05年最鍾意o既十首歌:
(01)浮誇陳奕迅
揀top 10又點可以冇呢首歌呢?
Eason唱現場比CD更好聽,完全將佢嘅歌藝展現出嚟
Wyman寫嘅詞...完份貼住Eason(甚至係大部份演藝人嘅心聲)
(02)葡萄成熟時陳奕迅
Wyman寫嘅詞...冇得頂
用葡萄去比喻愛情
唔係再好似一般情歌咁...係咁俾人"飛"咁慘情
(03)夕陽無限好陳奕迅
呢首終於輪到林夕手筆
林夕將「夕陽無限好」呢個主題發揮得好好
更道出人生道理
(04)還未容祖兒
呢首歌入選最主要係因為佢嘅arragement做得好好
將成首歌個意境都帶咗出嚟
(05)天之嬌女容祖兒
林夕將容祖兒嘅心聲完完全全咁寫哂出嚟
而祖兒亦都發揮得幾好
(06)流行曲林海峰
諷刺性好強烈嘅一首歌
歌詞將現今樂壇不良風氣寫哂出嚟
「走音」、K歌充斥、歌詞不堪入目...
(07)未成年同盟會李克勤
雖然好多人話呢首歌太過粗俗
但係要展現出「未成年」嘅心聲就係要咁粗俗!
大家回想番青少年年代...
我相信有好多情景都喺呢首歌嘅歌詞之中!
(08)勞斯‧萊斯何韻詩
Wyman寫呢類型嘅歌詞一向「拿手」
基本上成首歌就係簡單咁將梁祝故事寫落去
(09)命硬側田
最多人聽側田嘅歌我諗係好人
但係我覺得命硬比好人更耐聽
命硬亦都能夠令到側田把靚聲浮現出嚟
最重要嘅就係呢首歌係由佢自己作番!
(10)風流陳小春
大家一聽"風流"
一定以為係周圍搵女人
但係Wyman喺呢首歌並唔係用呢個角度去寫
而係一個男人未能忘卻過去嘅一段情
令到自己即使日日有新伴侶都唔開心
出發角度好特別!