直擊自己人撞自己人既意外
涉事車輛:251M掛牌車AV100-GL3067(被後車撞),49X掛牌車(上掛只有三星期)AV123-GZ8707(撞前車)事發日期同時間:24/2/2011,大約五點十至六點度(因為撞車之後唔記得睇時間)
地點:大河道同沙咀道交界(T字路口,近沙咀道足球場)以下位置
http://i232.photobucket.com/albums/ee271/GL431/22.jpg
意外詳情:
http://i232.photobucket.com/albums/ee271/GL431/2333-1.jpg
當時我係坐49X,坐係車頭右邊第一排,由青衣碼頭返沙田,沿路司機揸車既速度唔係太快,當去到大河道同沙咀道交界準備右轉果時,
前車251M同幾架車都停咗係黃格度,原本我坐果架都唔係諗住衝燈(因為轉咗綠燈冇耐),係諗住慢慢行,
但係司機忽然踩油,衝過去轉彎,當時我已經心諗:唔對路啦,肯定dup唔切!
當時我覺得司機轉彎唔係為咗想攝入去251M左邊位置,但係唔知點解司機會突然踩油,
就係依個時候,砰一聲,親眼睇住我坐果架車撞埋前面停係度既251M左邊車尾,
撞擊力唔算好大,車上既人都冇發出好大既尖叫聲(可能大家都已經覺得"唔對路"),
撞咗車之後,同我坐係第一排隔離果位女士,就話: 有冇搞錯呀?明知dup唔切架啦,仲要撞埋去!
大家係車上都議論紛紛,有啲乘客就行前去車頭影相,
亦有啲乘客同我講:我見到你坐車頭,你真係好好彩呀!如果撞得大力啲,你可能俾啲玻璃割傷要去醫院啦!
兩架車停咗係T字路口大約一、兩鐘,前車同我坐果架車就駛埋去73X站位停車等稽查,
而我地就係巴士站等司機幫手截車,係等緊車既同時,由於GZ8707停低既位置阻住後面既車,
後面30X既司機跑上黎同其中一位司機講:師兄,係咪得你地兩架乍,如果係,可唔可以騰前少少呀?
於是251M就駛去前43X,48X巴士站位置,49X就騰前咗少少,
當稽查黎到,稽查只係同兩位司機調查,並冇安排幫我地截車,
最後,有部份乘客自己轉撘其他車走,有部份見到有49X,就自行截車
鑑於截停果部49X太多人,最後我同另外其他乘客等多五分鐘,就截咗部JC8121上車走人啦!
車外情況(相片唔係太清楚,請見諒)
http://i232.photobucket.com/albums/ee271/GL431/P240211_1846.jpg
http://i232.photobucket.com/albums/ee271/GL431/P240211_1840.jpg
車內情況:
http://i232.photobucket.com/albums/ee271/GL431/P240211_1838_01.jpg
http://i232.photobucket.com/albums/ee271/GL431/P240211_1838_02.jpg
49X右邊車頭司機位無事,只得上層車頭右邊擋風玻璃裂咗同小小凹陷,251M就左邊車尾(大約係車牌果段位置)少少凹陷,
事後感:
有時有啲野真係信不信由你,我記得之前睇都市閒情,請咗李丞責上黎講兔年運程話,
屬猴既人今年有機會遇到交通事故,真係俾佢講中咗...
小弟平時撘巴士鐘意車頭,有時遇到司機揸得快,要剎車既時候都剎得切,
不過今次真係唔好彩啦,亦係小第第一次撞車! 聽你咁講似踩錯油門當剎制:o
*不知事實上有無咁易踩錯呢？
[ 本帖最後由 HM4053 於 2011-2-24 22:40 編輯 ] 可能司機踩錯油門當迫力
部8707又係fit馬黎… 一踩就標左出去了...:lol
回復 2# 的帖子
係咪踩錯油門我唔肯定,不過當時行前去準備轉彎就加快咗事後我同一位男乘客同女乘客傾:本來都唔係行得好快架,一去到果度就行快咗dup唔切啦,
女乘客:佢想攝入去者
我:我覺得唔係,如果係入去,就扭少少左邊轉入去啦,有咩理由會直去咁撞至得架
女乘客:都唔知個司機點揸車架,要認低佢先! 原帖由 cheuknam1245 於 2011-2-24 22:41 發表 http://www.hkitalk.net/HKiTalk2/images/common/back.gif
可能司機踩錯油門當迫力
部8707又係fit馬黎… 一踩就標左出去了...:lol
呢架野上次坐佢頂閘上城隧2波中轉抽73X 龍躉頭:lol 另外小弟想請問下依架車之前係掛82X定係43X?(因小弟記憶中架車掛49X之前唔知係掛82X定係43X,所似想查証一下,絕無心推文) 原帖由 82M 於 2011-2-25 01:32 發表 http://www.hkitalk.net/HKiTalk2/images/common/back.gif
另外小弟想請問下依架車之前係掛82X定係43X?(因小弟記憶中架車掛49X之前唔知係掛82X定係43X,所似想查証一下,絕無心推文)
82X 原帖由 82M 於 2011-2-24 22:36 發表 http://hkitalk.net/HKiTalk2/images/common/back.gif
有時有啲野真係信不信由你,我記得之前睇都市閒情,請咗李丞責上黎講兔年運程話,
屬猴既人今年有機會遇到交通事故,真係俾佢講中咗...
如果係咁既話, 咁全部生於猴年既人出街咪要擔驚受怕?
whatsoever, thx for ur first-hand report
[ 本帖最後由 louispoon 於 2011-2-25 18:31 編輯 ] 樓主，唔好咁迷信啦，九巴d野你係預唔倒架喇，碌緊車又會突然做d高危動作，又會無聲無色地隊前車都唔知咩事。
請問司機係咪後生架？
頁:
[1]
2