現時紅磡碼頭幾時興建?
如題!及板友可不可以講其發展史????????:lol 現時o既紅磡碼頭由1991年3月17日啟用。
最初紅磡碼頭位於今日半島豪庭位置，同而家一樣有兩個碼頭，一個油麻地線，一個天星線。油麻地線碼頭係一般港內線
設計，但天星o個個係金字頂鐵搭，簡陋同細好多，應該係配合紅磡中環線開航，大約於1965年建造。
紅磡灣1986年動工填海，油麻地線碼頭由1988年9月搬到紅磡灣中心對面o既臨時碼頭，碼頭要用躉船接駁。兩個新碼頭
落成，油麻地同天星兩個碼頭一齊搬到現址。
最初貼近黃埔花園o個個碼頭係天星中環線用，所以油白同綠天星顏色，遠o個個由油麻地北角同灣仔線用，但唔知幾時
（可能係油麻地移交航線俾新渡輪）開始，兩個就調轉，天星中環灣仔線用遠o個個，新渡輪用近o個個。
題外話，紅磡碼頭未搬o既時候，勁多新界市民會搭火車去紅磡然後轉天星小輪去中環，繁時碼頭門口會打蛇餅，班班船
都要截人龍，當91年搬o左紅磡碼頭之後，九巴3B居然充當火車小輪o既接駁服務，來回程都要兜上紅磡車站一次，但根
本冇人會咁樣俾多程錢轉車，大家寧願落隧道口搭巴士過海，紅磡三條航線客量從此亦大不如前，兩年後3B亦冇兜紅火。 原本在火車站旁果個紅磡碼頭(油麻地果個), 其實在1970年代尾才啟用, 但不足十年就
拆卸了.
之後個臨時碼頭座落在當年黃埔間中藝對面(即執了不久的華潤百貨紅磡店位置), 巴
士總站就在紅菱街旁.
當年近黃埔果個紅磡碼頭廣場啟用時, 九巴各條以紅磡碼頭為總站的路線遷至, 當年
搬到新站的路線有3B, 7B, 13A, 15, 85C, 遷至新站同時, 各線每程加收$0.1, 後來九巴
在同年4月1日加價時, 紅碼各線加幅特高, 13A及15兩線在舊碼頭時, 收費是$2.4, 搬
新碼頭加至$2.5, 全面加價時, 竟一加就加至$2.8(但與此同時, 過海隧巴的收費, 竟由
$3.5加至$4.5, 每程加了一元, 不知是否因為要提供隧巴線及X特快線小童半價優惠
有關), 本來在舊碼頭時, 3B及7B收費與6F是一樣的, 但至今就是跟了1號線的水平, 總
之全部市區路線的收費都升了一級.
頁:
[1]