原帖由 Alex01 於 2010-11-11 20:37 發表 http://www.hkitalk.net/HKiTalk2/images/common/back.gif
其實我都係覺得拍片時都係同MM2教學一樣唔加其他音樂係最好
如果加左音樂之後，我覺得只會產生反效果
其實原聲係最好的.
我好早已經知道首相會post 798video，睇完咁多評論，雖然我係基督徒，但好好彩我無睇過段片…
唔係好明點解巴士路程video要落詩歌…
我從來都唔係好明白首相一貫作風！
[ 本帖最後由 千年 於 2010-11-12 13:08 編輯 ]
原帖由 千年 於 2010-11-12 01:06 PM 發表 http://www.hkitalk.net/HKiTalk2/images/common/back.gif
我好早已經知道首相會post 798video，睇完咁多評論，雖然我係基督徒，但好好彩我無睇過段片…
唔係好明點解巴士路程video要落詩歌…
我從來都唔係好明白首相一貫作風！ ...
首先利益申報：我係基督徒，亦好鍾意聽詩歌。
我自己未睇過段片，不過都想回應兩點：
一、段片到底首相有無想傳教既成份我唔知，但我覺得除非片中首相有直接用文字或聲音傳教外，否則係咪傳教好睇睇果個人既心態
二、段片加歌(不論係宗教音樂(包括任何宗教)、流行曲、純音樂等)我覺得唔係問題，但起碼要知道自己加來係想表達D咩囉
然後如果係行車片段的話，我都寧願係聽番最原本車內既聲了！
由於站規22A條有關「宣傳宗教活動或討論宗教組織之內部事務」之規定存在灰色地帶，
本人暫時不會將本主題視作違規文章，惟由於本主題已引起廣泛討論，
本人將於其他B3板聯席板主再作商討「宣傳宗教活動
或討論宗教組織之內部事務」及「宗教中立」之定義；
日後再遇到同類情況，將更嚴肅處理。
亦請注意以下兩點：
1. 站友id = eric278在答辯中指出「該站規只規範本站貼出之文章內容」，
而該站友只貼出影片連結，故不應受該站規約束，此論點並不成立。
由於hkitalk不設上載影片功能，站友欲分享影片檔案，自行上載至影片分享網站
然後在此貼出連結乃唯一合理方法；因此，只要有關影片由站友自行上載
並在此張貼連結，則影片內容仍受本站站規約束。
2. 由於以上一點，站友id = eric278之答辯理據
「若片段內容有任何不合理或違規，應向YouTube網站管理員反映，
而不應在本站討論，否則可能違反站規24條」亦不成立。
本人希望提醒大家，張貼多媒體內容時請遵守站規，
張貼具爭議性之內容時務必格外小心，多謝合作。
B3 聯席板主
admin49 示
（edit：將「避免張貼具爭議性及可能觸犯站規之內容」修改為「張貼具爭議性之內容時務必格外小心」）
[ 本帖最後由 admin49 於 2010-11-12 15:02 編輯 ]
我諗其實呢單案灰色地帶唔多，何謂「本站保持宗教中立」亦都唔難理解，
主要係睇站務人員識唔識解「中立」兩隻字。另外，表達宗教/政治立場、宣傳宗教/
政治立場，以及宣傳宗教/政治組織活動係三樣唔同的野，站規其實已經寫得相當清楚。
我亦唔明白如何「避免張貼具爭議性之內容」。有爭議性本身並唔違反站規。
小弟無意質疑此文的判決，只係唔希望某個別 admin 錯誤站規的情況再次發生。
不過我絕對認同板主而言，即使只是貼 link ，如果目的主要係為分享有關連結內的內容，
站友都應該對內容負責。如果 eric278 的論點成立，相信大家貼成人影片 link 都不會犯板規了。
原帖由 12A 於 2010-11-11 19:26 發表 http://www.hkitalk.net/HKiTalk2/images/common/back.gif
南無阿彌陀佛歌好, 基督宗教音樂又好
套首歌落去落去一段巴士片到, 都要睇下同影像配唔配合得到
令人明白片段帶出來的訊息
如果你認為仍是適合, 就 let it go
否則 就建議還原回引擎聲
希望樓主能交代用呢堆音樂的 ...
同意，其實歌本身無問題、片本身都無問題，但係片同歌夾埋就好大問題。
停係度就播 rap 歌，行公路就播慢歌，主題又唔岩，明顯就係亂咁放歌入去。
唔單止咁，我抽左幾段黎聽，發現唔係全部都係詩歌，中間係夾雜住最少一段仿「北漏洞拉」廣播、
一首麥兜豬腩肉歌，同埋一首不知名政治歌。完全係九唔搭八....... 質素太差，對唔住，要扣分了。
[ 本帖最後由 da54 於 2010-11-12 15:08 編輯 ]
原帖由 da54 於 2010-11-12 14:48 發表 http://www.hkitalk.net/HKiTalk2/images/common/back.gif
我亦唔明白如何「避免張貼具爭議性之內容」。有爭議性本身並唔違反站規。
多謝閣下提醒，已修改有關字眼並註明。原意是指「具爭議性及可能違反站規之內容」，意指一些可能挑戰站規尺度之內容。
但原文措詞可能引起大家誤會，謹此致歉。無論如何，本人作出判決時當以有關內容是否違反站規作準則，
不會單以內容的爭議性而對有關站友作出處分。
原帖由 edhong 於 2010-11-12 15:04 發表 http://www.hkitalk.net/HKiTalk2/images/common/back.gif
有站友經常以站規 24 條作答辯或評分理據
我認為站方應該解釋清楚
什麼係其他網站的站務事宜帶到本站討論
並處理該些濫用本條作投訴或評分之站友 ...
(個人意見)
如無理解錯，當年 BDB 年代有呢條例係因為有其他論壇的人，因為不滿有關論壇的管理，
就走黎 BDB 數臭人地管理有咩問題，而 BDB 想制止呢類罵戰，就出條例黎禁止討論別站
的「站務」事宜。
我諗如果有板友上載條片到 Youtube 後俾 Youtube 刪除，咁呢樣野叫 Youtube 的站務事宜，
但如果條片有無違反 italk 站規，咁唔係別站的站務事宜囉。
原帖由 da54 於 2010-11-12 03:07 PM 發表 http://hkitalk.net/HKiTalk2/images/common/back.gif
同意，其實歌本身無問題、片本身都無問題，但係片同歌夾埋就好大問題。
停係度就播 rap 歌，行公路就播慢歌，主題又唔岩，明顯就係亂咁放歌入去。
唔單止咁，我抽左幾段黎聽，發現唔係全部都係詩歌，中間係夾雜住最少一段仿「北漏 ...
同意你講法。
如果加歌落去可以令人更投入個場景，
咁加唔係問題；
我無完全睇晒d片，
只係好快咁睇咗少少，
問心個製作唔係差，
但加埋d歌我只可用四個字形容：九唔搭八！