東鐵今次事件，會唔會同「中性區」都有關係？
由於標題字數有限，可能講得唔夠清楚，
小弟o係內文呢度講詳細一Ｄ。
其實自從改用 ATO 之後，
小弟覺得最「 chok 」唔係「一開一停」兩o下，
而係行經「中性區」時，
列車動力突然消失，
先至係令列車車底機件出現裂痕o既最大原因。
以大圍以南o既「中性區」為例，
以前「黃頭」年代，
當 cab 位駛至「中性區」時，
TO 就會「收油」，
讓全車 12 卡以「自然滑動」方式駛過「中性區」，
當全車 12 卡全車駛離「中性區」之後，
先至會再「俾油」行車。
（恕小弟不才，
唔知鐵路用o既專有名詞係點叫，
但係所有「俾油」、「收油」，
大家都應該明白吧。）
不過自從改用 ATO 之後，
只會係邊一個動力車卡駛到「中性區」，
就關閉o個一卡車o既動力，
因而令整列列車突然間失去 1/4 動力，
加速力突然減低，
最厲害o既當然係位於「中性區」o既動力車卡，
小弟不止一次目睹有人因此失重心；
當呢一個動力車卡駛離「中性區」，
整列列車又多返 1/4 動力，
加速度回復，
就算係其他車卡，
呢下「推背感」都可以令人企不穩。
最無奈係舊車四個動力車卡先後駛經「中性區」，
剛好做到一個「適時循環」：
當剛好適應少去 1/4 動力o既加速度時，
又突然間回復正常；
到當剛好適應正常o既加速度時，
又突然間少去 1/4 動力……
有部份 TO 因為呢種加速度，
特別於列車離開大圍站南行時，
播出「請緊握扶手」廣播。
駛經「中性區」，
就連人都企唔穩，
列車長年咁「 chok 」，
小弟覺得係令列車車底機件出現裂痕o既最大原因。
或者小弟解釋一下點解會話駛過「中性區」係比「一開一停」「 chok 」：
小弟係睇「 rate of change of acceleration 」，
當舊車埋站停站時，
所謂「停定」o既一剎那間，
小弟發覺車卡係會向後移動近 1cm ，
換句話說，
「停定」呢一剎那唔係好 sharp ；
但係駛經「中性區」o個一o下「 chok 」，
就真係好 sharp ……
P.S.：
以上內容或者講得好差，
大家未必明白，
（其實就連小弟自己都唔係明晒）
不過小弟已盡最大能力講好佢，
希望大家體諒。 仲有一個情況,就係以前列車(南行)進入紅磡站前,
經過站前果d彎位唔會大幅減速,所以每次經過一定好chok,
我搭車經過果度都間中見到有人chok到差d跌低(即使佢已經有一隻手扶住d柱),
不過自從改用人手操作後,每當經過果度d彎位必定以龜速入彎~ 請問甚麼是「中性區」？ 原帖由 Cantona 於 2006-1-20 14:43 發表
請問甚麼是「中性區」？
解釋在此。
不妨用 google 等搜尋引擎搵料，
小弟呢條 link 都係去 google 打「中性區」三個字，
搵到另一個討論區，
咁o岩又係有人問「乜鬼叫『中性區』」，
有網友俾呢條 link ……
點解依家Ｄ人咁懶咁o架～～
google 都懶得去……#:-/#]:(
頁:
[1]