原帖由 AVD1 於 2011-4-18 19:13 發表 http://www.hkitalk.net/HKiTalk2/images/common/back.gif
題外話,
香港家庭近年一向都係得一兩個細路,
屋企始終都係縱得佢地太緊要,
佢地差唔多係要風得風, 要雨得雨,
鐘意做乜就做乜, 唔會理會事情 o既重要性又或者會唔會影響到人 ~
有人鐘意迷巴士,
有人鐘意愛打機打足廿四小時, 連學都唔返 ...
其實我覺得個主因係關乎現時物質生活太好既問題...
先講影車
以前菲林單反只係一d攝影發燒友既玩意
如果唔係家境富裕,一個普通既巴士迷出街影車通常都離唔開傻瓜機
再望番而家,我出街見到一d望落只係中一,二既學生哥都揸住部單反影車既情況不下十次
但係老老實實,真正識得影相/熟悉部機功能既人又有幾多?
話唔定部分人由用單反個日開始到而家都只係Auto mode走天涯
當然,買機既錢從何來就拉番去父母放縱自己仔女既問題
而仔女細個時唔好好管教佢地,只係一味放縱
佢地大左做錯事個陣你先黎管佢佢地仲會睬你咩?
咁就引申出一個問題,就係問題兒童越黎越多
當佢地想要乜都垂手可得,而父母又放縱佢地時
佢地既諗法就會變得越黎越大膽
而某程度上,巴敗都係呢種家庭中成長而生成既「副產品」
小至偷膠牌,豬紙,大至偷揸巴士出黎亂咁撞
呢d都係因為佢地既慾望已經係無王管既情況下失控地膨脹
令到佢地不惜代價都要得到一切
番去20年前,巴士迷都只係一個小社群既時候
巴敗一詞可以話係聞所未聞
巴士迷既品行比現時好得多
你可以將個問題歸咎於當時網絡未普及,巴士迷既問題先未可以立刻顯露
但係睇下從事巴士服務既有關人士呢20年黎對巴士迷睇法既轉變就呃唔到人
20年前,巴士司機見有巴士迷時都會覺得好奇同感興趣
見多幾次做埋friend,有講有笑,得閒送d巴士物品過你又點話
20年後既今日,一聽見巴士迷既大名,明眼人即刻耍手擰頭
無錯係仲有人唔知巴士迷為何物,不過連電視台都出手「醜化」巴士迷時
仍然唔知情既人唔會多...
而事實上巴士迷係呢20年間迅速由小圈子變為大社群
巴敗既數目一直有增無減,巴士迷既問題亦開始受各界關注
亦因網絡興起,巴士迷既醜態盡現
基本上電視節目中顯示既巴士迷問題係一個事實
巴士上周圍影,捕車捕到衝出馬路同電車賽跑...
呢點同時暴露左時下青年既心態問題---不分輕重
生活係呢個資訊發達既年代,個個郁d就拍片起底
而我對巴士迷呢個圈子已經毫無期望
只係希望盡自己能力避免身邊人對巴士迷既評價變差就已經足夠...
[ 本帖最後由 WING93 於 2011-4-19 14:39 編輯 ]
原帖由 WING93 於 2011-4-19 14:26 發表 http://hkitalk.net/HKiTalk2/images/common/back.gif
其實我覺得個主因係關乎現時物質生活太好既問題...
先講影車
以前菲林單反只係一d攝影發燒友既玩意
如果唔係家境富裕,一個普通既巴士迷出街影車通常都離唔開傻瓜機
再望番而家,我出街見到一d望落只係中一,二既學生 ...
因此冇人知道我鐘意迷巴士,
車都唔會去影,
唔知點解我會覺得如果我咁做的話, 會比人投射一種非常怪異的目光 ~
反之我同人講我鐘意飛機的話,
感覺差得遠 ~
何解? 就係因為而家班小朋友目中無人, 鐘意做乜就做乜 ~
其實歸根究底未又係家教 ~
事先講明我唔係歧視
不過我發覺有部份講唔正廣東話 o既 "香港人", 管教小朋友係好大問題,
佢地真係可以唔理佢地個細路, 起公園可以亂跑, 撞到人理得你死, 地鐵車廂入面又係跑黎跑去, 叫囂....
如果講得正廣東話 o既 "香港人", 就算幾低文化都好,
都會講, 唔好跑黎跑去撞到人啦, 又或者真係撞到人 o既時候, 佢地都會幫個細路講返聲 "對唔住" 先 ~