好耐以前，我以為8月15日係中秋節，事關果日係紅字。
但後來先知道8月15日係重光日。
細個果時我以為傳真機係食紙架…
以為將一張野FAX畀人會連張紙都FAX埋過去，
人地FAX黎即使冇入紙都會FAX張紙出黎…
仲有細個以為食帶係解部機食左并帶去…
之後就以後都囉唔返出黎
我剛剛到左搭巴士要俾錢既年紀時(其實應該係五歲，但屋企人偷雞，到我六歲先俾錢)，Ｄ大人同我講：「你而家搭巴士要"買飛"架喇」，當時已經係入散紙既八十年代，我從未見過會搭巴士會有所謂「飛」(連只限幾條M線有既儲值飛都未有)，我仲以為如果入埋我要俾既車錢入錢箱度的話，就會有張飛(唔係劉備義弟)由錢箱度彈出黎
可能係因為講「買飛」既人經歷多年有巴士賣飛制度，講慣左口，但巴士賣飛制度已結束超過十年，都唔知點解佢地仲唔改口.....
原帖由 sunnymiu83 於 2006-1-7 14:58 發表
細個果時我以為傳真機係食紙架…
以為將一張野FAX畀人會連張紙都FAX埋過去，
人地FAX黎即使冇入紙都會FAX張紙出黎…
仲有細個以為食帶係解部機食左并帶去…
之後就以後都囉唔返出黎
我都見過有同樣誤解，不過唔係我，係一個同學，
我同佢講我屋企有fax機，佢就好奇怪咁問我以上問題：「張紙點樣經過電話線路走去人地度....」
當時仲已經係中三.....:L
細細個睇電視, 明明周潤發"死o左"o架啦, 點解仲可以見到佢既...
仲有既係o的以太空為背景既劇, 當時好佩服佢地可以上太空
講開電視﹐我細個以為電視劇做完出演員名單果陣﹐
D人真係停低D字幕出完先收工架﹐
我仲走去同阿媽講﹕D演員咪好累囉﹗
以前聽過
因為有電腦病毒，故此有家長禁止子女接觸電腦:P
以前有個奶粉廣告話「住15樓養o既牛牛」
剛剛自己住那處是15層，因此以為樓上是養牛的。
黃埔船，以前常常問為何不會搖的？
細個見到有套戲，影著小朋友晚上去洗手間時，廁所會伸手來摸......
令我晚上去廁所時怕怕。
[ 本帖最後由 superay 於 2006-1-8 11:54 編輯 ]
細個見有套戲係「曾江」殺人，從此怕黑，
連搭巴士經獅子山隧道都怕（但晚上搭時在出面冇事，入到隧道裡面竟然話怕黑），
而且認定曾江唔係好人。
有另一套戲，見到某男演員被人「屈」，又被人打，一路睇一路喊到收唔到聲：「點解佢地咁衰？」
重有，不得不提：唔訓覺「鴉烏婆」會來捉你架！