[永久保留] 雙星四驅戰車
這是十多年前好興玩四驅車時,小弟車隊內的其中一部戰車 (全盛時期最多有五部),
被改得好低... 身經百戰!
在熱潮退卻時, 其他車都已經五勞七傷, 只有它運作正常.
現在還認為,"前置引擎" 是最好的設計!
不知有多少版友當年迷過四驅車?
近日找它出來, 是要把它的摩打換出來給 Tomy R/C Hiace 用.:P
[ 本帖最後由 DD2113 於 2006-1-14 09:24 編輯 ] 小弟當年都曾經擁有過兩架四驅車,不過依家都已經不知所蹤 我仲有架第一代底盤的No.1 Hotshot
上圖的是不是叫G1? 前機車 woh,不過印象中前機車是定d的 原帖由 leslie 於 2006-1-14 09:10 發表
我仲有架第一代底盤的No.1 Hotshot
上圖的是不是叫G1? 前機車 woh,不過印象中前機車是定d的
全名應該叫 Crimson Glory (我部車貼紙都有)...
FM (Front-Motor) 車系,
其他資料可參考: 日本田宮模型 四驅車網站
唔睇都唔知去年出左幾set 一套5部的復刻版... 好懷念,
當年最出名都係呢幾部:
http://tamiya.com/japan/mini4wd/box/top_box3.gif
仲有 "四驅小子" 的5部 "字軌車" :P :
http://tamiya.com/japan/mini4wd/box/main_left.jpg
不過而家唔會再買了!
[ 本帖最後由 DD2113 於 2006-1-14 09:56 編輯 ] 原帖由 DD2113 於 2006-1-14 09:48 發表
全名應該叫 Crimson Glory (我部車貼紙都有)...
FM (Front-Motor) 車系,
其他資料可參考: 日本田宮模型 四驅車網站
唔睇都唔知去年出左幾set 一套 ...
請問部地平線有無出番呢 http://tamiya.com/japan/mini4wd/box/main_left.jpg
有個3字的0個架係蹢星者，主角0個架係Dash 01，
最記得有次裝左0的雜牌摩打入去其中一架唔記得
係乜四驅車度，0係以前舊屋個窗台試車，部車行
得勁快，裝左雜牌摩打反而行得快左，快到行行
下飛左出街！！:lol:
即刻呢埋驚比人告高空襲物．．．:lol: :lol: :lol
個四驅車個工具箱幾年前都有過渡過新屋，不過
只係面0個層有四驅車零件，下面0個層就真係同
普通工具箱無分別，都係放反螺斯批呢0的0野，
不過近年唔少零件都廢左掉左了．開文者部前驅
車個頭轆連鈴＋太我當年都有買，不過我唔太覺
前同後驅有乜分別，當年都係買反只係玩無諗住
去鬥車的．當年一包呢0的改裝件，唔少文具誧都
有得賣，大約三四十蚊一包．．．
最記得有次有個同學叫我買四驅車做佢禮物，我
唔知乜係四驅車，不過最後先知呢0的係四驅車
．．．
[ 本帖最後由 3asv6 於 2006-1-14 16:20 編輯 ] 當年呢d車由三十幾蚊盒炒到百五蚊盒！ 個時我有部dash 1 同dash 01 , 而我兄長則買了地平線的四驅車 , 當年四驅小子播出
街時真係興起玩四驅車熱潮 ! 而三色台亦曾在某節目中講述有位四驅車迷 , 把自己
部四驅車同部真正有人駕的電單車鬥邊過快. 除了呢啲 , 還有人砌專用四驅車跑道
來同人比較 ! 而我表兄還把自己部dash 01 加車頭燈同尾閃燈 , 不過係好食電.... 因為
我都試過~~~ 最正係換上高轉數摩打後部四驅車真係快到追唔到 .以前我表兄試過
換上高轉數摩打後係太古城中心內偷偷地係該處放車時險些追唔到自己部四驅車....
近年推出的tomy aerc的設計不論車底同摩打都有點似以前的四驅車 ! 但tomy aerc
不能再好像四驅車般再次有熱潮.. 當年的小朋友還有研究各款車殼、底盤、定風翼等對極速有多大的影響:lol:
天真的程度正如現在有人問亞記殼巴士ｏｒ都普殼巴士行得快ｄ。
[ 本帖最後由 barking 於 2006-1-18 00:12 編輯 ] 原帖由 barking 於 2006-1-18 00:08 發表
當年的小朋友還有研究各款車殼、底盤、定風翼等對極速有多大的影響:lol:
天真的程度正如現在有人問亞記殼巴士ｏｒ都普殼巴士行得快ｄ。
都唔係小朋友架, 當年 TAMIYA 廠方出左好多書籍, 講點改四驅車,
他們真係有好科學咁研究風阻, 車身重量, 及各種零件配搭與四驅車性能的關係!
頁:
[1]
2