編輯 ]
漏遮呢 D 試得多, 不過有次最深刻印象,
有晚機場放工搭 E32 出大窩口, 坐上層, 中途訓著左坐左去葵芳總站, 比個車長叫醒, 糊里糊塗落左車之後先發覺
唔記得把遮, 好在車長未落車, 即刻話比車長聽, 比我上返去拎返.
另外試過一次搭 ADS@234X 去尖碼(仲係漢口道總站) 轉船, 因為上車時大雨又多人, 我要坐到上層近車尾
通道位, 落左車之後先發覺唔見左八仔(好似仲有幾十蚊剩), 即刻跑去漢口道總站, 點知已經目送佢走人, 無
計下唯有落地鐵站買過張再去返搭船.
前兩年坐A11去機場,小弟放個手抽袋在車頂行李架,落車無耐發現漏左手抽袋,即刻落去GTC找站長
當時仲記得個車隊fleet no.,好快找到架車,幸好拎得返:loveliness:
我試過唔見左部DC仔..
果次搭219X既MP7697遊左一轉,跟住去樂富
過左6個鐘後先醒起部相機唔見左
立即去麗港站頭問站長有冇見到,好彩有人見到比左站長...
:handshake
上個月搭 E33P 返屯門, 係石排落左車, 過左馬路, 先發現漏左個銀包係車,
即刻 9 秒 9 跑去下個再下個站 (兆邦苑) 追返架車 (下個站實追唔到),
跑到去, 架車岩岩到, 好彩銀包仲返到, 乜都冇唔見, thank god~~~ :handshake :handshake