原帖由 CPY 於 2010-12-21 17:46 發表 http://www.hkitalk.net/HKiTalk2/images/common/back.gif
請恕小弟無禮點名，是次貼文是專為站友S3N280_FX8032、PoohPoohJoe、butterfly、
ATR83等A2板長期駐紮的TVB電視迷而誠意轉載。
你們享受在TVB成為演員，過著充實的拍劇生活嗎？
.....
小弟深信上述站友於閱讀本文後，能夠作出精明決定，審慎考慮在TVB發展個人事業。
其實唔係好明閣下想表達D咩, 成篇野好似針對住部分站友講....
而有版友是TVB電視迷都好, 同是否加入TVB有何關係?
我也很明白你對TVB的痛恨。
但對有意加入電視行列的人士,除了TVB,有無更好的選擇?
唔好意思
呢四條我個答案都係唔係
但唔代表我一定要下下插TVB
有時我認同，有時我唔認同
我只係識因應事件俾下我既評論
請閣下唔好將我等同做非黑即白既人
(當然我唔會阻止你要做非黑即白既人)
呢一點係上次唔知邊篇野我已經講過
你要下下插TVB有你既自由
但你都唔可以拎走我因應情況而變既呢個立場
唔通我大多數時候支持TVB就係想入?
咁唔通你成日反佢就係想自己開電視台?
呢篇文我既評論得下面幾句:
1.九唔搭八
2.亂扣帽子
3.邏輯混亂
當然我又唔會叫你刪我個名
始終作為站友
我唔可以KO你個發言權。
原帖由 CPY 於 2010-12-21 19:42 發表 http://hkitalk.net/HKiTalk2/images/common/back.gif
似乎你這番言論反而暴露出你可能只是一時衝動回應小弟而矣。
首先原文完全無意批評你，請不要對號入座。
其次本人只是介紹站友瀏覽兩篇轉載文章，
試問何處符合九唔搭八、亂扣帽子、.邏輯混亂？
歡迎提出！
很難相信一篇 ...
唔該
我係講緊你篇文
唔係講緊篇報導
唔好先入為主
第一
你寫住"專為站友PoohPoohJoe3等A2板長期駐紮的TVB電視迷"
唔係亂扣帽子?我唔否認我經常認為TVB既立場幾岩
但都唔代表我係TVB電視迷
重複一次，我唔係非黑即白。
第二
係話你呢段
"要加入TVB的編劇天才行列實在非常簡單，你只需純熟運用以下文章中一百三十條的「編劇橋段」
就可以應徵成為TVB的編劇精英班子，輕輕鬆鬆獲得「高薪厚祿」了"
九唔搭八
請問人地份招聘合約甚或訓練班寫到明要識個百幾條橋?
又有冇人講過識就一定入?
你可以推斷，但唔可以將佢定義唔該，兩野樣跟本係九唔搭八
只係你自己加左個人情感就變左好似有關
第三
正如上面站友講
"有版友是TVB電視迷都好, 同是否加入TVB有何關係?"
如果你將TVB愛好者=要入去TVB做
仲唔係邏輯混亂?
入得呢行就預左要捱，睇面色，好多野
唔通"視帝""視后"路真係咁易行咩....
仲有好多幕後耕云既藝員，但係我地唔知
事實就係咁殘酷，我唔覺得全部都係關tvb事。
其他行業都係咁。
但我覺得，人如果有理想，想係呢行做落去，
唔計返大陸做，留係香港，巿場咁細，我可以有幾多選擇?
朋友仔，你覺得我係TVB的fans咩，我可以寫包單俾你聽，一定唔係，首先我咩電視台都會睇，亞視都會睇(有線我以前有裝，不過因為佢地服務態度欠佳又加價加得勁所以拆左)，亞視的劇質素有些是不錯，可惜配音得好難聽，追追下都無心機追，至於TVB的劇，我也不是全部都睇，我是有喜歡明星先會睇，或者屋企人睇用隻耳去聽，是否fans見仁見智啦，我覺得批評是對的，近年tvb劇集質素每況愈下，究竟咩原因，tvb唔肯投資係其中之一，很多有經驗的編劇編審去左其他方面發展，另一方面觀眾口味，有些口碑好的劇集，但整體上收視不高，觀眾口味就係這樣，罐頭式的劇情，大部份觀眾接受，為什麼去改變，改變不是代表一定成功，至於是否加入TVB?哈哈，諗都無諗過播，我也是觀眾一個，每日回到家開電視娛樂一下自己，就係咁簡單，至於支持某部劇，我也以事論事，好的劇介紹一下俾人睇，莫非之前我講義海豪情好睇就認定我係tvb fans，朋友仔想野唔好咁膚淺，我有些朋友一年都唔睇電視，我介紹佢地睇，佢地睇完也讚，也繼續追，仲問番我前面劇情，咁佢地是否也是TVB fans?台慶投票我支持自己喜歡的明星，也是tvb fans?我承認tvb有兩個女藝人係我偶像(留意我貼文的就知邊兩個)你的標題幾有趣味，不過下次還是想清楚應該寫咩，寫一些有建設性更好啦。