另外，美國對專才的吸引力確有所下降
無錯，近年甚至多左中國大陸同印度學生，讀完PhD後回流。
老實講，對於住慣香港或者其他發達國家的人，美國有好多野，的確係難以令人理解，令人睇唔順眼。
例如醫療改革，相當一部分人寧願係咁俾保險公司玩，寧願d人因為preexisting conditions而被deny coverage，
都唔想政府插手醫療，佢地心入面，healthcare is supposed to be a profit-making industry, not an entitlement，
政府插手就係社會主義，未去過歐洲或者香港，未見識過公立醫療的好處。
搞到奧巴馬最終個醫療改革個方案，都無左public option。
奧巴馬都真係唔話得，做總統做到保守派覺得佢想搞共產之餘，
另一邊班人又覺得佢太軟弱，搞官商勾結……
當然，亦要多謝共和黨喉舌Fox News（aka Faux News）每日散播不合乎事實的反改革言論，而班美國佬又信到十足。
美國好多social issues，如果搬到香港，民意肯定大力反對商家所作所為；
但係同樣的事，多得說客塑造輿論、散播謠言，美國竟然係有民意基礎支持（例如甚至有人主張取消最低工資），
呢班人的可恥程度，比起香港的「廿蚊張」有過之而無不及。
而家最新的消息係，白宮嘗試同共和黨達成協議，為所有人、包括最有錢的人，延長稅務寛減兩年，
以換取共和黨支持繼續對長期失業人士發放救濟金；但係國會的民主黨議員就對於
奧巴馬政府的軟弱妥協相當不滿。黎緊幾日應該仲有好戲睇。
同埋老實講，好多有錢佬的實際稅率係低過平民百姓（因為佢地好多野都係申報做investment而唔係salary，
capital gains tax只係得果15%，已經益晒佢地:@）
===
再講多少少，點解我對呢D問題有strong view，反應咁大，係因為我本身屋企環境都唔係話好好，
雖然絕對唔係窮，但係亦都係呢個原因，令到我一路都相當注意慳儉，對不公平不公義的事情相當敏感。
如果下個月取消減稅，我每個月少收的數目，可能對好多香港人來講都未必好多，
炒股票可能一出一入已經無左，但係對我來講，已經係每個月儲少超過20%。
晌美國，周圍好多人都買單車甚至私家車代步，我唔捨得，
因為一架單車要半個月儲錢先買到，於是我日日行20分鐘返學，星期六日等半粒鐘一班巴士去購物；
呢邊物價高，出街食一餐飯平均要$6 - $8，
我為左慳錢（當然另一個原因為慳時間，同埋可以知道我到底食左D咩），
夜晚果餐專門走去超巿買frozen dinners盯來食，仲要係趁超巿大減價果陣大量入貨，一個月慳到成千蚊港紙。
其實就算變相減薪，我都唔會超支。屋企人都唔想我太慳錢，「唔希望我太辛苦」，
但係我亦都唔想屋企人因為我在外面生活，擔心我唔夠錢使，
我知道佢地晌香港已經係死慳爛慳，我都想佢地好過一點。
前兩日同佢地傾完長途電話，講到我可能變相減薪，家母似乎突然有所感觸，
話「你讀書咁多年，屋企一個先都無出過，我地無對你盡過責任」，聽得出語帶哽咽，
雖然研究生supposedly係靠學校的工資生活，但係我當下實在唔識得點回應。
所以你話，如果因為社會上的不公平，搞到我得到的benefits少左，我點會唔反應大？ 我又抽少少水，不過係抽美國水。
我做緊的行業，主要都係以外國標準為基礎，但有時我睇到一些美國教材，
裡頭所講的其實係作為一個社交正常的人應該要識的處事態度，但係佢地就隆而重之要錄隻DVD再賣埠囉。;P
而我以前的major，基本上你讀到PhD就一定要出國，其中絕大部分係美國，
然而聽返人講，日常生活的很多細節，很多時都比不上香港，西岸尚好，東岸及芝加哥就真係OMG。
祝樓主好運～
[ 本帖最後由 DIH 於 2010-12-8 09:30 編輯 ] 其實如果當年係希拉莉當選，局面會唔會好D呢？還是更差？
回復 14# 的帖子
唔會有分別，因為共和黨本身套agenda就係要不惜一切令到有錢人、大商家繼續可以為所欲為，
不惜一切阻撓施政，令到民主黨政府2012年下台。
岩岩今日奧巴馬同共和黨達成協議，支持通過對所有美國人延長減稅措施兩年，
繼續對有錢人作出經濟援助，換取共和黨支持繼續發放失業救濟金：
http://politicalticker.blogs.cnn ... as-news-conference/
但係國會內的民主黨人對於奧巴馬的軟弱和妥協相當不滿，最終結果仍有變數：
http://politicalticker.blogs.cnn ... al-yet-on-tax-cuts/
繼續對年薪25萬美元的人士全面實行減稅，兩年將會花費750億美元，
實際上等於向中國同沙特阿拉伯繼續大舉借錢，以幫助有錢人「共渡時艱」:@
而共和黨的立場依然強硬，唔繼續同有錢人全面減稅，就乜都無得傾。:@
奧巴馬實在左右為難。
[ 本帖最後由 S3BL100 於 2010-12-8 13:11 編輯 ] 原帖由 053h4 於 2010-12-7 23:39 發表 http://www.hkitalk.net/HKiTalk2/images/common/back.gif
公共服務私有化的負面影響可以好大
無錯，所以我好多時都覺得，香港好多野都係好學唔學，如果醫療、社會福利跟美國果套，絕對係錯誤方向。
弊就弊在，美國呢邊，西岸都仲好d，其他red states，
好多人個心態係：政府代表bureaucracy同inefficiency，信唔過，
退休金、醫療等各種社會服務，由私人機構去辦，效率高好多，又可以創造職位。
佢地又唔會諗下，私人機構好多時係以賺錢作為唯一目標，點可能比政府更可信？
例如，反對醫改的意見當中，竟然有部分認為「醫療保險公司的profit margin已經比起好多其他行業低，
搞醫改即係將佢地趕盡殺絕」
:L:L
頁:
1
[2]