我舉腳支持，
呢類野冇人歡喜、但又屬必須，
正如每區都會有若干垃圾站一樣，
將呢類骨灰龕搬晒去喜靈洲蒲台島到時春秋二祭掃墓人士又嫌遠又乜又物！
每區一個，
包括埋非政府擁有既龕位，
連同宗教團體提供既，
係合理！
但係選址於可行情況下盡量遠離人口密集地方，
如市中心同主要街道，
因為政府興建呢類不受歡迎建築物時，
亦於可行情況下避開、避忌，
照顧個別市民可能心存恐懼，
人之常情。
搬遷或興建公共設施隔一隔都係辦法，
如運輸署考試組路試場地、體育館等。
例如天水圍區可以選址天北地區，
近濕地公園或者天南近蝦尾新村貨櫃場、旅遊巴停車場等。
天水圍北地區甚至可以建焚化爐，
配以高煙囪及高樓式骨灰龕位，
同時建有紀念花園。
單靠起多D骨灰龕位作用雖可舒緩目前輪候上位時間，
但如冇焚化爐硬件作配合，
好比一間餐廳坐位多，
但煮食爐得一個既情況。
同時希望藉住春秋二祭既人流，
帶旺天北區既食肆同其他商戶。
基於天北區罪案率亦唔低，
如果到時天北區真係有呢類設施，
警力亦應加強，
以防有犯罪集團駐守骨灰龕「搵生意」。
中西區選址，
我建議非政府山莫屬，
日後政府總部搬落添馬，
原政府合署絕對可以改建，
此舉可以起帶頭作用，
表示政府身先士卒，
不計較土地收益，
為民而建，
同時一併吸納灣仔區的配額，
因為我諗唔到灣仔區有乜土地可供建骨灰龕！
油尖旺區則選址現佐敦渡華路巴士總站。
渡華路總站第日都好似搬返去高鐵總站做室內站，
呢笪地可以考慮。
同時，
選址不太近市中心亦可避免春秋二祭拜山高峰時，
人流及交通對當區帶來額外負擔，
尤其有市民會駕車前往。
只要抽風同過濾系統做得好，
空氣污染問題就可以解決。
加上如果由耶教團體搞既骨灰龕位，
甚至連燒衣問題都冇添！
骨灰龕位既「旺季」頂多係春秋二祭之時，
加上如果真係18區都有呢類設施，
掃墓人流就自會分散。 我著實的告訴你們：
早排港灣豪庭班惡霸連九龍殯儀館都要「趕走」，
要趕去世盛而家個位，
如果此舉成功，
紅磡人又會依樣畫葫蘆，
一趕就成竇趕走晒，
「理據」比港灣豪庭更充分：
港鐵延線，
社區發展，
市區重建，
大眾利益，
改善環境...
跟住香港殯儀館附近又係咁，
(留意田生正在附近收樓中)
又話趕，
好啦，
第日唔止先人「上樓」煩，
連搞喪禮大殮既地方都畀自私既地區人士趕到去冇雷公咁遠，
最後辛苦既只係你班「孝子」自己！
班香港人有時真係好過份，
自私得離譜！
連人地買貨飛運棺材上長洲渡輪下層都要投訴一餐話人吹D打嚇親你個仔，
點解你生佢果陣唔生多個玻璃樽好似盆景貓咁入起佢呀？
分分鐘百毒不侵啦！
一係就人地吹緊D打時走去影相！...
喂，係咪傻架？！:L 比住當年港英時代.我睇出來promote呢步都省埋.
大家今日已經會係睇到登黃榜刊憲話今日動工.
當年地鐵鏟起成個彌敦道,都係你有你鬧我有我起.
比今日香港,起條支線/延線都攪咁耐都唔動得工.
對住香港人,難聽的事實係要冇情講先斬後奏先得.
否則個個人為自己利益著想,冇可能會做得到大事.
今次問題,係在於出來promote果個人樣衰格衰.
本身佢民望低,已經服唔到眾.
佢promote個方法又格衰,更惹民憤.
否則,其實佢講ge未嘗唔係道理
等於梁錦蟲當年講左句,有咁耐風流有咁耐折墮,
呢句係引起民憤,在佢身份唔講得出口.但係佢講ge的確係真相事實......
琴日碩門果位師奶講得好岩.曾生服唔到眾.問佢自己會點睇如果陰宅搬入港督府佢點睇. 議員們,你地所謂創意真係...
http://hk.apple.nextmedia.com/template/apple/art_main.php?iss_id=20100723&sec_id=4104&subsec_id=15333&art_id=14269685&cat_id=45&coln_id=20
馬場/彭福公園:fine,生前買馬鋪草皮,死後都要俾馬仔跑過,
加埋平日彭福公園開放同不時搞既活動,結果無日安寧
維園/九龍公園:咁以後六四應該加插環節係裝香
大浪西灣:無意見,不過保證又有幾萬人反對
迪士尼:唔知門口使唔使加塊寫住"特別服務"?相信10月
哈囉喂應該可以打低海水公園
回復 27# 的帖子
議員只係包拗頸，當笑話笑三聲就算喇！
所以話，
區議員晉身立法會，
個別既係表現好，
但大部分？
邊擺得上大檯？
婚宴都唔會捧碟牛雜上檯啦！:lol 彭福就惡攪啦.
以我所知,個公園跑馬日唔會開.
平日個火車站又唔開
要拜山難過去其他墳場
同埋,駿x園/銀x花園班住客會唔會放過你. 反而我諗過可唔可以起喺禁區
反正禁區而家規劃緊，好多部份遲早都會開放
況且禁區反對聲音理應會比任何一個地方少
沙嶺附近或者可以起到